بالهنه والشفا الى الشعب

[emad7759]

المشاركة الأصلية كتبت بواسطة sad-bird استاذ عماد الدستور تم تعطيله من قبل المجلس الاعلى للقوات المسلحة بناء على الثورة الشعبية التي خرجت من اجله وتم من خلال المجلس الدعوة لعمل تعديلات دستورية تناسب مطالب الشعب وتم من خلال المجلس عمل تعديل لمواد الدستور الخاصة بالانتخابات الرئاسية القادمة وفي الفترة الحالية يتم عمل قوانين وتنظيمات محدده لتنظيم الفترة الانتقالية القادمة بعدها سيتم عمل انتخابات المجلسين ثم انتخابات الرئاسة وانتخاب جمعية تأسيسية لوضع دستور جديد للبلاد اما عن الدعوى المرفوعة فاغلب الظن ان الهدف منها احداث بعض البلبة والشك وزعزعة الثقة في نفوس الشعب وهي احدي حيل الثورة المضادة كما ان جميع قضاة مصر يرفضون مبارك قلبا وقالبا فمن اي سيأتي الحكم بصحة دعواهم اخي الكريم بدلا من الالتفات لهذه الاخبار حاول التعامل بشكل اكثر ايجابية وابحث عن ما هو قادم من انتخابات مجلس الشعب والشوري وابحث في خلفية كل من المرشحين في دائرتك لتحسن الاختيار في المرة القادمة ، والتي اخشي ان يكتفي الناس فيما فعلوه من موقف مشرف في استفتاء الدستور ( طوابير الاستفتاء ) ويقولو كفانا انتخاب ولن نذهب في المرة القادمة كما ارجوك اخي الكريم ان تلتفت لاخبار اخرى مثل خبر اليوم عن تفكيك الحزب الوطني وعودة كل متعلقاته إلى الدولة مرة اخرى شكرا لك

ياخى الفاضل فعلا تم تعطيل الدستور فعلا بعد الثوره

ولاكن التعديلات التى تمت تمت فى الدستور القديم اللى هو الدستور ال71

وتم تشغيله بالتعديلات

انا كل اللى بتكلم عليه ان لابد من محاكمه حستى مبارك واعوانه

وانا لما نقلت الخبر ده كنت بقول ان التعديلات دى لم تشتغل لحالها بل

تم تشغيل الدستور مع التعديلات والجديد ان الاخوان وفقه على تعديل الماده

2 من الدستور اللى كانه يقال ساعه الاستفتاء انه لم يتم المساس بها

وان اللى هيقول لا ستلغى الماده دى اشمعنه فى الوقت الحالى وافق الاخوان على تعديلها

وبعدين ربنا يوفقنا فى صالح امورنا

والشىء اللى انا مبصوت منه ان الناس طلعت من بيوتها وراحت حطط صوتها

والكل اهتم بالعمليه بس للاسف ان الناس ذهبه الى الاستفتاء وهم فى حيره

وان الاخون والسلفين استغله النقطه دى وقاله صوته بنعم حتى لايتم الاغاء الماده

2 من الدستور

[emad7759]

المشاركة الأصلية كتبت بواسطة mido-spicy ولا وانت الصادق .. نلم المسلمين ونوديهم السعوديه والمسيحين نوديهم امريكا ونخلى عصام شرف يقفل البلد بالمفتاح ويطلع يقضى الويك اند فى سويسرا :craz yW14:

ياخى اللى انا بقصده من نقل الخبر ده مش بهاجم حد بعينه كل المقصود

ان الاخوان والسلفين قاله للناس اللى مش هيقول نعم سيتم الغاء الماد الثانيه

من الدستور وفيه ناس قالت كلامن كتير جدا خلت الناس تقول نعم

والناس ليس عندهم اى ثقافه ولا وعى عن الدستور الميت الذى تم احياءالميت

وده اللى خله شويه محامين يعمله كده وان الناس طالبت بمحاكمه حستى

واعوانه لم يطلع احد من المجلس الاعلى للقوات المسلحه وقال اى شىء

ولاحتى الناب العام لم يقل اى شىء ولا حتى الدكتور عصام شرف

واللاخوان والسلفين كل اهتمامهم الان بالانتخبات بس

والخوف ان يتعمل زى معامله كده فى الاستفتاء

وتم فى خطبه الجمعه كده قبل الاستفتاء بان يم فى الخطب خطباء من

دول ودول ويتم اقناع الناس بان ينتخبه ده وده والناس بحسن النيه

وسماع كىم المشايخ يروحه وينتخبه اللى قاله ليهم امام الجامع اللى هو اصلا

ليس الامام المعين من قبل الاوقاف

وبعدين فيه كلام كتير يكشف الناس دى وانا مش عايز اخش فى حورات

فلو كلامى غلط فانا اسف ليكم جميعا ويريت محدش يزعل منى

الى انا شفته فى الثورة هوة اللى يخلينى اقول كده لانى شفت الموت بعينى

فربنا يارب يرشدنا فى اللى فيه الصالح لينا جميعا والى مصرنا الغاليه

[mf]

انسانه انا مش فاهم حاجة من كلامك

[MmFFoR]

تقريبا هي ابتدت تتريق على المحامين اللي رافعين المهزلة (القضية ) دي
و بعدين انتقلت انها تهاجم الاخوان و تقول انهم صدروا الشباب الغلبان لوش المدفع و بعدين لم ضرب النار وقف راحوا داخلين و ركبوا الموجه

[خالد دبي]

المشاركة الأصلية كتبت بواسطة emad7759 دعوى قضائية أمام مجلس الدولة تطالب بعودة مبارك للرئاسة قام عدد من المحامين أطلقوا على أنفسهم «شباب محامي مصر الحر» برفع دعوى قضائية بمجلس الدولة تطعن على قرار تنحي الرئيس السابق مبارك، مطالبة ببطلان القرار وبعودة مبارك مرة أخرى لاستكمال مدته الرئاسية. واستند رافعو الدعوى المحامون ثروت محمد صالح، ومحيي كامل راشد، وحمدي سيد مهني بحسب ما أكده أحدهم لموقع مصراوي انه بناء على المواد 74 و152 والمادة رقم 1 من القانون رقم 174 لسنة 2005، والتي تستوجب عرض أي قرار رئاسي يخص الشعب للاستفتاء العام وهو ما لم يحدث مما يجعل القرار باطلا بنص الدستور. وأضاف انه بناء على مواد الدستور السالف ذكرها فإن قرار مبارك بالتنحي باطل، ومن حقه أن يتراجع عنه خلال 60 يوما من إصداره، وعليه فإن مبارك مازال دستوريا هو الرئيس الشرعي للبلاد، ولكي يدخل قراره حيز التنفيذ يجب أن يستفتى الشعب عليه، علاوة على أن قرار تفويض المجلس الأعلى لإدارة شؤون البلاد مخالف للدستور ـ بحسب تأكيدات رافعي الدعوة. بالهنا والشفه الى كل اللى راح وسمع كلام السلفين والشيخ منحمد حسان وراح وصوت وقال نعم الى التعديلات الدستوريه انتم اديته فرصه كبيره الى شويه xxxxعملين فيها محامين البيه الحرامى الكبير اهم استنده الى بعض مواد الدستور الى مات والناس لله يسامح كل اللى قال للناس روحه وقوله نعم للتعديل ادى الدستور تم احياه من جديد ويما هنشرب منه ولان مش عارف ليه التراخى فة محاكمه xxxx xxxx حستى واعوانه علاشان الاخون والسلفيين يفرحه ويشوفه اللى هيجره لينا من الميت اللى تم احياه من جديد بشويه مود ياريت الناس ترجع تانى ويتم عمل مظاهره مليونيه حتى يتم محاكمه الفاسدين

بص ياأبو الشباب موضوع مبارك يرجع هو مش هيرجع لكن الخوف من اخوانا الحلوين بواقي الحزب الوطني ومعاهم دراويش المعارضه الوهميه وطبعا اخيرا وليس اخرا الأخوان والسلفيين ربنا يجعل كلامنا خفيف عليهم يارب احسن لما الواحد يزعلهم دلوقتي بيقطعوله ودنه ويمكن حاجات تانيه كمان ماعلينا هما دول اللي اكتر تنظيما حاليا وعشان كده كان المفروض نقول لاء للتعديلات عشان تاخد باقي الاحزاب الجديده فرصتها في التنظيم وبرضه من جهه اخرى الناس كانت عاوزه الامان بعد ياعيني ما اخوانا بتوع الشرطه مانفسيتهم تعبت ومش عاوزين ينزلوا الشارع عشان الناس بتهزقهم قال وسايبين البلد في ايد شويه حرميه يسرقوها وانا لا اهاجم الشرطه بس في كلمتين حارقيني اوي يعني نفسيتكوا تعبت دلوقتي ومتعبتش لما كنتم بتظربوا الناس بالرصاص الحي ومنهم شباب عزل فاتحين صدروهم ومع ذلك هنقول المخطيء هيتحاسب بس عاوز اقول لكل واحد مش بس شرطي المفروض لما بلدي تعوزني اادي واجبي هنزل وأأديه حتى لو الناس داست عليا لان بلدي محتاجالي يابشوات وعامه ده ينطبق علينا برضه ياريت نتلم بقى ومش كل واحد عاوز يخش الحمام يعمل اعتصام عشان يدخلوه الحمام والشباب اللي عامل زعيم ع الفاضي والمليان يخف شويه والنبي خلونا نطلع من الهم اللي احنا فيه لو مسكوها حد من المخفيين اللي اتكلمنا عنهم والله لا هيخوزقونا زي ماخوزقوا سليمان الحلبي وخد عندك اي حاجه هتبقى حرام في الدنيا الا لسيادتهم طبعا وعامه بجد احنا لازم نقف وقفه مع نفسنا ونبطل نرخم على الناس اللي بتشوف شغلها ونمشي عكس السير ولو ظابط بصلنا نبهدل كرامته الحقيقه ان نظام البلد كان فارض كده من 50 سنه فياريت منلومش حد مامور الناس اللي ماتت ضحت عشان مصر تعيش مش عشان كل واحد سخيف يعملي بطل وينزل اغنيه هابطه ولا عشان مطرب هارب من التجنيد يطلع على كتافهم وياريت نبطل محاكم التفتيش اللي كان مع مبارك منغير مايجرح في الثورة ده رأيه والللي كان مع الثورة خير وبركه واللي سكت خالص اهو لانفع ولاضر المهم مصر بتاعتنا عاوزينها تاني عشان منلاقيش نفسنا بنخاف ننزل الشارع وصدقوني بواقي الحزب الوطني عاوزين كده اوي فياريت نيجي على نفسنا شويه ونبطل نحتك ببعض ودمنا حمي اوي والرجوله مقطعانا بس على مين على بعض مسيحيين ومسلمين نخف بقى واللي عمالين يولعوها في الجوامع والكنايس يتلموا وافتكروا حاجه واحده بس كانت فين الناس دي لما كان المسيحي والمسلم بيتنفخوا من النظام خلاص ظهرت النعره الدينيه عندهم دلوقتي ؟ بس على الغلابه من الشعب اتقوا الله في مصر وعن كلام محمد حسان على غزوة الصناديق بقول اهو بان على حقيقته وعمركم ماهتمسكوها ان شاء الله مصر بتاعت كل واحد على ارضها مسلم مسيحي حتى الاقليه اليهوديه ماهم مصريين برضه خليكوا انتوا عايشين في الغزوات بتاعتكم وهل نخش الحمام برجلنا اليمين ولا الشمال وسيبوا الاسلام فحاله ومصر فحالها والاخوان كمان لعبتهم مكشوفه بينيمونا على اساس نطمنلهم بس تاريخهم معروف هما من دلوقتي اختلفوا مع بعض امال لو وصلوا للحكم هيعملوا ايه واللبيب بالاشاره يفهم