تجربتي في نقل ملكية السيارة من محافظة الي محافظة وترخيص ثلاث سنوات

[ابا الزهراء خليفة]

تجربة نقل ملكية العربية من محافظة الي محافظة اخري والترخيص لمدة 3 سنوات
========================= ===================
من مرور الاميرية الي مرور العاشر من رمضان
1- عدد2 شهادة بيانات شهادة موجهة للشهر العقاري والاخري موجهة للمرور الجديد (دة في حالة انتهاء الرخصة ). من المرور القديم طبعا ولو الرخصة سارية تقدر تعمل الاجراءات بدون شهادة بيانات

2- الذهاب الي الشهر العقاري والقيام بتسجيل السيارة والاوراق اللي تكون معك التوكلات كلها وشهادة البيانات وصورة من التوكيلات وصورة من البطاقة .

(((ملحوظة مهمة لو الرخصة سارية لا تحتاج الي شهادة بيانات ))

3- التوجه الي المرور الجديد ومعك الاوراق الاتية ( شهادة البيانات والعقد المسجل وجميع التوكيلات ).

4-هتتوجه الي الكشك اللي بيبيع الملفات الخاصة بالترخيص وتقوله بنقل ملكية وعاوز ارخص 3 سنوات هيعطيك ملف وحافظة بحوالي 45 جنية .

5- ثم تتوجهة الي الخزنة وتشتري ورق فحص ونموذج 51 وتقولة هرخص 3 سنوات .

6- هتروح للناس اللي بتأخذ البصمة وتثبت عند الامين بتاع البصمة ثم تأخذ البصمة وتتوجه الي المهندس هيكتب جواب علي ظهر ورقة الفحص موجة الي المرور القديم لمطابقة البصمة وبعد كدة لازم توقع وتختم من الظابط ورقتين هما ورقة الفحص وورقة نموذج 51 .

7-بعد كدة وانت مازلت في المرور الجديد هتعمل حاجة اسمها استعلام امني عن السيارة من خلال ورقة من الملف اللي انت اشتريتة هيملها الامين المخصص لذلك .
وهتشتري الطفاية والمثلث وشنطة الاسعافات ولازم تدمغ رقم الشاسية علي الطفاية وكل دة في مكان
اخذ البصمة .

8- تتوجه الي المرور القديم علشان تطابق البصمة وعلي فكرة من غير سيارة عادي هتروح للمهندس بتاع الفحص في المرور القديم هيطلب ملفك ويطابق وبعدين توقع وتختم من الظابط وتعمل علي ورقة الفحص استعلام امني تاني من المرور القديم .
وانت بقي بطابق البصمة في المرور القديم تطلع شهادة مخالفات

9 - هتروح المرور الجديد وتدخل الفحص تفحص وتوقع من الظابط وتخلي مهندس الفحص يكتب كود الشاسية علي ورقة الفحص ويمضي جبها .

10- هتروح للموظف بتاع التراخيص هتقدم الملف ويقدر الضريبة واوعي تنسي تقولة ترخيص 3 سنوات وبعدين تدفع في الخزنة وترجع تاني لنفس الموظف يكملك ورقك ويأخذ العقد المسجل وكل التوكيلات وصورة البطاقة وصورة الرخصة سواء منتهية او سارية وبعدين يقولك هات رقم جديد من الشباك رقم كذا .

11- هتروح للشباك هيقولك سجل الفحص في غرفة الكمبيوتر هتسجل وترجعلة ويعطيك رقم (يعني الرقم الجديد بتاعك علي ورقة الفحص) ويطلع علي بطاقتك وشهادة البيانات وبعدين تتوجة لموظف التراخيص يلم ورقك كلة وتم المراجعة .
الورق اصبح اية ( شهادة مخالفات + الملف اللي انت اشتريتة + العقد المسجل + التوكيلات جميعها +الرخصة القديمة سواء كانت منتهية او سارية وصورة منها + صورة الرقم القومي + بوليصة التامين الاجباري + فواتير الطفاية والشنطة بتاع الاسعاف والمثلث)

وتستني ينادي علي اسمك

12- بعد المراجعةهينادي علي اسمك هيعطيك 4 ورقات تسلم 3منهم في شباك اللوحات المعدنية مع تسليم اللوحات القديمة وهيعطيك ورقتيين كمان تعطيهم لموظف معين هيقولك علية علشان يجيب ملفك من المرور القديم .

13- هترجع لموظف التراخيص تاني تعطيلة الورقة الرابعة وهيعطيك ورقة اسمها مخالصة اجراءات ترخيص تروح بيها علي شباك تسليم الرخص تنتظر لحد ما تسمع اسمك تأخذ تصريح ب3 اشهر و يأخذ منك ورقة مخالصة اجراءات الترخيص ,

طبعا التصريح 3 شهور لحين ورود الملف من المرور القديم

14- هتروح لشباك اللوحات المعدنية تعطيلة التصريح ويثبتة ويأخذ رقم تليفونك ويسلمك اللوحات الجديدة ويرجعلك التصريح .
========================= ==============
والحمد لله رب العالمين
ومباااااااااااااااااااااا اااااااارك الرخصة ههههههههههههه قصدي التصريح

[amr_darwesh]

الف مبروك