عاوز مساعده بخصوص جنوط الماتريكس

[karem ali]

المشاركة الأصلية كتبت بواسطة m.elhasafy أنا مع الرأى ده يعنى لو كتالوجك قال 16 هيبقى ممتاز أما لو قال 15 فأنا شايف إنها مش هتفرق كتير

شكرا ليك يا باشا و انا ان شاء الله هشوف الكتالوج بكره لم اعرف افتح العربيه لانى حجاره الريموت خلصت و بكره هنزل المنشيه على شان اجين حجاره جديده

[karem ali]

المشاركة الأصلية كتبت بواسطة _amr.mostafa_ امشي ورا كاتلوجك يحتار جنطك فيك انا رايي تشوف عربية كروسير لو فيها جنط خده وحطله طوبتين .ولو اني معتقدش التاكسي ده هتلاقي عنده حاجه

ههههههههههههههههههههههههه
يعنى انت عاوز تقنعنى انى تاكسى كورسير هيكون فيه جنط
يا عم حرام عليك

[karem ali]

المشاركة الأصلية كتبت بواسطة sam ram بص يا كنيم ... الكتانوج بيقونك المقاس ال 14 R 14 185/65 وممكن تستخدم 195/55 R15 205/55 R15 بس كاتبين انه لل 1.8 بس .. واعتقد ان الخنيجي بتنزن بالمقاس ال 15 واخونا الاستاذ بدر صلاح كان بيفكر يجنط من فتره و كان بيسأل على المقاسات و افتكر ان كان في حد زميله عنده جنوط 15 فقال انه حيجربهم الاول إسأله برضو و شوف رأيه ايه

شكرا ليك يا استاذ سامح و فعلا هو استاذ بدر مجنط العربيه لانى شوفتها يوم مقابله دريم لاند فا ننتظر رده لانه هيكون مجرب الجنط
و شكرا ليك

[karem ali]

المشاركة الأصلية كتبت بواسطة BASSEM BESO اولا ابدأ كلامى بالسلام على احلى شباب ورجاله مصر موتورز وحمدالله على السلامه ليكم كلكم ثانيا ياكريم لو عايز رأيى خليك فى المقاس الأصلى بتاع العربيه احسن او تسأل عفشجى كويس وزياده اطمئنان تسأل فى التوكيل وتشوف هيقولو ايه

باسم حبيبى طمنى عليك الاول عامل ايه
و تتصدق عندق حق انا مكونتش واخد بالى من نقطه التوكيل لكن انا عاوز اولك حاجه اعضاء مصر موتورز توكيل

[karem ali]

المشاركة الأصلية كتبت بواسطة AboNoRa وفقاً لكلام الكتالوج لو ركبت المقاس الاصلى R 14 185/65 يبقى مش هتغير غير طقم جنوط وبس وهتستفيد من الاستبن عادى لو فردة فيها مشكلة لو ركبت المقاس 195/55 R15 هتكتسب ثبات اكبر للعربيه علشان علو سمك الكاوتش هيبقى اقل وعرضه هيبقى اكبر وده هيديك تماسك افضل مع الفرملة يعنى ثبات افضل وفرملة افضل لكن عيوبه ان غالباً سعره هيبقى اكبر انشف شوية على العفشة التسارع او السحب هيبقى اقل شوية وبنفس النسبة هيزيد استهلاك البنزين هتخسر طقم الجنوط والكاوتش لانك لازم تجيب كاوتش مقاس تانى انصحك لو انت بتجرى اكتر وحاسس انك محتاج ثبات افضل للعربيه تغير لو مش فارقه معاك الاداء او الشكل خليك فى ال 14 ووفر فرق تغيير الكاوتش على الاقل او استنى لما الكاوتش اللى عندك يهلك وتبقى كده كده هتغير طقم كاوتش وغيره مع الجنوط كمان

فى الاول شكرا ليك يا استاذ وائل
لكن هو انا عاوز اوقول حاجه انا بحب اجرى بل العربيه دى و انا نفسى كمان اركب جنط 15 لكن فعلا انا كده هطر انى أغير كاوتش و مع العلم انى الكاوتش بتاعى لسه 20 الف كيلو بس
لكن عاوز اعرف يعنى ايه انشف على العفشه لانه لو هيعمل حاجه غلط على العربيه هيكون بلاش منه خالص
و شكرا