العربية بطة بلدى!

[Doaa Ashraf]

السلام عليكم
عربيتى بيكانتو 2005، المشكلة ظهرت من فتره ان ال rpm بيعلى لوحده ،غيرت حساس الايدل و ال تى بى اس، الدنيا اتظبطت شويه بس العربيه بدأت تقطع منى، يعنى و انا بدوس على البنزين و بشيل بفضل اتمرجح قدام و ورا و تجميعها بقى بطىء جداً، غيرت بوجيهات و فلتر بنزين و نضفت فلتر الهوا،اتحسنت شويه و بعدين رجع الموضوع اكتر من الاول بالاضافه ان استهلاك البنزين على كمان
بصراحة اتخنقت منها بس صعبانة عليا:01A0FF~1 39:
الحل ايه ؟؟؟؟

[atef-fouda]

السلام عليكم الموضوع ده شائع فى كيا بعد 120000 كم ومحدش بياخد باله منه حتى لو رحتى التوكيل هيغيروا حاجات كتيره ممكن يوصل تمنها ل 10000 جنيه
الموضوع بسيط اسألى عن حد بيصلح كاربرتير ولو قريبه من شبرا فيه واحد فى الخلفاوى كويس هيعمل ليكى اكس وباب وهيقيس البكات كله ويمكن يغير واحد او اتنين والموضوع كله مش هيتكلف اكتر من 150 جنيه يقل مايزيدش وهتلاقى العربيه فاقت والبرجله اختفت ان شاء الله ومتفرطيش فى العربيه لان العيب ده بيزهق لانه مش ثابت على حال وبيكلف اللى ميعرفوش كتير على ما يكتشفه ودعواتكم وابقى طمنينى عشان كلنا نستفيد

[Doaa Ashraf]

شكراً على الرد ، بس كنت عايزه اسأل عن حاجه، دلوقتى انا رفعتها كومبيوتر قالى العيب فى حساس او عامود الكامه ، ده ليه علاقه ؟؟؟

[حسام البورسعيدى]

المشاركة الأصلية كتبت بواسطة Doaa Ashraf شكراً على الرد ، بس كنت عايزه اسأل عن حاجه، دلوقتى انا رفعتها كومبيوتر قالى العيب فى حساس او عامود الكامه ، ده ليه علاقه ؟؟؟

اه طبعا حساس الكامة يعمل الاعرض اللى عند حضرتك دى ..

انصحك تجيبيه استيراد وعلى تجربه لو مطلعش العيب منه ترجعيه تانى بدل ما تشترى واحد جديد ع الفاضى ده غير انه ممكن ميكونش اصلى ..

عموما طالما الجهاز طلع عيب حساس كامة يبقى احتمال بنسبه 90 % يكون العيب بسببه وخصوصا انك عملتى صيانه لاغلب الحاجات اللى بتسبب المشكلة دى ..

[atef-fouda]

مفيش مشكله ممكن تجربى الحساس الاول لان فعلا ليه علاقه بتوقيت التاكيهات وطالما الكومبيوتر قراه فى الاعطال يبقى لازم يتغير الا كان الكشف ده عند واحد بره وممسحش الاعطال السابقه