|
منتدى الصيانة العام أى مشكلة فنية تواجهك ضعها هنا |
|
أدوات الموضوع |
#1
|
||||
|
||||
ارجو من جميع القائميين علي المنتدي والمشرفيين والاعضاء المشاركة
بسم الله الرحمن الرحيم الموضوع جديد وقد يكون غريب بس ارجو التفكير فيه ويجب ان تكون جميع الردود سواء بالقبول او الرفض منطقية من المعروف ان الامريكان والاوروبين بيحبوا يعملوا كل حاجة باديهم ودايما تلاقي جراج في بيت كل واحد فيهم ولما تحصل مشكلة في العربية كانوا بيعملوا ايه – الميزة فيهم انهم مبيحبوش يفتوا في اي حاجة – ويحبوا يعملوا الحاجة صح من اول مره وكمان مش بيلعبوا بالفلوس زي معزم شباب العرب مفتكريين وعشان كده تلاقي عند كل واحد شنطة عده في بيته وفي عربيتة فالناس بره فكرت انها تعمل موقع علي النت قاعد عليه ناس متخصصة في اصلاح السيارات يدخلوا عليه ويدفع كل واحد 15 دولار علي الموقع ويكون المتخصص تحت امره ويكون معاه لحظه بلحظة بالرسومات التوضيحية عن كيفية الفك والتركيب والرسومات الكهربائية والشرح لحظة بلحظة لحد ما يوصل للعيب ويصلحه ويتاكد ان كل حاجة تمام – ودا ليه فوائد كتيرة جدا 1- الناس وفرت ة جدا بدل ما تروح للميكانيكي والكهريائي وعملت الحاجة باديها 2- الناس اللي معندهاش القدرة علي الاصلاح من خلال المتخصص يقدروا يعرفوا هيروحوا عند ميكانيكي ولا كهربائي ولا عند متخصص كنترول ودا طبعا بيوفر وقت و وفي مصر بيوفر حرقة الدم والفتي الكتير اللي ملوش لازمة. 3- يلتزم كل متخصص بتوفير كل الطرق لاصلاح العيب للعميل لان العميل في النهاية بيدي له نقاط وبعد فترة بيعاد تقييم المتخصص ماديا وكل حاجة من ترقي .....الخ. 4- يلتزم المتخصص بتوفير اسماء الناس اللي تشتري منهم قطع الغيار المضمونة. انا بقترح عمل نفس الاسلوب في مصر موتورز ويكون ثمن المشاركة في اصلاح السيارة حوالي 15 جنية – ميجيش تمن مكالمة التليفون لو هتتصل بصديق او اتنين لمعرفة ميكانيكي او كهريائي كويس. الفائدة ايضا :- توفير فرص عمل للساده المهندسيين بدوام كلي او جزئي – بحيث هيكون كل مهندس (او مجموعة من المهندسيين) متخصص في سيارة واحده – وهيكون له عائد من الفلوس كل شهر ودا هيخلي المهندسيين يتنافسوا لذيادة المعرفة واصلاح السيارات لان الفلوس اللي هيخدوها هتكون علي ادائة وتقييم العميل ليه- وهيكون الزام عليه مساعده العميل حتي انتهاء اصلاح السيارة. ارجو من حضراتكم المشاركة بارائكم بموضوعية سواء نعم ام لا.
__________________
............ الله العظيم أعلي وأعلم اللهُــم يا فارج الهَم, ويا كاشف الغــــم, فرّج همّــي, وفُك كربي, واغفر ذنبي , وارزقنــي من حيثُ لا احتسب ما شاء الله تبارك الله ما شاء الله لا قوة إلا بالله , اللهم إني أسالك الهدى والتقى والعفاف والغنى اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك لا نفع للمال اذا كانت النفس فقيرة ولا ضرر من الفقر اذا كانت النفس غنية Its easy taking it apart. But getting it back together is another story .
|
#2
|
|||
|
|||
رد: ارجو من جميع القائميين علي المنتدي والمشرفيين والاعضاء المشاركة
هى الفكرة فى مجملها رائعه, و لكن تطبيقها هنا ليه مميزات و عيوب:
1- هتشجع المهندسين و الخبراء إنهم يكونوا أنشط, و ميغيبوش عننا كتير, و يتابع معاك المشكله من الأول للآخر. 2- هيبقى فيه تخصص, يعنى إللى بيفهم فى حاجه معينه يتكلم و إللى ميفهمش ميتكلمش بس برضه: 1- هتلغى روح المشاركه و الصحبه إللى هنا فى مصر موتورز, لأن الموضوع بقى خدمه مقابل فلوس 2- هتخلى تعليم المبتدئين للقواعد العامه صعب, يعنى لو واحد زى حالاتى (فى الأول) مكنتش أعرف الفرق بين الكبوت و الإكصدام, علشان تجيبله مهندس يشرحله تغيير أبلاتين و كوندنسر مثلاً. المهندس ممكن ينتحر, مهما إستخدم صور و فيديو و شرح و ... إحنا عندنا ناس فى مصر مبيعرفوش يغيروا فرده الكاوتش لو نامت و يقف جنبها عالطريق يعيط. - أنا شايف إن نظام مصر موتورز ممتاز بالشكل الحالى, ينقصه فقط.... تفاعل أكتر يعنى ممكن الواحد يعمل موضوع بمشكله, و يستنى الرد, و يضطر يروح لميكانيكى يفتى شويه, يرجع بعد شهر يلاقى الموضوع لسه محدش رد عليه !!!! - كمان فى ناس كتيييييير من إخواتنا خبراء و مهندسى المنتدى بيغيبوا عننا فترات طويله, صحيح الدنيا مشاغل و ملاهى و دريم بارك, بس لو حتى ربع ساعه كل يوم تشوف إللى باعت رساله , إللى عنده مشكله جامده, و كله فى ميزان حسناتهم
__________________
|
#3
|
||||
|
||||
رد: ارجو من جميع القائميين علي المنتدي والمشرفيين والاعضاء المشاركة
شكرا جزيلا لردك بس مصر موتورز مش هتتغير دا هيبقي جزء منه - وهيكون للاعضاء الحق في قراءة ردود المختصيين وبالتالي هتذيد الخبرة مش هتقل وهنوصل لحلول منظمة يمكن متابعتها بسهولة
وبالتالي اللي هيدخل هتكون عنده مشكلة فعلا محتاجة تتحل يعني المعلومات هتنظم وهتكتر وياريت حضرتك تشوف المواقع دي في امريكا واوروبا عامله ازاي واحد بس بيدفع في المعلومة والف واحد بعده بيستفيد من معلومة منظمة والخلاصة بدون لف ودوران الموضوع مش فلوس وبس دا هيبقي خبرة منظمة تراكمية مع مرور الوقت والزمن والمشكلة تقدر تحصل عليها بعد 20 سنه او اكتر ودا وسيلة تعليمية ممتازة مثلا لما نعمل موضوع عن اصلاح الكمبيوتر تلاقي ناس مصصممة بردوا يحطوا المشكلة في مشاركة جديدة - تلاقي الواحد وهو بيدور بيلف علي المنتدي بالكامل للوصول لمعلومة
__________________
............ الله العظيم أعلي وأعلم اللهُــم يا فارج الهَم, ويا كاشف الغــــم, فرّج همّــي, وفُك كربي, واغفر ذنبي , وارزقنــي من حيثُ لا احتسب ما شاء الله تبارك الله ما شاء الله لا قوة إلا بالله , اللهم إني أسالك الهدى والتقى والعفاف والغنى اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك لا نفع للمال اذا كانت النفس فقيرة ولا ضرر من الفقر اذا كانت النفس غنية Its easy taking it apart. But getting it back together is another story .
التعديل الأخير تم بواسطة romeoalmansour ; 09-09-2013 الساعة 10:25 AM |
#4
|
||||
|
||||
رد: ارجو من جميع القائميين علي المنتدي والمشرفيين والاعضاء المشاركة
دا غير ان مجموعة من المهندسيين المتخصصين هتاكل عيش
__________________
............ الله العظيم أعلي وأعلم اللهُــم يا فارج الهَم, ويا كاشف الغــــم, فرّج همّــي, وفُك كربي, واغفر ذنبي , وارزقنــي من حيثُ لا احتسب ما شاء الله تبارك الله ما شاء الله لا قوة إلا بالله , اللهم إني أسالك الهدى والتقى والعفاف والغنى اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك لا نفع للمال اذا كانت النفس فقيرة ولا ضرر من الفقر اذا كانت النفس غنية Its easy taking it apart. But getting it back together is another story .
|
#5
|
رد: ارجو من جميع القائميين علي المنتدي والمشرفيين والاعضاء المشاركة
إحنا ليه نعمل الموضوع ده بفلوس ؟ اللى عنده مشكله فى عربيته بيعرضها وعلى طول هاتلاقى المتخصص اللى هايجاوب حتى لو كان جوابه مجرد توجيه لصاحب المشكله إن مشكلته فى كذا ويروح للمتخصص سواء كان كهربائى أو ميكانيكى أو غيره ، المهم هايوجهه يروح فين ولمين وتبقى دى الخدمة اللى بيقدمها له ، وهى دى رسالة مصر موتورز منذ إنشاؤه
وبعدين طبيعة المصريين غير الأمريكان أو الأوربيين : المصريين عندهم المروءة والشهامه وحب عمل الخير مجاناً ولوجه الله ، غير الناس التانيه دى اللى كل حاجه عندهم بكام
__________________
م . نبيل عبد الرحمن مصر موتورز الإسكندرية
|
|
|