فى معرض اتوماك 2011

[fineart607]

فورميلا الأهرام بيكون اكبر واحسن بس اهو بنمشى حالنا
التذكرة ب20 والباكينك 5 والمواعيد من 12 ونصف حتى العاشرة ونصف

[beso ahmed]

اصل انا لما روحت فورميلا الاهرام السنادى مكنش حلو زى كل سنة حسيت ان فى حاجة ناقصة

فهل اتوماك زيو السنادى؟؟؟

و شكرا ليك طبعا

[crime]

المشاركة الأصلية كتبت بواسطة fineart607 لا جديد بالنسبة للميتسوبشى حتى لانسر بومة 1300 قال لى ليست متوفرة ولم يتحدد سعرها

ده عيبو بقى يا معلم الانسر اجمد من ان هى ترووح عليها

[mody112]

جولتى فى معرض اوتوماك 2011

انا روحت المعرض امبارح وكنت عامل حسابى انى اروح بدرى علشان اتفرج براحتى وكمان عشان ماتش الزمالك وهما كانوا عاملين بوابة دخول المعرض بعد مدخل الاستاد ( يعنى من قلة المداخل ) وللاسف المعرض تحس انه فاضى( مش زى الاهرام ) والماركات المعروضة قليلة جدا ولا جديد (باستثناء عربية او اتنين ) والمعرض كله لم ياخذ الا حوالى ساعة او اكثر بقليل حتى بعض السيارات المعروضة حسيت انها اسوا من الموديلات السابقة لها من حيث التقفيل وجودة الخامات وكمان اسعار اغلى.
وهى دى الماركات المشاركة فى المعرض ( تويوتا - لانسر - بيجو - هيونداى - كيا - شيفروليه - بى ام - بريليانس - ليفان - جاك - ام جى - بى جى او - اوبل - سيتروين ) متهيالى هما دول بس مفيش غيرهم
والجديد فى بعض الموديلات البيجو 508 - هيونداى ix10 & 20 &30 - كيا رريو هاتش باك - شيفروليه لانوس هى هى لكن الزجاج الخلفى والابواب الخلفية فاميه - بى ام 318i &650 i - البريليانس fsv اوتوماتيك و سبورت وfrv cross واتوماتيك - ام جى عربية انجليزى اول نزول ليها للسوق المصرية وفى منها موديلين سيدان وهاتش باك والاتنين فى منهم هاف وفول اوبشن - والبى جى او دى عربية فرنساوى بس شككلها هتفشل فى مصر حاجة كدة زى عربية سمير صبرى فى فيلم البحث عن فضيحة ويمكن اصغر كمان مع تابلوه تحس انها شوية لعب وللاسف مصورتهاش ده غير سعرها من 35000 الى 40000 يوووووووووووووووووووورو
( اكيد هتفشل ) ارجو المعذرة ان كنت نسيت اى شئ وعلى فكرة اسعار التذاكر ب 20 جنيه لكن الباركينج معرفش بصراحة وارجو ان اكون قد افدتكم

واكتر عربية عجبتنى هى هيونداى i20 عربية فعلا جميلة 1400 سى سى 100حصان شكلها جميل قعدتها كويسة وهى هاتش باك ولكن شنطتها واسعة وفيها ايرباج واحدة وفرامل اى بى اس والمانيوال منها ب 92000 جنيه والاوتو ب 98000 جنيه (غالية شوية )

[semo76]

انا المعرض السنة دية لم يعجبنى اطلاقا فقير فى كل شئ هناك توكيلات و ماركات كبيرة جدا لم تشارك و الاشترك مشاركتة رمزية غبور مثلا كان واخد السنة ال فاتت صالتين عرض واحدة كبيرة للهيونداى و الثانية صغيرة للمازدا السنة دية واخد كورنر صغير عارض فية كام عربية هيونداى من الموديلات الجديدة النترا و اكسنت و Ix20 دة طبعا غير ان انا مشوفتش اى تخفيضات او عروض تذكر بالذات من الوكلاء ال انا كنت مستنى ليهم عروض (شيفورلية - كيا -هيونداى)