قنديل: إلغاء الدعم عن بنزين 95

[ezzat2002mo]

المشاركة الأصلية كتبت بواسطة modyegypt ماشى انا معك ولكن فى موظف طلع عين امة واستلف وجاب عربية مستعملة ومش ماشى معة بنزين 80 فبيجيب 90 والفرق 10قروش ممكن 92 ومش غنى يادوب موظف وعايش وممكن بردة احكيلك الف حكاية من عينة الناس دى ومعظم ال1600 سىسى ما يقبلش غير ال92 (نسبة انضغاط ) فلو غلى يبقى كل حاجة هتغلى

ياباشا انا قصدى على الاستاذ اللى بيعترض على رفع سعر البنزين 95 بس انما الباقى انا راىى يفضل مدعم فى الوقت الحالى لحد لما الظروف تبدا تتحسن

[ezzat2002mo]

المشاركة الأصلية كتبت بواسطة AbOnOrA انا مش عارف الاخوان محسسنى انهم بيصرفو علينا من جيوبهم ماهو الغنى ده سيادتك هو اللى بيدفع الضرائب اصلاً اللى بتصرف منها على الدعم يعنى كده كده بيدفع ونفس الغنى ده سيادتك ممكن يحول فلوسة بره ويشترى نفس العربيات واحسن (ارخص بكتيييييير) ويمشى فى شوارع نظيفة ومتصانة ويلاقى شرطة محترمة وملتزمة بنفس الضرائب اللى بيدفعها هنا ويمكن اقل ومن غير شاى ومحسوبيات للاسف الحكومات المتخلفة بتربى الناس على الجشع والنظرة الطبقيه للاغنياء فى حين ان الاغنياء فى اى دولة تانية تانية بيتعاملو كدافعى ضرائب وممولين لاقتصاد البلد مش نهيبة عموماً جيوب الحكومة دائماً مخرومة وابقو قابلونى لو الدعم وصل لواحد غلبان كانو يتشطرو على العربيات بتاعتهم المرسيدس وبى ام بجد واللى بيشتروها بفلوسنا ويركبوها بفلوسنا وفى الاخر ياخدوها معاهم فى نهاية الخدمة زى ما (التنح) الكتاتنى كان عايز يعمل عارفين لو وفرو بس من ميزانية السيارات الحكومية والدبلوماسية المصرية هيجيبو اكتر من توفير الدعم عموماً هو بنزين 95 مش فارق كتير فى بلد كل حاجة فيها ماشية بالشقلوب بس لو حكومة الاخوان فكرت تهوب بس جمب بنزين 92 او اى سلعة استراتجية تانية (غير المانجا طبعاً) هيبقى يومهم اسود من ايام مبارك واذا كانت عصابة مبارك عرفت تهرب من الحساب ولو مؤقتاً فعصابة الاخوان حسابها هيبقى نهائى وللأبد ان شاء الله واديكو اخدتو فرصتكم كاملة

السلام عليكم اولا

انا مش عارف ليه الناس واخده الموضوع شخصى ليه ومش باصه على الصورة العامه يعنى كان ايام مبارك فيه دعم اه بس دقنى كان كلها سنه ولا اتنين لو قعد وكنا هنشوف الويل ولا كان هيبقى فيه دعم ولا حاجه وكنا ملاحظين ده اخر 5 سنين والموضوع كان بيتنيل اكتر

ثانيا معلش حضرتك بتقول اللى جايب عربيه ب100 دافع 300 ماشى بس معاة ملايين يجيب بيها اولا ولو عاوز يروح امريكا يشوف سعر البنزين هناك بكام ولا اى دوله اوروبيه اضعاف اضعافنا وكمان الغنى فى اى دوله معروف انه بيدفع ضرائب اكتر وتتناسب مع دخله وفيه ضريبه عقاريه كمان فى امريكا على الفيلات والقصور ولا هوة جاب الفلوس دى بمجهوده ماهو برضه استغل موارد وشوارع وكان حاجه فى الدوله معلش خلينا منطقيين

ثالثا معلش كل شويه نقول اخوان انا راضى زمتك فى الوضع والاقتصاد المنيل ده والظروف دى اللى سابنا فيها خبارك ايوة خبارك ربنا ينتقم منه اى واحد يقعد على كرسى مسئوليه يبقى بطل وبيضحى بسعادته ووقته وحياته وعمرة علشان يخدم البد ونفسه يعمل لها حاجه بدليل اعتذار الكثير من المسئولين عن تولى مناصب وزاريه بعد الثورة وكتير منهم كانوا من اللى بينتقدوا تصرفات الوزراء على الفضائيات ومنهم لما اتعرض عليه المنصب بكى وخاف من المسئوليه فلما ييجى ناس بتضحى واقولها بالفم المليان بتضحى وعاوزين يعدلوا الكفه تانى مش ناس وكلنا عارفين ممكن يغير العربيه زى القميص وناس قاعده بفجل وجرجير علشان يجيب ال5 جنيه ومش عارف يتعالج ولا يعيش عيشه شبه ادميه

وياريت محدش يقول دى ارزاق انا واثق ان ربنا يرزق من يشاء بس معلش فى اى دوله فى العالم فى ضريبه معينه على الارباح ومقدار الضريبه بيزيد مع تزايد الربح يعنى واحد كسب السنه دى مليون اخد منه مثلا 10 % يبقى له 900 الف وبعدين يكسب 50 يبقى له 45 مليون ولو كسب 100 مليون يبقى له 90 مليون فين العداله دى وده طبيعى فى كل دول العالم والسلع الرفاهيه عليها ضرائب اكتر ودى حاجه معروفه

ودمتم بخير

[ezzat2002mo]

المشاركة الأصلية كتبت بواسطة ahmed_zamalek7 ليه دايما نظرتنا للغنى اننا ناخد منه ونقول اصله غنى الجايب عربيه اى كان تمنها حقه فى الدعم عشان هو مصرى وكمان هو صارف اكتر من اى حد يعنى العربيات الجمركها 400% يعنى لو هى بى 100 الف هيدفع ذياده 300 الف ممكن تقلى هو استفاد ايه من ال 300 الف الذياده كمان موضوع الضرائب نسبها لمصلحه الضرائب وكمان مش كل الاغنيه بتتهرب من الضرائب هو الحكومه مش قادره تتخلص من خبيتها فى القوانين وتقول اصله بيتهرب الغنى ده او صاحب المصنع لو قرف ومشى هيعيش فى احسن دوله بفلوسو واحنا الهنخسر وكمان عشان ايام مبارك والسيبه والحاجات ديه يعنى لما كان فى حراميه زى مبتقولو كان الدعم وكل حاجه شغاله لما جه جبنا الناس النضاف مع كده الكان بيخش جيب النظام بقى بيخش للدوله مش قناه السويس لوحدها تصرف على الشعب ده طبعا غير الذياده البيقولو فى الكهربا والمياه طبعا هتلاقى البيقول كويس عشان العندهم تكييفات كتير

السلام عليكم اولا ان اعترض مع حضرتك فى عده نقاط

1- حضرتك بعيب فى الحكومه والقوانين الحاليه كان الاخوان هما السبب فيها مع انها نتاج اكتر من 30 سنه مش هقول سرقه بس لا اهمال
اقولك ليه اهمال لان لو عندك قريه مثلا فيه 100 فرد وعملت لهم قاعده بيانات بكل حاجه صغيرة وكبيرة وقعدت من ساعه ما نشات تحط قوانين وتراقب الاداء وتحاسب لما يبقى حجم القريه 1000 او مليون كل ما بتكبر القوانين بتتغير وده للاحسن برضه دلوقت حضرتك بتحمل الحكومه الحاليه فشلها فى عدم وضع قوانين جيده للرقابه مع انه مش ذنبها معلش كلام حضرتك مرسل والسلام يعنى انتقاد وخلاص
طيب مدام الحكومه هبله ومش عارفه تحصل الضريبه او لسه القوانين مش متظبطه على اساس ان عندك مجلس شعب منحل وحكومه جديده وحاله مابعد الثورة ليه الاغنياء اللى بيشتكوا من رفع سعر البنزين ال 95 ما يراعوش ربنا ويدفعوا الضرائب بما يرضى الله ومعلش ماتقوليش كلهم بيعملوا كده لانك عارف انك فى مصر واى واحد فينا عارف ان اللى بيتحصل ما يجيش نص الحقيقى
ده انت عندك وبدليل من مسئول حكومى بيقول ان المترو دخله اقل بحوالى 40 % من الحقيقى بسبب ان فيه ناس كتير بتتهرب منن قطع التذاكر ومعلش ده طبعا مش السبب فيه الاخوان السبهلله بتاعه المترو من ايام مبارك واحنا بنركبه والبوابات اللى عطلانه ومفيش عساكر والدنيا باظه

ثانيا كلام حضرتك عن احب المصنع اللى هوة غلبان فى راى حضرتك وممكن يمشوى واحنا ياويلاة عنعيط عليه
-حضرتك صاحب المصنع لو بيخسر مش هيفتح من اساسه
-انا كنت شغال فى مصنع محاسب ب250 جم فى 2003 والعامل بياخد 180 جم يعنى ملاليم حتى لو دلوقت هاخد كام 1000 او 1500 جم شوف الاسعار والتضخم عامل ايه وهوة ماشاء الله فى بلد كثيفه العمليه يعنى يشغل ماجستيرات ودكتوراة باجر ماسح احذيه فى السعوديه
- هنقعد نطبطب لحد امتى يعنى نديهم الغاز بسعر مدعم ويبيعوا هما بالاسعار العالميه لينا ولغيرنا وييجوا يستثمروا فى بلدنا ويستفادوا من الامتيازات الكتير مثلا انا كنت شغال فى شركه ديباك للفويل وهيه سعوديه كانت معفيه من الضرائب 10 سنين وياخدوا بنزين مدعم كمان والحجه ايه يحسن يمشوا طيب ميمشوا وهاييجى غيرهم يعنى هوة بنزين 95 هيفرق معاهم ولا حضرتك عندك مصنع علشان كده زعلان

ياباشا انا شايف الحكومه دى ماشيه الى حد كبير كويس جدا
يعنى فاكر ايام مبارك ولما تم رفع سعر بنزين 80 و90 و 92 وساعتها شوف الفيديو على اليوتيوب البلتاجى بتاع الاخوان كان بيصوت فى مجلس الشعب علشان ما يتوافقش على الزياده وبرضه اتوافق ودلوقت سرت اشاعه انه هيرفعوا البنزين ولما حسوا باعتراض شعبى كبير استجابوا وفضلوا التاجيل لحد لما يكون فيه مجلس شعب منتخب بس رفعوا سعر بنزين 95 للطبقه الغنيه بس وانت عارف حضرتك مين اللى ممكن يفكر يحط النوعيه دى وهما قله بس على درجه من الثراء تمكنه من الدفع


شئ اخير احب انوة عليه انا فى رائئ احنا شعب استهلاكى ومش استهلاكى وبس ده متهور ومسرف الى حد كبير عندك مثلا الميه تعتبر رخيصه الواحد ممكن يستحمى اكتر من نص ساعه والميه فى الارض ويفتح الخرطوم على العربيه اكتر من ساعه على الارض ويرش الجنينه مثلا ويسيب الخرطوم مثلا والكهرباء سايب نور الشقه طول الليل ان ما كانش طول النهار برضه بس لما الحاجه تبقى بفلس اكتر هيتعلم النظام وبلاش حكايه ابو بلاش كتر منه اللى احنا عايشين فيها بقالنا سنين العالم كلها دلوقت بيلجا للتوفير فى الطاقه و اقتصاديات التوفير فانا راىى يتم رفع سعر السلعه للاغنياء ورفعها على الفقراء بشكل اقل بس مع تحسين الجوده يعنى انا عندى ادفع اكتر فى الميه بس اشرب انا وعيالى بق ميه نظيف مش ميه تعيينى والفرق ادفعه عن دكاترة الباطنه ولما اكبر ادفع على الغسيل الكلوى

معلش ممكن تكون لهجتى مش ظريفه بس انا بحب البلد دى ونفسى تكون احسن بلد فى الدنيا ومش هيكون كده الا لما الاغنياء اولا هما اللى يقفوا جنبها

[الهولندى الطائر]

الغاء الدعم ال 95

هزة وسط

اخوكم سياسى شعبى قديم ومخضرم

النية كانت سحل الشعب والغاء الدعم

بس الانتخابات جاية

والمعارضة هتشنع بالاخوان لو رفعوا الدعم

العقل المفكر المدبر المخطط

قالهم مش وقته

بعد ما تعدى الانتخابات

بس علشان المصداقية

خلوها 95

وبعد الانتخابات

هنقش بالولد ونقلب الترابيزة

آدى كل القصة

الاخوان ثروتهم معتمدة على المدارس الخاصة والمشاريع الكبيرة بره مصر

والفلول ثروتهم معتمدة على تجارة مشتقات البترول

دول بيضربوا دول



شغل على كبير

مش تقوى الله ولا دفاع عن المواطن

بقدر ما هو تحطيم لمراكز ثروات القوى المباركية والعادلية والفلولية والوطنية

انما لو كان غير اللى كان

ما كانشى الاخوان

عملوا اى حاجة للبنزين والاوكتان

وعجبى

[modyegypt]

المشاركة الأصلية كتبت بواسطة الهولندى الطائر الغاء الدعم ال 95 هزة وسط اخوكم سياسى شعبى قديم ومخضرم النية كانت سحل الشعب والغاء الدعم بس الانتخابات جاية والمعارضة هتشنع بالاخوان لو رفعوا الدعم العقل المفكر المدبر المخطط قالهم مش وقته بعد ما تعدى الانتخابات بس علشان المصداقية خلوها 95 وبعد الانتخابات هنقش بالولد ونقلب الترابيزة آدى كل القصة الاخوان ثروتهم معتمدة على المدارس الخاصة والمشاريع الكبيرة بره مصر والفلول ثروتهم معتمدة على تجارة مشتقات البترول دول بيضربوا دول شغل على كبير مش تقوى الله ولا دفاع عن المواطن بقدر ما هو تحطيم لمراكز ثروات القوى المباركية والعادلية والفلولية والوطنية انما لو كان غير اللى كان ما كانشى الاخوان عملوا اى حاجة للبنزين والاوكتان وعجبى

تمام ... فعلا مين اللى ماسك الشركات اللى بتعبى الانابيب فى المحافظات ؟؟
ومجموعه الشركات اللى بتاخد السولارمدعوم