|
|||||||
| منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
 |
|
|
أدوات الموضوع |
|
|||||||
| منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
|
|
أدوات الموضوع |
|
#1
11-09-2014, 11:15 AM
|
||||
|
||||
عودة GOL للحياة بعد الحادث و تجربة الاصلاح
سلام عليكم
انا غبت فترة طويلة جدا كنت مضايق فيها من اللى حصل فى العربية و غياب التفاعل على المواضيع على المنتدى المهم انهارده هنشر تجربتى مع اعادة احياء العربية بعد ما اتبهدلت ممكن الاعضاء يستفيدو من التجارب دية فى بعض مشاكل عربياته بداية المشكلة صباح يوم الجمعة ابريل 2014 اخويا الصغير اخد العربية و رايح الدرس بتاعه صحيت الساعة 8 و نص الصبح بعد هدة اسبوع شغل و يوم اجازة جميل كنت فاكر هنامه لحد معاد الصلاة المهم - الو رامى هات اى كاوتش من القدام و صاحبى هيجيلك بعربيته ياخدك و هات عده معاك !!!!! خير ايه اللى حصل العربية حدفت لوحدها و طلعت على الرصيف و الكاوتش اتقطع- انت حصلك حاجه - لا الحمد لله اتعورت بس نزلت متساربع و انا مش شايف اصادى و معايا الكاوتش رحت لقيت العربية مركونة على جمب الطريق و الكاوتش متقطع كله و الجانط مطبق و الشمعدان كله رايح ناحية الباب و الصاج متبهدل مالك يا عم انت كويس اه كويس طيب حاسس بحاجه لا بس هياالخبطه بتوجع المهم رحت اخدت الجنط و الكاوتش اللى جبته و الاستبن و رحت فى عربية الولد اللى وصلنا نشوف بتاع كاوتش يوم جمعة و الساعة كانت 9:15 و مفيش حد صاحى فى الاخر لقينا واحد عدل الجنط و ركب الكاوتش عليه ما نفعش اطرينا ناخد كاوتش اللى راكب على الاستبن لأن الاستبن نفسه كان فيه مشكلة قديمة و عاوز يتفتحله اخرام جديدة رجعت و حاولت اعدل الشمعدان لمكانه المقص تحت كان مفروم حرفيا و مفيش حاجه تمسك البيضه غير مسمار واحد قرطت عليه على قد ما قدرت علشان اعرف اطلع العربية ارميها اصاد اي ورشه على ما الميكانيكيه يفتحو ركبت الجنط و بحرك العربية صوت تاك تاك تاك مفيش حركه نهائى كده انا قولت خلاص الفتيس اتفرتك و انتهت العربية عند كده جبنا واحد صاحبى صحيناه من النوم و ربطناها من القنطرة من تحت علشان نعرف نقطرها و طبعا فكرة المرواح عند الميكانيكى اصبحت مستحيلة ماديا كده انا لابس فى فتيس ركنت العربية و سيبتها كده لمدة يومين الكشف و التشخيص :- نزلت بقى علشان اشخص المشكلة بالظبط بعد ما جيت من الشغل و قولت اغير و البس لبس البهدلة و انزل افحص لقيت التالى :- 1- زيت واصل للناحية التانية من الفولام 2- مقص مكسور و بيضه متنية 3- الباب مكانش بيفتح بسبب عوجة الصاج 4- الفرامل شبه منعدمه 5- عداد السرعة بيتحرك بالرغم من ان العربية فى ماكنها 6- مفيش ولا غيار بيجى 7- العربية واقعه جامد من قدام 8- جلخ جامد فى القنطرة و خبطه فى كراتيرة الزيت طبعا بالمنظر ده قررت انى اركن العربية و ما اعملش حاجه غير انى اسخنها كل كام يوم لحد اما اجمع فلوس تصليحها بداية الاصلاح المرحلة الاولى :- قعدت لحد قبل رمضان بسخنها لحد اما البنزين اللى فيها خلص رحت بقى ادور على بنزين فى الجركن مفيش بنزينه بنت حلال رضيت تعبرنى قعدت اسبوع بدون تسخين على ما حد رضى يحط بنزين فى التانك بتاعه و بعدين اسحبه من الخرطوم حطيت لها بنزين و انها تدور مفيش جبت وصلة و احاول اقوم البطارية مفيش الموضوع اتعقد اكتر و البطارية ماتت جيت فى نص رمضان اشتريت بطارية جديدة عرفت معلومتين جداد فى موضوع البطارية بعد ما تتشحن تتساب ساعة كاملة بدون اى تحميل عليها او توصيل القواطيش علشان ما تبوظش بسرعة - لما تركب الاواطيش و تتربط كويس تتغطى بفازلين علشان ما تملحش القطاش المعلومتين كانو على كتالوج البطارية اللى جى معاها جبت العفشجى يغير المقص و البيضه تمهيدا لبداية الشغل فى الفتيس اقنعت هشام الجزار اننا نفك الفتيس سوا اتفقنا على معاد و جيت انا فى اليوم اللى قبليه نزلت جبت عدة من السبتية مخصوص للموضوع ده و جبت ديسك و اسطوانة و بليه تمهيدا لعملية الاصلاح قعدنا من الصبح لحد 5 العصر عشان بس نفك الحلة من على الموتور و جينا عجزنا على الكبالن الداخلية يمين شمال مش راضيه تفك فصلنا من التعب و اليوم انتهى بدون ما نطلع الفتيس  و اتفقنا مع الاسطى حمدى مانيوال انه يجى و نشتغل سوا فى الفتيس كان الكلام ده الاسبوع الاخير فى رمضان وصل الساعة 3 الفجر و اشتغلنا على نور الكشافات لحد 7 الصبح تشخيص الاسطى حمدى :- 1- الكوبلن الداخلى الشمال متدمر و هو اللى مانع العربية تتحرك ( لكن العداد كان بيزيد و ده معناه ان الغيار اتاخد ) و بيلف 2- الديسك و الاسطوانة شربو زيت و فشلو 3- اويل سيل الفتيس انتهى و هو اللى بيسرب زيت و بعد محاولات مريرة ان الكبالن تطلع اتفك الكوبلن اليمين و الشمال اتقطع الصاج بتاع الغلاف بتاعه علشان يتسحب الاكس لأن المسامير ما كانتش بتتفك و اساسا مفيش غويشه الغويشه معجونة جوه الكوبلن و الحمد لله طلع الفتيس   ايوه طلعت الفتيس عندى البيت   قعدت يومين بس مش بعمل اى حاجه غير انى انضف فى الفتيس من بره و الاكسات و الكبالن و دية صورة الكبالن الداخلى   اتضحلى كمان ان الكوبلن التانى مبوش و فى ايامه الاخيرة و علشان يتفك الكوبلن المكسر اطريت اقطش راس المسامير بالصاروخ لأقرب عيار مفتاح بلدى   بعد نقع الكبالن فى النفط بتاع التنضيف و تصيفة الرواسب وصلت لحطام الغويشه بتاعة الكوبلن  و بكده بقيت محتاج اجيب طاقم كبالن داخلى المهم قولت اكمل و اشوف الديسك و الاسطوانة القدام و انقعهم فى البنزين زى ما اسطى حمدى قالى لأنه كده كده كان ركب الجداد على الفولام و بعد ما نضفتهم اتضح انهم لسه بحالتهم تقريبا و كل اللى كان مبوظهم زيت الفتيس   البلية بتاعة الدبرياج لقيتها ضايعه خالص فكيت الاويل سيل و نزلت ادور عليه بقى و تقريبا لفيت الحرفيين كلهم فى الاخر واحد ابن حلال قالى روح الخراط يطلع ليك الاويل سيل من زور الفتيس و هاته من محل الاويل سيل و الجوانات و ما تقولش موديل او اى حاجه هو هياخد مقاسه بالبيكوليز و يجيبلك زيه المهم جبته و كبسته تانى عند الخراط و طلعت قفلت و طبعا فكيت الطبة بتاعة الزيت علشان ازود زيت لأن الفتيس كان فاضله شويه و يصرخ من ناقص الزيت اللى حصل بعد العيد نزلت جبت الكبالن الداخلية جداد جم بالصاجه بالكاوتشه بالشحم بالمسامير و المسامير كانت اكبر غلطة حلصت منى انى حطيت المسامير الناعمة اللى جايه مع الكبالن ما اشتريتش مسامير خشنه المهم قفلت الكوبلن كله و شحمت و كلمت اسطى حمدى يجى يركب جه ركبنا و جمعنا و قفلنا و كله تمام دور دور سلام عليكم طلعت على الغيارات لقيت مفيش غيار 5 او خلفى بيجو و هنا بقى بداءت قصة ظبط الغيارات عصاية الفتيس اى عصاية مانيوال ليها ريجلاش مسمارين بيوجهو مركز العصاية يمين او شمال و فى خرمين دليل قدام و ورا و خرمين زيهم فى العصاية علشان تظبط الغيارات لازم العصاية تتحرك بحيث ان الخرمين دول يطابقو بعض بالظبط الموضوع شكله سهل هاه لا لأنك ببساطة لو قرصت جامد على الصواميل غصب عنك الاخرام هيحصل فيها عدم تطابق طفيف لكنه مؤثر فى الغيار اتضح ان لازم كل مسمار يتربط يدوى و بعدين تتظبط الاخرام و يتربط مره قدام و مره ورا لحد اما يتشد صح و بعد كده شحمت العصاية فوق و تحت بشحم ليثيوم لونه ازرق و مكتوب عليه ليثيوم جريث خلصت المشكلة دية و بداءت المشكلة التانية العفشة رحت للعفشجى و كان تشخيصه : 1- مساعدين امامى بايظين 2-اتيلة فرامل امامى خلصانين و مفيش هاند بريك 3- مساعدين خلفى الله يرمحهم و سوست خالفى قافلة و جلب بطاحات فى الطراوة 4-طنبورة عاوزه خراطة مسامير كان لازم اصبر شويه على ما اقدر اجيب العفشة دية كلها و بعدين نزلت جبتهم لقيت المساعدين الامامى صينى و مفيش برازيلى و الخلفى لقيت برازيلى و السوست لقيتها استيراد الاتيلة اسبانى اللى متاح رحتله بقى لقيته مش عاجبه المساعدين الامامى و كان فاكرنى هجيبله الشمعدان على بعضه قولتله هو المساعد بس اجيب شمعدان ليه  للتوضيح اللى على اليمين هما المساعدين الامامى بيركبو جوه الشمعدان هما رقم 20 فى الرسم التوضيحى والشمعدان رقم  المهم فك الشمعدان و حطه على المنجلة علشان يطلع الياي و يفك يطلع المساعد و طبعا و هو متغاظ منى المهم بعد ما خلص و بيجمع رحت ملطعله صداده يركبها و قفل و ركب قدام و بعد كده ركب الاتيال الامامى ده الفرق بين التيل الامامى القديم و الجديد مسموح بالضحك  بعد كده فك المساعدين الخلفى و كان فيهم واحد مخبوط معرفش اتخبط ازاى اساسا !!!  فك العلب بتاعة الطنابير الخلفى علشان يغير القباقيب و غلط غلطة عمره انه ما صورهاش قبل ما يفكها فأطر يرفعها على حجر و يخلص الجنب التانى و ينقل الطريقه من هنا لهنا  تانى يوم رحت للخراط علشان يعمل الطنابير بعد ما خلص طلعت على بتاع ظبط الزوايا فى الحرفيين طلعت فيه مشكلة ظبطه الدركسيون فبعتنى عند عفشجى فى الحرفيين يلين الريجلاش بتاع الباره علشان يعرف يظبطها المهم عملها و ظبطت و مشيت ركنت و لسه هطلع صوت تاك هنا بقى كانت المشكلة الاخيرة المسامير الناعمة فاكرينها فكت من مكانها و طارت فى حساس السرعة كسرته !!  رحت جبت مسماير خشنة و لحقت العفشجى قبل ما يقفل ربطها و قالى على سر عجيب قبل رباط المسمار نضف الجسم اللى هتربط عليه بصنفره و بعد ما تربط حط على راسه " سوبر جلو " بينها و بين جسم الحاجه اللى بتربطها روحت الحمد لله ظبطت العفشه و الفتيس الزوايا و معيش عداد سرعة و صوت الموتور غريب !!! تشخيص حالة الموتور :- تانى يوم كان عندى مشاوير كتير جدا خرجت من غير العربية لحد اما اشوف ايه قصة البيه الموتور راح اخويا بيها للميكانيكى و انا ما بحبش ده المهم الميكانيكى فتاله ان القاعدة مش موجوده اساسا !! و هيا السبب ؟؟؟ راح لميكانكيى تانى قاله لا القاعدة موجوده بس بايظه و حطله حته حلقة معدن قال ايه تظبط ميل الموتور لأنه كان مايل يمين جامد برضو ما ظبطتش و الهزه و الصوت موجودين المهم قولتله سيبها لتانى يوم نزلت فتحت ببص لقيت البلاطه اللى ماسكه الموتور على القاعده مسمارها طاير اكيد من الخبطة وما انتبهناش ليه وقتها طيب تعال نفك رفع الموتور من تحت و فكيت البلاطة و العاقدة و عطلتها و جبت مسامير مكان اللى ضاع و اللى كان راكب و حالته سيئة و شيلت العك اللى راجل عمله و قفلت ظبطت لكن لسه فى صوت غريب نزلت تحت اشوف فيه ايه لقيت السير الدينامو متبهدل و فيه بليه خشنه كمان قولت خليك بقى للشتاءعلشان تبقى شده واحده لأن شدة السير فى الصيف غير شدة السير فى الشتاء جيت بقى للمشكلة السخيفة و هيا حساس السرعة نزلت فكيت الحساس هو كله عباره عن جزئين جزء طويل جوه جسم الفتيس و فيه ترس بيلف مع الترس اللى على الكوبلن من جوه الفتيس و جزء خارجى بيربط عليه و بيوصل بفيشه الكمبيوتر  الجزء الخارجى ده اللى على الشمال بقى اتكسر الراس بتاعته و طارت بالفيشه فبقى بالشكل ده من غير راس  اكلم التجار انى الاقيه ابدا فى الاخر واحد فى التوفيقية قالى عنده قولتله احجزه انا جايلك من العبور و جى اخده منك نزلت رحتله لقيته بيقولى اتباع يا عم ازاى من هنا لهنا قولت بدل ما اضيع اليوم رجعت على الحرفيين دورت عند بتوع الاستيراد جبته و الراجل ما رضاش يدينى الفيشه قالى الفيشه بالضفيرة المهم جبت 3 كلبسات صغيرين زى بتوع السماعات و سلك نحاس و مكرونة و شكارتون و افزنه و فصلت وصله ليه و ربطت الحساس الضفيرة و بدور و بشوف ولا اي تغيير حصل ؟؟!!! قولت اقيس الكهربة الى وصله ليه بالافو لقيت مفيش كهربة داخله على الحساس ازاى طيب قعدت ادور على الفيوزات لقيت فيوز برتقالى مفصول غيرته و جربت لقيته اخد كهربة قولت اطلع اجرب الحمد لله ظبط ده كان ملخص معاناة 4 شهور مع العربية علشان تظبط و ترجع للحياة تانى و لسه عندى حاجات فى الشتاء غير السمكرة غير انى لازم اظبط الاستبن و اجيب كاوتش جديد!! اجمالى التكاليف غير شاملة المصنعيات 420 مقص و بيضه 320 بطارية و اخد القديمة 800 ديسك و اسطوانة 10 اويل سيل 500 كبالن 9 مسماير كبالن 20 شحم 150 خراطه 350 اتيله و قباقيب 650 مساعدين امامى 1250 مساعدين خلفى 400 سوست خلفى 300 حساس و ضفيرة شكرا لهشام الجزار و شكرا لأسطى حمدى مانيوال  و معلش اعذرونى عن الصور لأن فعلا الواحد كان شغال بضغط و اللى قدرت اصوره صورته
__________________
|
|
#3
11-09-2014, 03:02 PM
|
||||
|
||||
رد: عودة GOL للحياة بعد الحادث و تجربة الاصلاح
اولا حمد لله علي سلامتك وسلامة اخوك
تانية قلة المشاركة ماتهمكش انت بتعمل حاجة لوجة الله ثالثا انت قطعت مشوار كبير في العربية بس ازاي ساكت عن التيل الامامي كدة رابعا ودة الاهم يعني اية الصنيعي غلط يصور للدرجة دي الموضوع معضل بالنسبالة ربنا يبارك لكم فيها ويرزقكم خيرها ويكفيكم شرها
__________________
]من اهم مواضيعي المصورة http://masrmotors.com/vb/showthread.php?t=90049 (كيف تتعرف علي قدرة المحرك) http://masrmotors.com/vb/showthread.php?t=111175 (كيف تعتني بدورة التبريد) http://www.masrmotors.com/vb/showthread.php?t=124669(شرح دورة الوقود وتنظيف الرشاشات) {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
|
|
#4
11-09-2014, 06:15 PM
|
||||
|
||||
|
رد: عودة GOL للحياة بعد الحادث و تجربة الاصلاح
الحمدلله على سلامتك وسلامه اخوك وسلامه سيارتك
بارك الله لك فى سيارتك وكفاك شر الطريق كل الشكر لك فى نقل التجربة وكل الشكر لهشام باشا الجزار والقدير المبدع عم حمدى مخترع المنيوال ومخترع العديد من الحلول لكثير من المشاكل
__________________
|
|
#5
11-09-2014, 07:12 PM
|
||||
|
||||
|
رد: عودة GOL للحياة بعد الحادث و تجربة الاصلاح
حمدا لله على السلامة ربنا يعينك عليها
|
|
|
|
