سؤال : تعديل دايو لانوس سودة

[F{i}Do]

انا كنت ايز اظبط عربية لانوس سودة بس هيا حالتها العامة هلكانة شوية
البدي بتاع العربية فيه شوية خدوش وفي منطقة في الدهان بتاع الكبيوت لونها بهتان
+
انه الصالون والتابلوه تعبانين وعايز اركب منهم حاجات جديدة
وكنت عاز اسال عن الزينون بس يكون خفيف عشان المرور وكده وكمان الفاميه بس مش سوبر دارك يعني مث لو 40% كويس ولا لا
وكنت عايز اسال عن انظمة الصوت ولو فيه حاجة ممكن تتعمل في البدي بتاع العربية عتبة مثلا او اي حاجة
وفي الاخر الاسعار كام
معلش طولت عليكم بالاساله بس انا مليش في شغل التظبيط نهااااائي

[F{i}Do]

نسيت اقول انه فيه مشكلة في العربية وهيا لما اجي امشي على الغيار الاول او سرعات هادية عموما في الطلعات او كده
لما تلف الدركسيون بيطلع صوت اعتقد والله اعلم انه جي من تحت
يا ترا ده عيب نظام الباور بتاع الدركسيون ولا في ايه بالظبط

[Injection]

الصوت ده غالبا كبالن عايزة تتغير, وأنصحك تروح لميكانيكى يكشف عليها.

البدى ممكن تروح لسمكرى او بوهيجى وتخليه يلمعلك العربية بكمباوند وبعدين بوليش بلون العربية وشكلها هينضف جدا ومش هياخد غير حوالى 50 جنيه تمن مصنعية و خامات.

الصالون والتابلوه ممكن تروح عند واحد بتاع قطع غيار أستيراد, وتشوف اللى أنت عايز تجدده فى التابلوه وتجيب من عنده, غالبا بيبقى فى ناس منهم بيبقى عندهم عربيات بياخدوا منها قطع الغيار وهتلاقى الى أنت محتاجه بس أبقى فاصل فى السعر.

وفيه ناس بتدهن التابلوه عند البوهيجى, بس الموضوع كبر والشكل النهائى بيعتمد على شغل البوهيجى ونضافته.

الزينون بقى ممكن تجيب زينون عالى بس ب 250 الى 350 صينى, وهات لمض أبيض تلجى ب 10 جنيه للواطى, وهيعملوا معاك شغل جامد قوى, بس الزينون لازم يكون عليه ضمان, وفيه ناس غشاشة مبتديش ضمان على اللمض فخلى بالك.
وممكن تجيب لمض الوات بتاعها عالى من 100 الى 120 مثلا بدل الزينون ووجع الدماغ وتركبلها كتاوت عند الكهربائى ونورها هيبقى زى الزينون أحسن وأرخص منه وبحوالى 80 جنيه للأنواع الأصلية زى الفيليبس وفيه أنواع تانية أرخص.

الفاميه بجميع درجاته ممنووووع وفيها سحب رخص أو لو الظابط طيب هيقلك أركن على جنب وشيله.

ممكن تركب ستارة على قزاز العربية من ورا, وفيه حاجة أسمها ستاير كبس بتتركب على الزجاجين الخلفى ولما بتدخل على لجنة بتشدها وترميها على الكنبة ومع تفييم الزجاج الأمامى الجانبى هيبقى شكلها جامد قوى ولما بتدخل على لجنة بتشد الستائر الخلفية الجانبية وبتنزل الزجاج الجانبى الأمامى.

العتب والكساحات أحسن مكان هو الحرفيين, والأسعار متفاوته يعنى من 300 للأكصدام وأنت طالع والراجل بيخلع الأكصدام ويركب العتبة ويمعجن ويدهن وفى رأيى موال مالهوش لازمة لأن مع أول مطب ممكن لو الشغل مش نضيف تلاقى العتبة مرمية فى أخر الشارع ده غير أن منظرها فى الغالب مبيطلعش زى مانت عايزه.

الصوت لو لسه عندك الكاسيت القديم ممكن تخليه أو تغيره بكاسيت بايونيير والأسعار من 600 وأنت طالع حسب نوع وأمكانيات الكاسيت, تانى حاجة السماعات, هتروح تجيب سماعتين مدورين للبيبان وسماعتين خلفى بايونيير مدورين, البيضاوى(وهما أحسن بكتيرررر من المدورين) مش هيركبوا عندك بس لو عايز تركبهم الراجل اللى هيركبهم ممكن يقص فى الصاج أو يعملهم قاعدة يركبوا عليها ومالكش دعوه بأى حاجة صينى والبايونير سعره عامة بيبدأ من 150 فيما فوق للأصلى والبيضاوى أغلى من المدور ولو عايز ممكن تركب صب أو بازوكا ومعاهم أمبليفاير علشان البيز, والبازوكا بتبدى من 600 والصب من من غير الصندوق 250 والأمبليفاير من 250.
بس أنظمة الصوت صعب أشرحلك كل حاجة عنها, فيه مواضيع فى قسم الصوت هاتفيدك جدا.
والعربية بتاعتك لانوس سودة يعنى أساسا خطيرة ربنا يباركلك فيها, ممكن تفيم الفوانيس الى ورا واللى قدام وشكلها هيبقى خطييير, والعربية شكلها جامد جدا بالليل, فالنور بتاعها هو أهم وأول تعديل لازم تعمله.
وبالتوفيق

[F{i}Do]

المشاركة الأصلية كتبت بواسطة Injection الصوت ده غالبا كبالن عايزة تتغير, وأنصحك تروح لميكانيكى يكشف عليها. البدى ممكن تروح لسمكرى او بوهيجى وتخليه يلمعلك العربية بكمباوند وبعدين بوليش بلون العربية وشكلها هينضف جدا ومش هياخد غير حوالى 50 جنيه تمن مصنعية و خامات. الصالون والتابلوه ممكن تروح عند واحد بتاع قطع غيار أستيراد, وتشوف اللى أنت عايز تجدده فى التابلوه وتجيب من عنده, غالبا بيبقى فى ناس منهم بيبقى عندهم عربيات بياخدوا منها قطع الغيار وهتلاقى الى أنت محتاجه بس أبقى فاصل فى السعر. وفيه ناس بتدهن التابلوه عند البوهيجى, بس الموضوع كبر والشكل النهائى بيعتمد على شغل البوهيجى ونضافته. الزينون بقى ممكن تجيب زينون عالى بس ب 250 الى 350 صينى, وهات لمض أبيض تلجى ب 10 جنيه للواطى, وهيعملوا معاك شغل جامد قوى, بس الزينون لازم يكون عليه ضمان, وفيه ناس غشاشة مبتديش ضمان على اللمض فخلى بالك. وممكن تجيب لمض الوات بتاعها عالى من 100 الى 120 مثلا بدل الزينون ووجع الدماغ وتركبلها كتاوت عند الكهربائى ونورها هيبقى زى الزينون أحسن وأرخص منه وبحوالى 80 جنيه للأنواع الأصلية زى الفيليبس وفيه أنواع تانية أرخص. الفاميه بجميع درجاته ممنووووع وفيها سحب رخص أو لو الظابط طيب هيقلك أركن على جنب وشيله. ممكن تركب ستارة على قزاز العربية من ورا, وفيه حاجة أسمها ستاير كبس بتتركب على الزجاجين الخلفى ولما بتدخل على لجنة بتشدها وترميها على الكنبة ومع تفييم الزجاج الأمامى الجانبى هيبقى شكلها جامد قوى ولما بتدخل على لجنة بتشد الستائر الخلفية الجانبية وبتنزل الزجاج الجانبى الأمامى. العتب والكساحات أحسن مكان هو الحرفيين, والأسعار متفاوته يعنى من 300 للأكصدام وأنت طالع والراجل بيخلع الأكصدام ويركب العتبة ويمعجن ويدهن وفى رأيى موال مالهوش لازمة لأن مع أول مطب ممكن لو الشغل مش نضيف تلاقى العتبة مرمية فى أخر الشارع ده غير أن منظرها فى الغالب مبيطلعش زى مانت عايزه. الصوت لو لسه عندك الكاسيت القديم ممكن تخليه أو تغيره بكاسيت بايونيير والأسعار من 600 وأنت طالع حسب نوع وأمكانيات الكاسيت, تانى حاجة السماعات, هتروح تجيب سماعتين مدورين للبيبان وسماعتين خلفى بايونيير مدورين, البيضاوى(وهما أحسن بكتيرررر من المدورين) مش هيركبوا عندك بس لو عايز تركبهم الراجل اللى هيركبهم ممكن يقص فى الصاج أو يعملهم قاعدة يركبوا عليها ومالكش دعوه بأى حاجة صينى والبايونير سعره عامة بيبدأ من 150 فيما فوق للأصلى والبيضاوى أغلى من المدور ولو عايز ممكن تركب صب أو بازوكا ومعاهم أمبليفاير علشان البيز, والبازوكا بتبدى من 600 والصب من من غير الصندوق 250 والأمبليفاير من 250. بس أنظمة الصوت صعب أشرحلك كل حاجة عنها, فيه مواضيع فى قسم الصوت هاتفيدك جدا. والعربية بتاعتك لانوس سودة يعنى أساسا خطيرة ربنا يباركلك فيها, ممكن تفيم الفوانيس الى ورا واللى قدام وشكلها هيبقى خطييير, والعربية شكلها جامد جدا بالليل, فالنور بتاعها هو أهم وأول تعديل لازم تعمله. وبالتوفيق

مشكووووووووووووووووووووور اوي اوي اوي بجد مش عارف اشكرك ازاي

[Bendary]

Injection قال كل حاجه
وانا شخصيا استفدت منه
شكرا له وشكرا لصاحب الموضوع