لانسر البطة و لا شيفورليه اوبترا 2007

[lobna9]

السلام عليكم الاول

انا عندى لانسر موديل 2001 اللى هى بيقولوا عليها البطة عاملة 150 الف كيلو عارفة انه كتير بس بصراحة حاسة انها عربية نضيفة و ما غيرتش فيها اى حاجة و ماشية معايا الحمد لله تمام لحد دلوقتى المهم عندى فرصة انى اشترى شيفورليه اوبترا 2007 و بسعر تحفة يعنى قبل ما الشفيورليه تشترى الدايو و الاوبترا عاملة 50 الف كيلو و حالتها كويسة و و استعمالها نضيف بس السؤال الشيفورليه حلوة ولا لا فى ناس بتقولى المتسوبيشى الموتور يابانى ومش مهم عاملة اد ايه المهم انه يابانى و لو حافظت عليها و عملتلها صيانة دوريا ممكن تعيش معايا بتاع 4 سنين قدام و الشيفورليه و حشة لانها كورى و الصيانة بتاعتها غالية و قطع الغيار غالية

بس انا محتارة بجد لان خبرتى قليلة فى العربيات و حاسة ان الشيفورلية فرصة و لا انتوا ايه رايكو و مهما كان المتسوبيشىمش حتعيش معايا اكتيرمن كده

يا ريت تساعدونى و شكرا مقدما

[Devill Blood]

يا أختى لو عربيتك موديل 2001 تبقى أسمها مكوه مش بطة ولو هى مكوه يبقى سيبك خالص من الأوبترا الكورى وخليكى فى اللى معاكى يابانى ومفيش فرق بينه وبين اللانسر البومة غير فى الشكل
أنتى أخبار العربية معاك أى لو مريحاكى يبقى خلاص مش لازم تغيييرها لاحسن يضحك عليك فى العربية الأوبترا
وخليكى فى اليابانى ولو مش مريحاكى يبقى حاولى تعملى لها عمرة مع أنى مش شايف أن االانسر عمرها أحتاجات عمره يعنى دى مش عربية موديل 80

[etsh1413202]

اعتقد برده انك تخليكي فى عربيتك احسن ....الاوبترا عربيه كويسه على فكره وكل حاجه بس الفرق في الركوب بين اللانسر والاوبترا حتى لو فرق 6 سنين بينهم مش كبير زى ما انتى متصوره .... مش عشان يابانى وكوري وكده لا..... عشان الوبترا عربيه تقليديه يعنى مش هتحسي انك راكبه عربيه مختلفه اوى عن الانسر وكمان مستعمله حتى لو 50000 كيلو بس ..... الفارق لا يستحق التغيير

وربنا يوفقك فى الاختيار