ارجو المساعدة ،، اهتزاز غريب في هيكل السيارة اثناء السير

[dr omar ayman]

السلام عليكم ،
اولا احب اشكركم جميعا علي هذا المنتدي الرائع ، انا متابعه من زمان ب سجلت قريبا و حصلت مشكلة كدة احب لو تساعدوني فيها ،،انا عربيتي سويفت 94 و من 19 سنة العربية ماشاء الله زي الفل حاجة غريبة جدا حصلت امبارح كنت مسافر عادي جدا و العربية ماشية كويس جيت اهدي علي مطب كدة فعلي سرعة 30 40 العربية اتهزت كانها ماشية علي ارض غير ممهدة كانه زلط لكن الارض كانت تمام و لما رجعت اعلي السرعة الاهتزاز ده قل و ربما اختفي استمر الوضع كدة وانا راجع النهاردة نفس اكلام حصل علي 30 40 برضه بس اقوي شوية كان هيكل العربية بتمرجح علي العجل و لما زودت ل120 الهزة قلت بس فضلت موجودة و انا متاكد من الزوايا و الترصيص لاني سبت الدركسيون كذة مرة و الاقيها ماشية علي طول مابتحودش وانا امبارح قبل ما ارجع دست علي اربع اركان العرية ورات كانوا تمام قدام الناحيتين كانوا اقل من ورا بس برضه السوستة كانت بترد معايا ،،النهاردة وانا راجع برضه و نازل من كوبري الموضوع ده زاد جدا علي نفس السرعة 40 ،،يا تري ده ايه و اعالجه ازاي علما باني مابروحش لعفشجية خالص يمكن رحت تلات اربع مرات فيحياتي و كلهم ياكدولي ان العفشة تمام

[احمد على 1999]

الكاوتش ممكن يكون ملوح ؟ !!
دا غير انك لازم تروح المرة ديى لغفشجى

[dr omar ayman]

و الله يا استاذ احمد الترصيص و الزوايا تمام ،،العربية مابتحدفش ،، انا ناوي اروح لعفشجي بس قبل ما اروح قلت افهم ده ممكن يكون ايه بدل ما يتضحك عليا ،، انا فكرت في المساعدين بس بصيت علي العربية من قدام و من ورة و مش حاسس انها مايلة ،، طب انا كنت عاوز افهم دي مشكلة جامدة يعني مثلا ممكن اغير مساعد و لا خفيفة تربيط بس و كدة ،، شكرا جزيلا يا استاذ احمد علي اهتمامك بس انا حيران فعلا

[أيمن الروبي]

ممكن تكون جلبة نطرت من مككانها حصلت قبل كده في 128 بتاعتي زمان كان لازم افضل دايس بنزين زكابس وبجري علشان العربيه تكون عدلة في المشي اشيل رجلي او اهدي تتعفرت وطلع ان كاوتشة ميزان فلتت من مكانها وكان علي طريق سفر برده قبل العفشجي روح لبتاع زوايا يبص عليها من تحت يديلك تقرير فيها ايه

[mr_astra]

اتاكد الاول ان فرد الكاوتش كلها مربوط مساميرها جيدا