ملوش حل !!!

[THE_HERO2005]

نا عندى سيارة فيات 132 1600 cc اعانى من مشكلة سخونة الموتور
ركبت المروحة الكبيرة ام 8 ريش زى بتاعت التاكسى (شيلت مروحة الريداتير و مروحة الموتور وحطيت مروحة كبيرة)
وممكن تشوف اعصار لما تفتح الكابوت ....... بس المشكلة ان بعد التشغيل باكتر من ساعة بالقيه 90 وبيزيد !!!!
مفيش حل للمشكلة؟؟؟

وفى حاجة غريبة جدا انا لسة مغير العفشة تماما !!!! بس بسمع صوت تزييق جامد من الكنبة الى ورا فى المطبات !! ومش عارف ايه السبب ؟[IMG]http://www.**********.net/Nile/images/smilies/36_1_31.gif[/IMG]

لما بجيب مرشيدير او بنقل على الاول او الثانى بسمع صوت طرقعة وتزيق جامد جدا مع العلم انى رافع الدبرياج لحد اخرو ........ وكمان تحس انو ناشف كدا ورخم[IMG]http://www.**********.net/Nile/images/smilies/36_7_4%5B1%5D.gif[/IMG]

ياريت لو فى حل محدش يبخل بيه ......... وشكراا

اولا بالنسبه لموضوع السخونه ده حاول تكشف علي المواسير بتاعت الريداتير ليكون في ماسوره مسدوده وسلكه بالمره وشوف كدا الدنيا فيها ايه


اما بالنسبة لموضوع التزيق ده حاول تروح عند واحد عفشجي تاني علشان يبصلك علي المساعدين اللي ورا

[فادى]

هنفترض بما ان المروحة تعمل, اذن دورة التبريد جيدة لأن المروحة تعمل اعتمادا على حرارة المياه.
فقط عليك متابعة متى تعمل المروحة و متى تفصل عملها, يجب ان تعمل المروحة فى حدود 90-95 درجة مئوية و ان تتوقف عند 85-90 تقريبا فى معظم سيارات فيات. لكن الامر يعتمد على نوع الثرموستات المستخدم.
اذا ما كان هناك تأخير, فقد يكون اما لانسداد فى دورة التبريد, أو الرادياتير, أو تسريب للمياه, أو ان دورة التبريد بها فقاعات هواء او مقاومة المروحة.

اكشف على مستوى الزيت, و لزوجته, فعليه يقع جزء كبير من عملية تبريد المحرك.

اذا كانت السيارة تسخن الى درجة معينة مرتفعة ثم تتوقف بعد ذلك عن الزيادة, فغالبا يمكن حصر المشكلة فى تأخر تشغيل المروحة, أو قد تكون المشكلة فى امبير الحرارة نفسه (يعطى قراءات مرتفعة) نتيجة لتلف سلك الارضى.

[walid831]

أخي الفاضل أكشف علي الردياتير لأنه مسدود
وموضع التزيق في المطبات أحتمال تكون كوتشة التعلية مش كويشة أو الجلب ألي ماسكه المساعدين