معنى انظمة الفرامل Abs - esp- cbc بشكل موضح

المشاركة الأصلية كتبت بواسطة tham1010 يا أخى الناس بتفهم النظام دة غلط الناس فاكرة انه بيوقف العربية اسرع. الحقيقة لا المسافة بتكون واحدة فى الجالتين... على العكس لو بتضغط فرامل على ثلج أو أرض مزحلقة فإن النظام ABS بيأخد وقت أطول كمان من الفرامل العادية.. الميزة الوحيدة ليه أنه مش بيخلى العربية تعرض وتخمس،، يعنى لو ضغطت على الفرامل فإن العربية بتقف حتى ولو كانت على سرعة 120 بشكل مستقيم بدون ما تخمس أو تنقلب... هى بتعمل العمل اللى بيقوم بيه السائق الخبير لما بقعد يفرمل لحظة ويشيل رجلة ويفرمل تانى ويشيل رجلة علشان العربية مش تقلب منه أو تعرض.... الحاجة اللى كثير مش يعرفوها أن النظام دة مش بيشتغل إلا على سرعة أكتر من 40 كيلوا فى الساعة... كمان لو ضغطت على الفرامل علشان تهدى بس يعنى مجرد ضغطة وتشيل رجل فلا يعمل.. علشان يشتغل لازم تفضل واقف فوق دواسة الفرامل زى ما بيحصل فى حالة لو سائق ولقيت حاجة معدية قدامك.. وطبعا السرعة لازم تكون فوق 40 كيلوا... ,اخير احب أقول أن النظام دة كتير مش يشتغل لانه معتمد على حسابات الكمبيوتر والأوامر اللى بيديها لمستر الفرامل... بالمناسبة أنا عندى النظام دة فى الماتركس 2001 المستوردة من كوريا لان هذا نظام من عوامل الأمان الضرورية زيها زى الوسائد الهوائية . والحقيقة مش أشتغلت معايا ولا مرة لحد دلوقتى....

[syd]

شكرا على المعلومات القيمة

[mfa100]

جزاك الله خيرا معلومات جيدة

[ahmedwk2music]

السلام عليكم
عندى سيارة كيا شوما موديل 2001 غيرت الكوبلن بتاعها بأخر ونفس الموديل زى ما قالى الجندى فى شارع دمشق وفعلا الكوبلن فية ترس والقديم كان متأكل الجديد طبعا زى الفل المهم .. اول ما غيرت الكوبلن عند الميكانيكى نورت لمبة الاية بى اس رجعت للميكانيكى قالى لما تمش على سرعة 40 هتطفى ... فعلا مشيت شوية على 40 وبعد 40 كمان واللمبة طفت ... شوية اللمبة نورت وفضلت منورة .... لا والحمد لله احيانا بقى اجى ادوس فرامل مع دبرياج خصوصا على الغيار التانى علشان اقف خصوصا فى الزحمة .. الاقى كأن حديد فى حديد تحت رجلى ومفيش فرامل خيشت مرة وتانى مرة لحقت فرامل اليد اللى احيانا تشتغل احيانا لا ...وبعدين لما اقف وادوس عالفرامل الاقيها اشتغلت ... روحت لواحد تانى قالى الحساس عايز يتنضف ونضفنا الحساس ومفيش فايدة .. واحد قالى روح التوكيل او تعالالى الغيلك الاية بى اس وريح دماغك ... طبعا انا مش عاوز الغى الاية بى اس وكمان التوكيل بيبقى حراق اى نعم مفيد بس للاسف مش هقدر اروح لانى عارف ظروف نفسى .. مشعارف اعمل اية والمشكلة دى احلها ازاى وفين ارجو اللى يعرف يقولى والاجر والثواب عند الله