مميزات و عيوب هوندا سيفيك 2010

[koashraf]

واطيه على الارض فى بلد نص شوارعها مطبات والنص التانى حفر...........

[Toyota Corolla]

السيفيك برنسيسة اليابانى الا و أن عيبها الوحيد هو الارتفاع و ده ممكن يتحل بأنك تركب علايات للعربية زى ما عملت فى سيارتى كورولا 2009
و قطع غيار السيارة مولعة نار
بس عموما السيارة تحفة

[dio]

المشاركة الأصلية كتبت بواسطة Rania Elhoseny صميم خارجى رائع, فخامة من الداخل, محرك جبار, ثبات و تحكم غير عادى...معادلة صعبة اجابتها من كلمتين: هوندا سيفيك. قررت هوندا ابهار العالم اجمع بنحفة فنية رائعة بداية من التصميم الخارجى الانسيابى الرائع مرورا بالمقصورة الفضائية المبهرة و التى تشعر معها و كأنك تقود سفينة فضاء حيث قسمت العدادات الى قسمين عداد السرعة و مؤشر الحرارة و الوقود فى الجزء العلوى ذلك لأنهم الاكثر استخداما اثناء القيادة و الجزء السفلى يختوى على عداد عدد لفات المحرك بالاضافة للاشارات التحذيرية. اما المحرك فهو من اقوى المحركات فى هذه الفئة سعته 1600 سى سى 4 اسطوانات احادى الكامة يولد 125 حصان عند 6300 لفة بتكنولوجيا I-VTEC و هو محرك نشيط جدا ينطلق من الثبات حتى 100 كم فى 10 ثوانى فقط. مميزات السيارة هوندا سيفيك 2010: 1- التصميم الخارجى الرائع و المختلف فى نفس الوقت مما يعطى السائق احساس بالتميز و التفرد. 2- تصميم لوحة العدادات و خاصة عداد السرعة فى مستوى نظر السائق مما يمنع تشتت النظر عن الطريق. 3- زجاج امامى كبير جدا مما يعطى رؤية ممتازة للطريق. 4- محرك قوى جدا يعطى تسارع هو الاعلى فى فئته. 5- ثبات عالى جدا و تحكم رائع حتى تشعر و كأن السيارة ملتصقة بالارض. 6- صوت المحرك ناعم جدا رغم قوته 7- عزل ممتاز. 8 - الخامات المستخدمة فى الصالون ممتازة. 9 - عوامل الامان كثيرة جدا سواء انظمة الفرامل المتطورة ABS EBD او الوسائد الهوائية للراكب الامامى و السائق كما حصلت هوندا سيفيك على اربع نجوم فى اختبارات الامان الاوروبية. منقول

ممكن اقول حاجة بس محدش يزعل .. انا معايا رينو لوجان وكنت بشد مع اتنين سيفك على طريق مرسى مطروح ..... كانوا حيجننوا مني لشدي معاهم .... دى ملحوظة اذا الموتور قوي بتاع السيفك

[dio]

[حسام البورسعيدى]

السيفيك عربية اكتر من رائعة بكل اجيالها ..

والسيفيك الجديدة عربية رائعة فعلا وشيك جدا .. ولكن عيبها الوحيد بالنسبة لى هو قلة الاوبشنز اللى فيها بالمقارنة بمنافساتها فى نفس الفئة السعرية زى الاوكتافيا مثلا ...