صلحت ولاعة عربيتي بالصور

[ashussein]

بعد السلام عليكم

من حوالي شهر (( ولاعة العربية )) بقت بتفرقع الفيوز بتاعها
وبعد كده فرقعتلي فيوز ( ign ) (( مسؤل عن بداية حركة العربية المارش وخلافة )) دة كبير ومكانة جوه كبوت العربية في علبة الفيوزات .. ولكن والحمد لله ربنا ستر

وعملت موضوع في منتديانا الجميل بس اعتقد انة ما لاقاش اهتمام بمعني مالقتش اجابة .. دة لينك الموضوع
http://masrmotors.com/vb/showthread.php?t=70473

المهم فا لما والحمد لله صلحتها حبيت انشر المعلومة (( يمكن يمكن )) في يوم من الايام تنفع حد

نبتدي بقا التصليح والتركيب زي الصور خطوة بخطوة








كان الموجب( الحديدة اللي في النص ) بيلمس في جسم الولاعة (السالب )

علي فكرة انا سألت علي الولاعة في التوكيل (( ومش موجودة كمان ) ب 83 جنية

فا اشتريت ولاعة (( صيني مضروبة )) ب 20 جنية وفكيت الحديدة الموجب اللي كانت بتلمس في جسم الولاعة وحطيت الجديدة ... والحمد لله اشتغلت وعرفت كان العيب من الحديدة الموجب (والمسمار الداخلي اللي بيربطها مايلمسش في قلب السخان اللي في الصباع بتاع الولاعة- اللي لونة اسود في الصورة بمعني ان لازم المسمار يكون مبطط مش بارز) وركبت وشغلت (Mp3 + شاحن نوكيا ) واخيرا ولاعة السجاير مش بتعمل (( قفلة )) بالحق فيوز الولاعة ( 15 امبير ) .. والحمد لله انا مشغلها علي ( 5 امبير ) وشغالة تمام

ارجو اني اكون افدتكم .. وشكرا

[star2008]

تمام والله الموضوع فل الفل الله ينور عليك

[lawyer9]

تسلم ايدك يا باشا كلك زوق واللهى انك بتقدم تجاربك لإخوانك
جزاك الله خيرا

[محمد فيصل]

: 018A1D~146::0 18A1D~146:
جزاك الله خيراً على الافادة

[HaMaDa-ToUBaR]

تسلم ايدك ياباشا شغل جميل والاجمل انك عملتة بنفسك ومشاركتك بية لينا هنا فى المنتدى : 018A1D~146: