العربية بتاكل بنزين كتير قوى ومش عارف اية السبب

[samirayad]

ياريت كل واحد من الزملاء إللى بيسألوا عن إستهلاك البنزين

بعد إذن أبو نورا طبعا

يقوللى البيانات دى بالضبط

1- العربيه عامله كام ألف كم

2- موقف آخر صيانه إتعملت للسياره

3- موقف إستهلاك الزيت

4- هل تم عمل إسكانر ولا لا

5- هل المكنه بتعاكسك فى الدواره وهى سخنه ( بعد نصف ساعه مثلا من التبطيل )

6- شكل حريق البوجيهات

[shur3000]

المعلومات بالنسبة لى لانوس 2005 , 137 الف كيلو, تغير بوجيهات وسلوكها وفلتر بنزين وسير كاتينة وتغير زيت فى معادة وما بتكلش زيت والاسكان اتعمل عليها مرتين كانت فى مرة ولعت لمبة شك وتقريبا عمل ريست للموتور واتظبطت وتانى مرة كانت بكشف دلع ومفيش مشاكل. بس انا عندى صوت المكنة عالى مش عارف من اية

[loka malak]

انا عندى زيت فوق الفتيس مش عارف من اية بالظبط وكل لما اجى اشيلة بفوطة شوية ويرجع تانى وبيعمل لون احمر فى الفوطة وفية زيت عند كرتيرت الفتيس وعندى النور الواطى فصل مرة واحدة ومش عارف السبب ارجو الافادة

[mhamdy75]

تعالى عند الشكمان وشوف فيه كاربون

يعنى بمنديل وشوف عامل عادم اسود

يبقى فى مشكلة زى ما إخوانّا قالو لك

لو ما فيش يبقى اسلوبك فى السواقة بيخليها تستهلك

[samirayad]

الزميل loka malak

انا عندى زيت فوق الفتيس مش عارف من اية بالظبط وكل لما اجى اشيلة بفوطة شوية ويرجع تانى وبيعمل لون احمر فى الفوطة وفية زيت عند كرتيرت الفتيس

لو مكنتش غيرت زيت الفتيس قريب

ومنسوب الزيت أساسا مظبوط

يبقى عندك أويل سيل عقربة الفتيس عاوز يتغير

وعندى النور الواطى فصل مرة واحدة ومش

وارد يكون عيب لمبات

فخللى كهربائى يكشفلك على أنوار الكشافات