نويت إن شاء الله أشترى عربيه لادا 2107 موديل 2013 زيرو جميع الكماليات

[محمد حنفى]

المشاركة الأصلية كتبت بواسطة احمد الحلواني ياباشا انشاء الله الف مبروك عربية ممتازة ومتواضعة وسيبك منو موضوع الصوت العالي او خشنة اهم شيء تجيبها باور لكن التكييف لا انصحك بيه

الله يبارك فيك

[senior010]

اولا الف مبروك يا استاذ محمد علي العربية الجديدة

أنا مش هقولك حلوة ولا وحشة بس هقولك علي تجربتي معاها لمدة 7 سنين
1 : معني انك راكب لادا تبقي راكب مصفحة بالنسبة لاي عربية من نفس الفئة ايا كانت بلد المنشأ بتاعتها
2 : راكب عربية 1600 سي سي يعني موتور محترم ولو سواقتك عالية تزعل منك عربيات كتير أوي في أي طريق مفتوح بدون ذكر أسماء عشان محدش يزعل
3 : عربية دفع خلفي وده بالنسبة لي انا شخصيا عربية تقيلة مبتهزرش ونسبة المخاطر فيها أقل وصدقني ده بعد ما جربت اللانسر والالنترا والاسبرانزا
4 : عفشة محترمة جدا واي حد يقولك عفشتها وحشة وخلي بالك عشان اللادا بيضها بيملص قله ميتكلمش أحسن ( 7 سنين مغيرتش حاجة في العفشة مع العلم اني كنت بمشي بيها في مدقات كانت السبب في تغيير عفشة اللانسر بالكامل موديل 2010)
5: عربية شغالة تاكسي يعني فعلا عربية للمهام الشاقة والمؤبدة كمان
6 : مهما هملت فيها مش هتسمع منها لا صوت تزييق و لا حاجة هتفك منها لان تقفيلها محترم جدا سواء الروسي او المصري لان المصري بيقفل فيها بقالو سنيييييييين مش لسه أول امبارح
7 : موضوع السخونة ده كان زمان دلوقتي خلاص العربية اتعدلت عشان تناسب الاجواء المصرية
8 : متقلقش من موضوع ثبات العربية انا العربية دي مشيت بيها لحد 160 زي الفل ومحدش والنبي يقول 160 ازاي الا اذا كان ركبها وساقها صح (ميكونش ركبها مع واحد صاحبه لسه مطلعش رخصة)
9: قطع غيارها زي الرز و اسعارها كأنك شربت بيهم سجاير
10 : يوم ماتحب تبيعها هتبيعها قبل ما تخلص كلامك وان مكانش في القاهرة فبتوع الاقاليم هيجروا وراك بالجلاليب
11 : حضرتك سواء طويل أو لا برضه هترتاح فيها واللي يقولك صغيرة من جوه قوله اطلع الاول من الفرنا من غير ما حد يشدك وبعدين قول صغيرة (طولي 185 سم يعني مش قزعة أوي)
12 : ركب في الكنبة 3 او 4 عادي وشوف هتعدي ازاي من المطبات من غير مشاكل (بس مش معناها انك تاخد المطب علي 120)
13 : أي ملف في مصر علي طريق سريع كل العربيات لازم تهدي السرعة فيه الا انت دوس بنزين ومتخافش (العربية خلفي وتقيلة)
14 : مساحة شنطتها مش صغيرة يعني وانت مسافر مش هتحط ولا شنطة عالكنبة
15 : صوت العربية مش عالي ولا حاجة في الصالون ولو عليت معاك يبقي في حاجة مش مظبوطة هي صوت ماتورها خشن لكن مش عالي

شوية نصايح مني

1 متحرقش عالعربية أكتر من 80 كم في اول 1000 كم ومتعتبرش ده تليين ولكنه اعتبره بداية تعارف بينكوا لان بعد كده العربية دي هتحس بيك لوحدها
2 غيار الزيت في مواعيده وهقولهالك مليون مرة غيار الزيت في مواعيده هيخليها معاك زيرو علطول
3 ايعد عن بنزين 80 عشان ده اكتر حاجة في الدنيا ممكن يخليها تقلب بوزها
4 متفتحش الردياتير أبدا ولو الميه نقصت بعد 3 أو 4 سنين يبقي زودها من القربة
5 حافظ علي الصيانة الدورية حتي لو العربية مابتشتكيش من حاجة سواء جوه او بره التوكيل

أخيرا بدعيلك ربنا يكرمك فيها ويكفيك شرها ولو احتجت أي استفسار بخصوصها انا موجود
وياريت ياريت ياريت متقارنش بينها وبين 127 عشان ده ظلم لل27 وتقليل من شأن ال2107
واسف جدا للاطالة

[خالداعزالناس]

الف مبرووووووووووووك مقدما ليك السياره

سياره اعتماديه وقويه

فى انتظار تقرير كامل بالصور ...... للسياره بعد الشراء والتجربه ان شاء الله
وموفق ان شاء الله

ومبرووووووووووووووك

[mira lada]

المشاركة الأصلية كتبت بواسطة senior010 اولا الف مبروك يا استاذ محمد علي العربية الجديدة أنا مش هقولك حلوة ولا وحشة بس هقولك علي تجربتي معاها لمدة 7 سنين 1 : معني انك راكب لادا تبقي راكب مصفحة بالنسبة لاي عربية من نفس الفئة ايا كانت بلد المنشأ بتاعتها 2 : راكب عربية 1600 سي سي يعني موتور محترم ولو سواقتك عالية تزعل منك عربيات كتير أوي في أي طريق مفتوح بدون ذكر أسماء عشان محدش يزعل 3 : عربية دفع خلفي وده بالنسبة لي انا شخصيا عربية تقيلة مبتهزرش ونسبة المخاطر فيها أقل وصدقني ده بعد ما جربت اللانسر والالنترا والاسبرانزا 4 : عفشة محترمة جدا واي حد يقولك عفشتها وحشة وخلي بالك عشان اللادا بيضها بيملص قله ميتكلمش أحسن ( 7 سنين مغيرتش حاجة في العفشة مع العلم اني كنت بمشي بيها في مدقات كانت السبب في تغيير عفشة اللانسر بالكامل موديل 2010) 5: عربية شغالة تاكسي يعني فعلا عربية للمهام الشاقة والمؤبدة كمان 6 : مهما هملت فيها مش هتسمع منها لا صوت تزييق و لا حاجة هتفك منها لان تقفيلها محترم جدا سواء الروسي او المصري لان المصري بيقفل فيها بقالو سنيييييييين مش لسه أول امبارح 7 : موضوع السخونة ده كان زمان دلوقتي خلاص العربية اتعدلت عشان تناسب الاجواء المصرية 8 : متقلقش من موضوع ثبات العربية انا العربية دي مشيت بيها لحد 160 زي الفل ومحدش والنبي يقول 160 ازاي الا اذا كان ركبها وساقها صح (ميكونش ركبها مع واحد صاحبه لسه مطلعش رخصة) 9: قطع غيارها زي الرز و اسعارها كأنك شربت بيهم سجاير 10 : يوم ماتحب تبيعها هتبيعها قبل ما تخلص كلامك وان مكانش في القاهرة فبتوع الاقاليم هيجروا وراك بالجلاليب 11 : حضرتك سواء طويل أو لا برضه هترتاح فيها واللي يقولك صغيرة من جوه قوله اطلع الاول من الفرنا من غير ما حد يشدك وبعدين قول صغيرة (طولي 185 سم يعني مش قزعة أوي) 12 : ركب في الكنبة 3 او 4 عادي وشوف هتعدي ازاي من المطبات من غير مشاكل (بس مش معناها انك تاخد المطب علي 120) 13 : أي ملف في مصر علي طريق سريع كل العربيات لازم تهدي السرعة فيه الا انت دوس بنزين ومتخافش (العربية خلفي وتقيلة) 14 : مساحة شنطتها مش صغيرة يعني وانت مسافر مش هتحط ولا شنطة عالكنبة 15 : صوت العربية مش عالي ولا حاجة في الصالون ولو عليت معاك يبقي في حاجة مش مظبوطة هي صوت ماتورها خشن لكن مش عالي شوية نصايح مني 1 متحرقش عالعربية أكتر من 80 كم في اول 1000 كم ومتعتبرش ده تليين ولكنه اعتبره بداية تعارف بينكوا لان بعد كده العربية دي هتحس بيك لوحدها 2 غيار الزيت في مواعيده وهقولهالك مليون مرة غيار الزيت في مواعيده هيخليها معاك زيرو علطول 3 ايعد عن بنزين 80 عشان ده اكتر حاجة في الدنيا ممكن يخليها تقلب بوزها 4 متفتحش الردياتير أبدا ولو الميه نقصت بعد 3 أو 4 سنين يبقي زودها من القربة 5 حافظ علي الصيانة الدورية حتي لو العربية مابتشتكيش من حاجة سواء جوه او بره التوكيل أخيرا بدعيلك ربنا يكرمك فيها ويكفيك شرها ولو احتجت أي استفسار بخصوصها انا موجود وياريت ياريت ياريت متقارنش بينها وبين 127 عشان ده ظلم لل27 وتقليل من شأن ال2107 واسف جدا للاطالة

نصائح ذهبية و كلام زى العسل....بارك اللة فيك.

[محمد حنفى]

المشاركة الأصلية كتبت بواسطة senior010 اولا الف مبروك يا استاذ محمد علي العربية الجديدة أنا مش هقولك حلوة ولا وحشة بس هقولك علي تجربتي معاها لمدة 7 سنين 1 : معني انك راكب لادا تبقي راكب مصفحة بالنسبة لاي عربية من نفس الفئة ايا كانت بلد المنشأ بتاعتها 2 : راكب عربية 1600 سي سي يعني موتور محترم ولو سواقتك عالية تزعل منك عربيات كتير أوي في أي طريق مفتوح بدون ذكر أسماء عشان محدش يزعل 3 : عربية دفع خلفي وده بالنسبة لي انا شخصيا عربية تقيلة مبتهزرش ونسبة المخاطر فيها أقل وصدقني ده بعد ما جربت اللانسر والالنترا والاسبرانزا 4 : عفشة محترمة جدا واي حد يقولك عفشتها وحشة وخلي بالك عشان اللادا بيضها بيملص قله ميتكلمش أحسن ( 7 سنين مغيرتش حاجة في العفشة مع العلم اني كنت بمشي بيها في مدقات كانت السبب في تغيير عفشة اللانسر بالكامل موديل 2010) 5: عربية شغالة تاكسي يعني فعلا عربية للمهام الشاقة والمؤبدة كمان 6 : مهما هملت فيها مش هتسمع منها لا صوت تزييق و لا حاجة هتفك منها لان تقفيلها محترم جدا سواء الروسي او المصري لان المصري بيقفل فيها بقالو سنيييييييين مش لسه أول امبارح 7 : موضوع السخونة ده كان زمان دلوقتي خلاص العربية اتعدلت عشان تناسب الاجواء المصرية 8 : متقلقش من موضوع ثبات العربية انا العربية دي مشيت بيها لحد 160 زي الفل ومحدش والنبي يقول 160 ازاي الا اذا كان ركبها وساقها صح (ميكونش ركبها مع واحد صاحبه لسه مطلعش رخصة) 9: قطع غيارها زي الرز و اسعارها كأنك شربت بيهم سجاير 10 : يوم ماتحب تبيعها هتبيعها قبل ما تخلص كلامك وان مكانش في القاهرة فبتوع الاقاليم هيجروا وراك بالجلاليب 11 : حضرتك سواء طويل أو لا برضه هترتاح فيها واللي يقولك صغيرة من جوه قوله اطلع الاول من الفرنا من غير ما حد يشدك وبعدين قول صغيرة (طولي 185 سم يعني مش قزعة أوي) 12 : ركب في الكنبة 3 او 4 عادي وشوف هتعدي ازاي من المطبات من غير مشاكل (بس مش معناها انك تاخد المطب علي 120) 13 : أي ملف في مصر علي طريق سريع كل العربيات لازم تهدي السرعة فيه الا انت دوس بنزين ومتخافش (العربية خلفي وتقيلة) 14 : مساحة شنطتها مش صغيرة يعني وانت مسافر مش هتحط ولا شنطة عالكنبة 15 : صوت العربية مش عالي ولا حاجة في الصالون ولو عليت معاك يبقي في حاجة مش مظبوطة هي صوت ماتورها خشن لكن مش عالي شوية نصايح مني 1 متحرقش عالعربية أكتر من 80 كم في اول 1000 كم ومتعتبرش ده تليين ولكنه اعتبره بداية تعارف بينكوا لان بعد كده العربية دي هتحس بيك لوحدها 2 غيار الزيت في مواعيده وهقولهالك مليون مرة غيار الزيت في مواعيده هيخليها معاك زيرو علطول 3 ايعد عن بنزين 80 عشان ده اكتر حاجة في الدنيا ممكن يخليها تقلب بوزها 4 متفتحش الردياتير أبدا ولو الميه نقصت بعد 3 أو 4 سنين يبقي زودها من القربة 5 حافظ علي الصيانة الدورية حتي لو العربية مابتشتكيش من حاجة سواء جوه او بره التوكيل أخيرا بدعيلك ربنا يكرمك فيها ويكفيك شرها ولو احتجت أي استفسار بخصوصها انا موجود وياريت ياريت ياريت متقارنش بينها وبين 127 عشان ده ظلم لل27 وتقليل من شأن ال2107 واسف جدا للاطالة

أنا والله مش عارف اقولك ايه وأشكرك أزاى
انا فعلاً أديتنى شرح وافى للعربيه
وعلى فكره انا لسه مستلمتهاش
وحضرتك طمنتنى جداً على حسن إختيارى
ألف ألف شكر