رابطه ( قول معاك كام و انا اقولك تجيب ايه بفلوسك )

[bassem_fencer]

معايا حوالى 50,000 ج و عايز عربية مانيوال 1600
و فى واحد صاحبى عندة استرا 99 حالة ممتازة دهان المصنع كلها و صيانتها فى التوكيل و بس من الزيرو حتى يومنا هذا و بنفس الثمن 50
اية رأى حضرتك ؟؟؟

[المفكر]

السلام عليكم
أستاذ يحي بقالك فترة مش ظاهر لعل يكون المانع خير
لز تكرمت أرجوك متنسانيش (127 ولا 128)
بس عايز استشارتك في موضوع إضافي
لو المبلغ المتاح 45 ألف
والمطلوب سيارة سيدان أوتوماتيك في حدود 2004
ايه أفضل الاختيارات
وجزاك الله خيرا

[YahiaAshraf]

المشاركة الأصلية كتبت بواسطة عبد الله بن عبدالله السلام عليكم ورحمة الله انا بصراحة موضوعك وخبرتك الجامدة مشاء الله تبارك الله هي اللي شدتي للمنتدي و شجعتني اطرح عليك استشكالي بص يا سيدي الفاضل انا معايا في حدود 80 الف عايز اجيب حاجة كدة تريوس أو جراند فيتارا أو ما شابههم ايه اللي تنصحني بيه كحاجة عائلية و كبيرة و تستحمل سواء جديد أو مستعمل في الحدود دي و يبقي جزاك الله خيرا ولو فيه نصائح بالنسبة لبعض السيارات عند الشراء يا ريت تدلني عليها و بإذن الله موفق و يارب تستمر من الأمام الي الأمام

الاول اسف جدا على التاخير لان كتير من الاعضاء عارف ظروف شغلى و بدخل ايام معينه


اوك
بالسعر ده
لو عاوز تجيب زيرو هيبقى سيدان

انا هتكلم عن الاستعمال و لو عاوز زيرو تبقى تقولى

عندك
فولكس فاجن سوران موديل 2009(زى عربيتى )
عربيه عن تجربه ممتازه مش هقول اكتر من كده
و سعرها فى حدود كده

عندك دايهاتسو تريوس موديل 2007

عندك هيونداى ماتريكس 2009 او 2010 الشكل الجديد

عندك هيونداى النترا 2008 - 2009

عندك عندك هيونداى اكسنت 2011



عندك كيا ريو 2011


شوف لو عاوز زيرو قولى و انا هجابوك انشاء الله
تحياتى
: 260309~146:

[YahiaAshraf]

المشاركة الأصلية كتبت بواسطة المفكر ازيك يا استاذ يحي انا سعيد اني أشارك في موضوعك انا كنت عامل موضوع عن الأوكا لو فاكر ولكن بعد صراع مع كل من حولي استسلمت وعايز اجيب فيات بس السؤال الصعب اختاربين الفيورا ولا 128 مش عارف اختار وبعد ادخار وسلف وضغط هقدر اوفر 12000 يعني مش هقدر اضبط العربية اللي هتيجي وبكده لازم تكون الحالة أفضل بغض النظر عن الحجم والموديل بالسعر ده أجيب فيورا ولا 128 مش عارف فيدني أفادك الله وتقبل تحياتي

الاول اسف جدا يا باشا على التاخير
لزوم ظروف شغلى

بص بقى السعر ده تجيب افضل ال 127
لان ممكن تجيب 128 حاله تعبانه
ال 127 ممكن تجيب حاله ممتازه

شوف بقى و قولى رايك ايه

[usamaaly]

السلام عليكم ورحمة الله وبركاته
اريد عربية فى حدود من 75 الى 80 الف
اوتوماتيك - فول اوبشن - وتكون عائلية انا شخصياً ميَّال ل لانسر 1600cc هل ممكن بالمبلغ ده اجيب حاجه فى حاله جيده و مش ماشيه كتير
تفتكر حضرتك بالمبلغ ده ممكن اجيب موديل كام؟
وهل اللانسر فيها موديلات او سنوات انتاج احسن من سنوات اخرى؟
وهل لانسر اختيار كويس ام حضرتك عندك اقتراحات افضل؟
وايه رأى حضرتك فى نيو اكسنت اوتوماتيك الشكل القديم هل هى افضل ام اللانسر؟
آسف على الاطاله بس دى اول مره اشترى عربيه و قلقان شويه
شكراً مقدماً على سعة صدركم