|
|||||||
| المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
 |
|
|
أدوات الموضوع |
|
|||||||
| المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
|
|
|
أدوات الموضوع |
|
#1
11-07-2012, 06:09 PM
|
||||
|
||||
كل ما تريد ان تعرفه عن منظف الرشاشات (فوائده,نوعه,سعره,طريقة استخدامه )
بسم الله
من الاشياء الهامه اوى فى الصيانه الدوريه لأى سياره اضافة منظف الرشاشات او منظف الكربيراتر للسيارات القديمه ليه ؟ مع طول الاستخدام بيتكون رواسب كربونيه على كل اجزاء دورة الوقود مع بعض الشوائب المتوفره بكثره فى البنزين مما يساعد على ضيق وانسداد فى بعض الاجزاء ( بالظبط زى الكوليسترول ما بيعمل فى الشرايين بالنسبه للانسان ) والذى يؤثر بطريقه مباشره على أداء موتور السياره حيث فيبداء الضعف فى السلانسيه والتسارع والسرعه القصوى وايضاٌ يؤثر بالسلب على استهلاك البنزين لذلك وجب وضع منظف الرشاشات فى تانك البنزين كل فترة تشغيل طيب نستعمله كل كام كيلو ؟ الشركه المصنعه بتقول كل 5000 كيلو طيب ايه فوايده المباشره ؟ 1 تنظيف خطوط البنزين بالسياره ابتداء من التانك وطرمبة البنزين وصولاٌ حتى الرشاشات او الكربياتير 2 انتظام سرعة دوران المحرك على السلانسيه 3 تحسن ملحوظ فى السحب او التجميع و اداء افضل بالنسبه للسرعه القصوى 4 تحسن بسيط فى استهلاك البنزين طيب ايه انواعه ؟ يوجد منه انواع وشركات واشكال عبوات كتيره فى السوق ولاكن اشهرهم وافضلهم من خلال تجربتى الشخصيه هو ال STP® Fuel Injector Cleaner ودى صورة العبوه  كام سعره ؟ سعره من 15 الى 25 جنيه حسب المكان وانت وشطارتك فى الفصال وموجود فى اى بنزينه نضيفه طيب ايه افضل طريقه لاستخدامه حتى نحقق الغرض منه ؟ افضل طريقة لأستخدامه كالتالى اولاٌ لازم تغير فلتر البنزين بواحد جديد قبل ما تحط المنظف ثانياٌ بنفضى العبوه بداخل تانك البنزين من فتحة التموين و بنحطه على 15 لتر بنزين مفيش غيرهم ثالثاٌ تحط المنظف وتاخد بالعربيه مشوار طويل لحد ما تقرب توصل للاحتياطى رابعاٌ اثناء المشوار تمشى على rpm عالى على كل الغيارات يعنى تقرص على كل الغيارات خامساٌ ترجع من مشوارك تفول العربيه سادساٌ بعد ما العربيه تبرد خالص فك البوجيهات اللى راكبه وتركب جديد او تنظف القدام وتظبط الخلوص بتاعهم على 0.7 مم للانوس و 1.0 مم للنوبيرا تفسير ما سبق اولاٌ الفلتر القديم مليان شوائب لو حطيت عليه المنظف هيخدهم يوديهم على الرشاشات ويبوظ الدنيا ثانياٌ علشان يبقى مركز ثالثاٌ علشان متحطش المنظف وتبيت العربيه بيه فياكل وصلات البنزين فى العربيه رابعاٌ علشان المشى على rpm عالى بيضغط على مواسير البنزين و الرشاشات فبينضفهم افضل خامساٌ حتى لا يسبب المتبقى من البنزين وعليه المنظف مركز تآكل فى وصلات البنزين بالعربيه سادساٌ البوجيهات اللى راكبه اتحرق عليها كمية شوائب ورواسب كبيره هتأثر عل جودة توصيلها للشراره بعد ما خلصنا كل ما سبق يا ريت لو نغير فلتر الهواء بالمره ونعمل ايدل ليرن كمان ودى طريقة الايدل ليرن هنفصل كابل البطاريه السالب مدة 5 دقائق ثم نعيد توصيله تانى ثم 1 هنفتح الكونتاكت 5 ثوانى بدون دواره ونقفله 5 ثوانى 2 هنفتح الكونتاكت 5 ثوانى بدون دواره ونقفله 5 ثوانى 3 هنفتح الكونتاكت 5 ثوانى بدون دواره ونقفله 5 ثوانى 4 هندور العربيه على السلانسيه بدون تشغيل اى احمال ( نور , تكييف , كاسيت ) لمدة 3 دقايق 5 هنشغل التكييف على درجة 4 فريون + النور العالى + الشبوره ( يعنى كل الاحمال ) لمدة 2 دقيقه 6 هنطفى كل الاحمال الاول وبعدين نطفى العربيه لو عملنا كل ما سبق كل 5000 كيلو ان شاء الله هنحافظ على ثبات مستوى اداء الموتور بدون مشاكل اتمنى ان اكون افدتكم ولا تنسونى من دعائكم الجميل منقوووووووول 
|
|
#2
11-07-2012, 06:27 PM
|
|||
|
|||
رد: كل ما تريد ان تعرفه عن منظف الرشاشات (فوائده,نوعه,سعره,طريقة استخدامه )
لكن هل أنت واثق من أننا نضع الstp على خمستاشر لتر فقط ؟ فقد ذكر زميل في مصر موتورز منذ فترة طويلة أننا نضعه و التنك مملوء على الآخر ؟
|
|
#3
11-07-2012, 06:43 PM
|
|||
|
|||
رد: كل ما تريد ان تعرفه عن منظف الرشاشات (فوائده,نوعه,سعره,طريقة استخدامه )
|
|
#4
11-07-2012, 06:48 PM
|
||||
|
||||
رد: كل ما تريد ان تعرفه عن منظف الرشاشات (فوائده,نوعه,سعره,طريقة استخدامه )
هبقى اسال لحضرتك فى الحكايه دى لان الموضوع منقول
|
|
#5
05-08-2012, 04:34 PM
|
||||
|
||||
رد: كل ما تريد ان تعرفه عن منظف الرشاشات (فوائده,نوعه,سعره,طريقة استخدامه )
 ربنا يرزقق ما تتمنا
__________________
]من اهم مواضيعي المصورة http://masrmotors.com/vb/showthread.php?t=90049 (كيف تتعرف علي قدرة المحرك) http://masrmotors.com/vb/showthread.php?t=111175 (كيف تعتني بدورة التبريد) http://www.masrmotors.com/vb/showthread.php?t=124669(شرح دورة الوقود وتنظيف الرشاشات) {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
|
|
|
|
ولا تنسونى من دعائكم الجميل
