بفكر أبيع الـ BYD بسبب مشكلة الحرارة

[skoda77]

السلام عليكم ..

انا عاوز ابيع سيارتى الـ BYD 2012 اوتوماتيك بسبب موضوع الحرارة اللى مش راكزة على حال شوية تتظبط وشوية ترجع ترتفع وبتقلقنى طول ما انا سايق على الطريق

السيارة عاملة اقل من 3000 كيلو بقليل وعملت صيانة ال 1000 فى ميعادها وكل حاجة فيها تمام ماعدا موضوع الحرارة ده ..

السؤال بقى ..
سعرها هينزل كتير بسبب المشكلة دى ولا مش هيأثر أوى ؟؟
وممكن تجيبلى سعر كام دلوقتى وانا شاريها بـ 83.000 جنيه ؟؟

[mhamdy75]

حوالى 77 ألف

والله اعلم

[peter magdy]

مساء الخير
بص حضرتك
انا ناوى على شراء العربية دى علشان سعرها مناسب ليا و عمال اجمع معلومات عنها
و عرفت ان فى اعضاء هنا بتشتكى من مؤشر السخونة فى عضو عرف حل المشكلة دى و هو كاتب الكلام دة
-------------
متقلقش خالص .... الحل بأذن الله عندى
على العموم انا لسه عامل صيانة الـ 10000كيلو من يومين وعملتها فى فرع الشرابية اللى عجبنى بنسبة اكبر من فرع القطامية ومن ضمن شكوتى المرة دى فى الجوب بتاع العربية اللى عملهولى المهندس كان مؤشر الحرارة .

وكانت الحرارة عندى على النص وشوية الاقيها طلعت لتانى او تالت شرطه بعد النص تقوم المروحة تشتغل فتنزل الحرارة الى النص مرة تانية بس التكرار هنا كان بمعدل كبير ورا بعض ورا بعض

المهم وهما شغاليين فيها فى الورشة بالتوكيل روحت متكل على الله وعملت فدائى ودخلت للكهربائى اللى وصلتلوا العربية علشان يحل مشاكل المرحلة بتاعته وكلمتوا فى الموضوع فكان الكلام ياسادة كاللآتى ........

ان ارتفاع مؤشر الحرارة ناتج عن ضعف الكابل الارضى تحت البطارية وفى مكان آخر بس مش فاكر فين علشان كده الحرارة بتعلى ودى حرارة كذابة وبيعمل تقوية للكابل الارضى والحرارة مبتعلاش تانى والموضوع ده خد فى ايده ربع ساعة بالظبط يعنى متقلقش خالص على فكرة الفنى اسمه (صابر) وده اللى حصل معايا والكلام ده كان يوم السبت السابق يعنى فات بتاع 5 ايام والحرارة عندى مزادتش عن النصف.
و الرابط اهو http://www.masrmotors.com/vb/showthr...t=91818&page=5يفيدك
كلمة و استفسر منة على التفاصيل بالظبط و انشاء اللة
و ارجو من حضرتك بعد ما مشكلتك تتحل تقولى وصلت لفين
و انشاء اللة خير و تتحل المشكلة
المهم تقولنا عملت اية و انشاء اللة تكون المشكلة اتحلت

المشاركة الأصلية كتبت بواسطة skoda77 السلام عليكم .. انا عاوز ابيع سيارتى الـ BYD 2012 اوتوماتيك بسبب موضوع الحرارة اللى مش راكزة على حال شوية تتظبط وشوية ترجع ترتفع وبتقلقنى طول ما انا سايق على الطريق السيارة عاملة اقل من 3000 كيلو بقليل وعملت صيانة ال 1000 فى ميعادها وكل حاجة فيها تمام ماعدا موضوع الحرارة ده .. السؤال بقى .. سعرها هينزل كتير بسبب المشكلة دى ولا مش هيأثر أوى ؟؟ وممكن تجيبلى سعر كام دلوقتى وانا شاريها بـ 83.000 جنيه ؟؟

اظبط تاكيهات عند اى ميكانيكى فيات شاطر اضبط بنزين 25 بالفللر وشكمان 25 بالفللر !!
هتختفى مشكلة السخونية نهائى ان شاء الله !!!!!!!!!!!
تاكيهاتها بتتظبط بمفك ومفتاح وفللر زى الفيات ال 125 والبولونيز بالظبط !!
بتسخن لاءنها بتنزل من الشركة مظبوطة تاكيهات على 5 !!!!

mr_astra



AHLNW SHALN