افيدونى يا جماعة الله يخليكوا ارجوكوا

[blade2011]

انا والحمد لله معايا لانوس زيرو 2012 ماكملتش خمس الاف كيلو او والله خمس الاف المهم مش هاطول عليكوا وانا نازل النهاردة من البيت لقيت عيل ( ابن ستين فى سبعين ) الله لا يبارك فية ولا فى اهلة جاب مسمار وعملى دواير على الكبوت والشنطة الفبريكة اللى ماكملتش خمس الاف كيلو والله الزيرو اعمل اية الدواير علمت فى بطانة الصاج وغرزت فى العربية و بقة شكلها زى الزفت اعمل اية يا ناس افيدونى اروح اقرب فرع ليا فى التوكيل ارش الكبوت والشنطة فى التوكيل فى منصور طنطا ولا اعملها فى مركز خدمة عندنا فى المنصورة اسمة الشايب كنت جربت عندة ابل كدة رديت حتة صغيرة على البارد وكان كويس اعمل اية ياناس العربية لسة جديدة ومنظرها زى الزفت اعمل اية افيدونى لو رشيت الحاجات دى فى التوكيل هاتبان لو جيت بعتها لانها كبوت وشنطة دة مش رفرف ولا اكصدام اعمل انا مش عارف انا زهقت من ام البلد دى اعمل اية يا ناس اة انا مش مغطيها بس دى عاوزة غطا حديد عشان المسمار ماياثرش فيها اعمل اغيثونى الله يخليكوا

[ahmed el gendy]

فيه لزق بيتحط ع العربيه مش عارف اسمه ايه بيكون فيه منه الوان كتير زي اللزق الابيض اللي بيكون علي العربيات الزيرو هاته وحطه ع الشنطه والكبوت ولو مفيش لون عربيتك اعمل زي ما واحد اعرفه عمل جاب لزق ابيض و لزقه ع العربيه عند اي حد بتاع اكسسوارات وراح لبتاع بويه وخلاه يرش ع اللزق الابيض هيبقي احسن من انك ترش الشنطه والكبوت اعمل اي حاجه غير انك ترش شنطه وكبوت

[ahmed el gendy]

المشاركة الأصلية كتبت بواسطة ahmed el gendy فيه لزق بيتحط ع العربيه مش عارف اسمه ايه بيكون فيه منه الوان كتير زي اللزق الابيض اللي بيكون علي العربيات الزيرو هاته وحطه ع الشنطه والكبوت ولو مفيش لون عربيتك اعمل زي ما واحد اعرفه عمل جاب لزق ابيض و لزقه ع العربيه عند اي حد بتاع اكسسوارات وراح لبتاع بويه وخلاه يرش ع اللزق الابيض هيبقي احسن من انك ترش الشنطه والكبوت اعمل اي حاجه غير انك ت

رش شنطه وكبوت


ممكن برده الحتت اللي فيها خرابيش دي تحط عليها اي رسومات كانك مروشن العربيه والرسومات كتير وعند اي حد بتاع اكسسوارات ورخيصه مش غاليه ولما تيجي ترخص شيلها لحد ما ترخص وبعدين حطها تاني بعد الترخيص ومعتقدش فيه اي لجنه مرور ممكن توقفك او تعمل مخالفه علي رسمه ف العربيه

[tata33]

والله يابنى قلبى عندك مش عارف اقولك ايه انا عندى فوبيا من الموضوع عشان كده جبت عربية صغيرة اركبها جوه البلد وخليت الزيرو جوه الجراج انا لسه شايف اوكتافيا a5 ماشية قدامى ومعمول عليها خريطة ياعينى بالمسمار بقيت زعلان على صاحبها . المهم حاول ماترشش حاجة خالص وروح لبوهيجى ناصح بيبقى عنده حلول للموضوع ده انا مرة شفت بولش مستورد كان بيشيل الخرابيش بس مش العميقة اوى المهم هتلاقى حل ان شاء الله

[blade2011]

المشاركة الأصلية كتبت بواسطة tata33 والله يابنى قلبى عندك مش عارف اقولك ايه انا عندى فوبيا من الموضوع عشان كده جبت عربية صغيرة اركبها جوه البلد وخليت الزيرو جوه الجراج انا لسه شايف اوكتافيا a5 ماشية قدامى ومعمول عليها خريطة ياعينى بالمسمار بقيت زعلان على صاحبها . المهم حاول ماترشش حاجة خالص وروح لبوهيجى ناصح بيبقى عنده حلول للموضوع ده انا مرة شفت بولش مستورد كان بيشيل الخرابيش بس مش العميقة اوى المهم هتلاقى حل ان شاء الله

انا مش عارف اعمل اية يا جدعان دة العربية لسة عليها اقساط ومخلصتهاش والله ومش عارف اعمل اية كلمت الوقتى التوكيل فرع طنطا منصور طنطا قالى لو اترشت عندى مش هتبان وانا مش عارف اعمل اية ومش واثق فيهم جربت توكيل منصور فرع المنصورة فى كذا مشكلة وماعملوش حاجة بالعكس وخايف يعنى اوديها وهية لسة جديدة يعملوها مش كويس والبوية تسيل منهم ويبقة شكلها وحش ومرشوش طب حد اتعامل مع الفرع دة ابل كدة يقلنا اية نظامة ؟؟ حد يعرف توكيل طنطا دة كويس ولا وحش ولا اية وضعة اعمل اية يا جماعة العربية شكلها وحش اوى ولسة جديدة اتبهدلت بمعنى الكلمة يعنى