حصريا ً:أفضل تقرير حصري عن المميزه جدا ً(sonata 2012) علي مصر موتورز

[A7MED NASSER]

المشاركة الأصلية كتبت بواسطة alymonir سيارة ممتازة بس نتيجة دخولها شريحة جمارك ال 2000 سي سي سعرها عدى بس هي عربية تحفة

فعلا ً هي جماركها غاليه علشان كده بذات (محرك:2000 سي سي)

المشاركة الأصلية كتبت بواسطة هاني السويدي دى جميله جدا جدا بس فعلا السعر زايد شويه

هي فعلا غاليه بس بصراحه روعه

[chevy_lumina]

للأسف هيا غالية جدا جدا في مصر بسبب الجمارك انا ركبت العربية تاكسي في جدة كانت اتوماتيك زي الي في الصورة كانت مريحة جدا و صالونها اوسع من الكامري مع اني اميل اكثر للكامري بس الاتنين سعرهم في مصر
هيخليك

تحياتي لصاحب الموضوع

[abdulkhaleq]

المشاركة الأصلية كتبت بواسطة AboNoRa يا استاذى الفاضل انا مش عارف انت تاعب نفسك ليه اذا كانت الصور مصرية ولا هندية ولا خليجية الشاهد ان الافادة حاصلة بالموضوع وصاحبة تعب فى كتابتة وتنسيقة وبالتالى يستحق الشكر على الافادة والاهم ان حضرتك لو عندك شكوى بخصوص محتوى الموضوع المفروض تتحط فى الشكاوى ولو هو عتاب لصاحب الموضوع فالمفروض تبقى بالرسائل الخاصة بينك وبينة فقط لان النصيحة على الملاء فضيحة ولو هو تشكيك فالبينة على من ادعى وحضرتك مذكرتش اي بينة او دليل يثبت ان الموضوع منقول وبالطبع اتهامك لصاحب الموضوع بانة بغرض الدعاية لا يعتد به لان محدش يقدر يخش جوا نوايا حد فيعرف اذا كان نيتة الافادة ولا فقط الاستفادة فانا ارجو من حضرتك انك تترفع عن الجدال فى حوارات لا طائل منها واتمنى اشوف مشاركات حضرتك وموضوعاتك القيمة على صفحات المنتدى كما عودتنا تقبل تحياتى

أقول لحضرتك ليه يافندم
الاخ المحترم يمثل جهة بيع, والخبر انها نزلت مصر وكاتب في الموضوع انها عربية صاحبه (يعني الناس اشترتها وكده)

لو بصيت حضرتك عالصور زي ما انا كتبت برضه ومحدش عللق عالمشاركه دي
في صور بجنوط وصور بجنوط شكل تاني
مره متفيمه ومره بأكياسها
الصوره الاخيره اسم الوكيل جنب اسم هيونداي ورا عالشنطه مش موجود في باقي الصور وفي نفس الصوره مركب من المراكب الخشبيه المستخدمه قديما في الخليج
(كل ده لنفس العربيه اللي هي هنا في مصر) يبقى ليه كده ؟؟؟
وانا معنديش شكاوي خالص ليه بس يعني ؟ انا كنت اتمنى اجد اجابه منه وهو شخص محترم بس كان رده (مش عاجبك الموضوع ماتخشش)

اتمنى انا اجد منه رد على كلامي
وبعتذر جدا لو كلامي ضايق اي اخ
لكن لو الموضوع مجرد صور عن السوناتا او كده فبرضه مالهاش لازمه نقطة ان العربيه في مصر وخلاص الناس اشترتها وكده
بس كده
تقبل تحياتي

[A7MED NASSER]

المشاركة الأصلية كتبت بواسطة chevy_lumina للأسف هيا غالية جدا جدا في مصر بسبب الجمارك انا ركبت العربية تاكسي في جدة كانت اتوماتيك زي الي في الصورة كانت مريحة جدا و صالونها اوسع من الكامري مع اني اميل اكثر للكامري بس الاتنين سعرهم في مصر هيخليك تحياتي لصاحب الموضوع

شكرا ً لمشركتك و هي فعلا عربيه روعه و افضل من الكامري كتير و لكن اسم
التويوتا اكبر و افخم كتير من اسم الهيونداي و ده الفارق الوحيد

المشاركة الأصلية كتبت بواسطة abdulkhaleq أقول لحضرتك ليه يافندم الاخ المحترم يمثل جهة بيع, والخبر انها نزلت مصر وكاتب في الموضوع انها عربية صاحبه (يعني الناس اشترتها وكده) لو بصيت حضرتك عالصور زي ما انا كتبت برضه ومحدش عللق عالمشاركه دي في صور بجنوط وصور بجنوط شكل تاني مره متفيمه ومره بأكياسها الصوره الاخيره اسم الوكيل جنب اسم هيونداي ورا عالشنطه مش موجود في باقي الصور وفي نفس الصوره مركب من المراكب الخشبيه المستخدمه قديما في الخليج (كل ده لنفس العربيه اللي هي هنا في مصر) يبقى ليه كده ؟؟؟ وانا معنديش شكاوي خالص ليه بس يعني ؟ انا كنت اتمنى اجد اجابه منه وهو شخص محترم بس كان رده (مش عاجبك الموضوع ماتخشش) اتمنى انا اجد منه رد على كلامي وبعتذر جدا لو كلامي ضايق اي اخ لكن لو الموضوع مجرد صور عن السوناتا او كده فبرضه مالهاش لازمه نقطة ان العربيه في مصر وخلاص الناس اشترتها وكده بس كده تقبل تحياتي

يا باشا انت علي راسنا من فوق و العربيه دي لسه ما فيش بني ادم جابها في جمهورية مصر
و انا يا سيدي بكدب و بقول انها بتاعت صاحبي و دي يا ريس مش سوناتا كمان لو انت عايزها مش سوناتا المهم ان حضرتك ما تزعلش و شكرا ً كتير لمشاركتك

[donhorus]

المشاركة الأصلية كتبت بواسطة A7MED NASSER حصريا ً أفضل تقرير حصري عن المميزه جدا ً HYUNDAI SONATA 2012 فقط علي مصر موتورز بالمواصفات و الصور بمصر اولا ً : مواصفات السياره (المرفقه في التقرير) سعة المحرك : 2000 CC عدد السلندر للمحرك : 4 القوة بالحصان : 165 حصان وقت التسارع ل 100 كيلو عالساعه : 7.8 ثواني مقاس الجنوط : 17 ً الكماليات بالسياره : فتحة سقف بانوراما - تحكم طاره - جنوط - التحكم في الاضاءه الاماميه - فوج لايت - تكييف تاتش - CD متوفر ب 6 سماعات عالية الجوده - اشارات مدمجه بالمرايات ثانيا ً : صور السياره (صور السوناتا في مصر . و هي ملك صديق لي) ثالثا ً: سعر السياره (داخل مصر) سعر السياره المرفقه داخل مصر : كامله اتوماتيك (سقف بانورما) : 365000 جنيه تم بحمد الله الانتهاء من التقرير و نشوف رايكم في السياره المميزه دي شكرا ً لمتابعتكم التقرير كامل

مشاء الله عليها عربيه تستحق الاحترام ربنا يكفيه شرها ويشوف خيرها