هل لو المساعدين جايبة زيت تبوظ الكبالن بسرعة

[مايكل ذكرى]

انا شايف انك تغير المساعدين الاول لانهم اهم وبعد كدة الكبالن وقلبى معاك فى المصاريف دى كلها علشان بتوع قطع الغيار معندهمش ضمير :GR OWIN~12:

[mr_astra]

"handtools123" انا بقول لحضرتك لو عندك مساعدين خفيفة او محجرة حاول تعملهم بسرعة عشان الحوض ما يشرخش انما مش هما السبب فى تلف الكبالن
ولكن مش حتمى دلوقتى يعنى لو بتمشى على طريق مسفلت طول الوقت يبقى عادى نصبر شوية
او ممكن نجيب جوز مساعدين استيراد والاستيراد فى المساعدين بيبان قبل التركيب انة كويس وسليم و منصحش فى عربيتك بمساعدين غاز وزيت خليك فى الزيت بس ،،،، هاتجبهم فى رانج مثلا الجوز بـ 60 جنية
بالنسبة للكبالن ممكن تجيب جوز كبالن صينى والله حلوين اوى وممكن يشتغلوا اكتر من سنة باقل تقدير وبتيجى بالافيز والكاوتشة وصامولة الكوبلن والشحم كمان واعتقد عندك حوالى 100 جنية للجوز
مع تغيير كاوتش ميزان وكاوتش طعمية بتاع نهاية المقص ولو امكن نغير كاوتش المقص نفسة كول الكلام دة حسبة 20 جنية ومصنعية نقول مثلا 50 جنية

[handtools123]

ايوة واللهى صدقت لا بتوع قطع غيار ولا صنايعية عندهم ضمير بس عايز أعرف القنطرة دى مين اللى يعملها وتتركب فين عشان الشاسيه ميفتحش

[mr_astra]

المشاركة الأصلية كتبت بواسطة handtools123 ايوة واللهى صدقت لا بتوع قطع غيار ولا صنايعية عندهم ضمير بس عايز أعرف القنطرة دى مين اللى يعملها وتتركب فين عشان الشاسيه ميفتحش

السمكرى اللى بيعمل الشداد ( القنطرة) بس قبل ما يعملة ويركبة لازم مقاس الحوض عندك يكون مظبوط عشان يركب بالمقاسات الصح انما لو الحوض فية فتح او قفل قصة كبيرة بينى وبينك لانك هاتهد معظم العفشة وتعمل زرجينة وهاتعد طول اليوم عند السمكرى وهاتتكلف بصراحة ولو عاوز تعمل شغل صح لازم تطلع المكنة

[handtools123]

أولا أشكر الجميع على الرد السريع وأخص بالذكر mr_astra على المعلومات القيمة والمفيدة جدا بس عايز أعرف هل الميزان هو البارات وهل مهم عمل القنطرة عشان حسيت من كلامك انها شغلانه طويله وصعبه ومش اى حد يعملها عايزة سمكرى كويس