يوميات نوبيرتي ...

[herlom]

ربنا يباركلك فيها و يكفيك شرها

[nktis]

المشاركة الأصلية كتبت بواسطة herlom ربنا يباركلك فيها و يكفيك شرها

اللهم امين و ربنا يبارك في حضرتك .

[nktis]

يا جماعه هو اريال النوبيرا المفروض مكانه يبقي فين .؟.
لانه مش موجود عندي و عايز اشغل الراديو , و لو رحت لصنايعي يعملي القصه دي , اروح لانه تخصص .؟. و لا اروح لبتوع الاكسسوارات , و تكلفته كام لو هاشتريه جديد بتركيبه .؟.

[sameh55]

ربنا يباركلك فيها ويديك خيرها

بالنسبة لموضوع الاريل بيقى فى الازاز الخلفى ومتوصل بفيشة معاه لانى مرة غيرتة وبتاع الازاز قالى ان الاريل متوصل فى الخطوط اللى بتبقى على الازاز اللى ورا وهية عربية كويسة انا معايا النوبيرا من 3 سنين و الحمد لله ماشية بس طبعا مضايقنى منها شوية العفشة وبرضة موضوع ترشيح الزيت و التبريد اوقات مرة فى جلبة اتقطعت ولقيت العربية سخنت وانا ماشى على الطريق الصحراوى بس الحمد لله واحد صحبى معاه عربية نقل جة وشدنى وغيرتها و اتظبطت و ربنا يستر

[nktis]

ربنا يباركلك في عربيتك و يعطيك خيرها , انا الحمد لله عملت الراديو .
بمناسبه الفصولات , زيت الباور كان بينقص عندي و كنت كل اسبوع بازوده بس بدا يرشح كتير و كل اللي اسالهم يقلولي فيه مسمار في الاسكترا عايز يتربط و مفيش اي حد يشتغل في الاسكترا و الاستاذ اللي شاريها منه هو اللي قايلي ان الاسكترا بتنشع خفيف , المهم سافرت بيها و مشوار و انا من النوعيه القلوقه و كنت واخد معايا علبيتين زيت للباور , المهم رحت المشوار تمام و انا راجع الاقي الدركسيون بيتقل انزل ابص اللاقي الزيت في اخره ازود و امشي شويه و هكذا لحد ما اكتشفت ان الكوز نفسه بتاع الباور هو اللي مشروخ و الزيت خلص .!؟.
مشيت بيها بتاع 4 كيلو و الحمد لله كانوا اللي فاضلين في مشواري لحد ما اوصل للميكانيكي بس عذااااااااااااااااااااب , دركسيون حجره .,. وصلت و غيرت الكوز و خراطيم الباور كلها و المكانيكي قالي احمد ربنا ان طرمبه الباور محصلهاش حاجه لانها غاليه .
ده الفصل الوحيد اللي حصلي معاها , بس للامانه النوبيرا عربيه حلوه غير كما قلت سيادتك العفشه و المقصات بتاعتها عايزه المواليه .
و اعتقد اي عربيه لازم الاهتمام بيها و تبقي ايدك فيها ( المثل عندنا بيقول العربيه بيت مفتوح )
اسف للاطاله بس حبيت انقل تجربتي .,. تحياتي لحضرتك و متشكر جدااا علي المباركه .