حل لاى مشكلة خاصة بالسيتروين والبيجو والرينو واجابه لاى استفسارات مجانا

[FARID SHAWKY]

المشاركة الأصلية كتبت بواسطة alprens المهندس فريد شوقى : بعد التحية ممكن اسأل حضرتك سؤال : عندى عربية اكسارا 2002 مانيوال 1600 . العربية كانت بتسخن حتى مع تشغيل التكييف غيرت الراداتير يواحد فاليو الومنيوم وطقم الدبرياج بالكامل ومع زلك مازالت السخونة ولكن بنسبة أقل بعض الاصدقاء قالو ممكن جوان وش السلندر أوطلمبة المياه كيف يمكننى معرفة ايهما السبب واسف للاطالة وشكرا مقدما

سيدى الفاضل العربية لما تسخن اول حاجة نبصلها المراوح هل كل سرعات المراوح شغالة ولا لا
2دايرة تقليب المياه ودا يعنى طلمبة المياه
وما ينفعش التخمين لان كل حاجة وليها طريقة اختبارها
علشان حضرتك ما تصرفه فلوس فى غير محلها

[haithambob]

السيد المهندس المحترم فريد شوقي
كان عاندي استفسار واتمني ان حضرتك تفيدني .. انا اشتريت c3 pluriel ايزيترونيك 2005 العربية كانت مركونة بقالها كتيير ومشاورها ضعيفة جد عانلة 38000 كيلو الماتور مليان تراب بطريقة بشعة والفتيس اول ما بينقل علي التاني ينتش مرتين وبعد كده ينقل عادي ساعات وساعات يعني .. وانا حاسس ان العربية مش بالاداء المطلوب . كنت عاوز اعرف هل ده لية علاقة بديسك واسطوانة وامتي يتغيرو ولا بوجيهات خصوصا اني مش عارف اية الي يتغير في صيانه ال 40000 كيلو فياريت برضو حضرتك تقولي اية هي الصيانه الي المفروض اعملها واغسل الماتور ولا بلاش ؟
جزاك الله الف خير

[alprens]

اولا :شكرا على اهتمام حضرتك
ثانبا :المراوح بتشتغل كويس على السرعتين
ثالثا : لما افتح غطاء الراداتير الاقى المبه بتتقلب
رابعا : انا فى الوادى الجديد يعنى حوالى الف كيلو من القاهرة ومعندناش متخصصين فى الستروين
مرة تانية شكرا لحضرتك على الاهتمام

[FARID SHAWKY]

المشاركة الأصلية كتبت بواسطة alprens اولا :شكرا على اهتمام حضرتك ثانبا :المراوح بتشتغل كويس على السرعتين ثالثا : لما افتح غطاء الراداتير الاقى المبه بتتقلب رابعا : انا فى الوادى الجديد يعنى حوالى الف كيلو من القاهرة ومعندناش متخصصين فى الستروين مرة تانية شكرا لحضرتك على الاهتمام

شوف حضرتك دى أسباب ارتفاع درجة حرارة السيارة وحاول تختبر ال تقدر عليه
1 كاتينة الموتور مش مظبوطة
2 سدد فى الشكمان
3 سرعات المراوح
4 تقليب طلمبة المياه
5 سدد فى الردياتىر
6 تقل فى العجل نتيجة اى مشاكل فى الفرامل
7 الزوايا مش مظبوطة
8 طقم الدبرياج فى السيارات المانول أو تأخير نقل الغيارات فى السيارات الاتوماتك
9 نقص المياه أو الزيت
10 عدم ضبط خليط الهواء مع البنزين
11 تراكم الأتربة أو الطين فى مسام الردياتىر من الخارج
12 دخول كبس حريق على المياه ( جوان وش سلندر تالف)
دى تقريبا أسباب ارتفاع درجات الحرارة للسيارات وآل ممكن يستفيد منها اى حد عربيته بتسخن

[FARID SHAWKY]

المشاركة الأصلية كتبت بواسطة haithambob السيد المهندس المحترم فريد شوقي كان عاندي استفسار واتمني ان حضرتك تفيدني .. انا اشتريت c3 pluriel ايزيترونيك 2005 العربية كانت مركونة بقالها كتيير ومشاورها ضعيفة جد عانلة 38000 كيلو الماتور مليان تراب بطريقة بشعة والفتيس اول ما بينقل علي التاني ينتش مرتين وبعد كده ينقل عادي ساعات وساعات يعني .. وانا حاسس ان العربية مش بالاداء المطلوب . كنت عاوز اعرف هل ده لية علاقة بديسك واسطوانة وامتي يتغيرو ولا بوجيهات خصوصا اني مش عارف اية الي يتغير في صيانه ال 40000 كيلو فياريت برضو حضرتك تقولي اية هي الصيانه الي المفروض اعملها واغسل الماتور ولا بلاش ؟ جزاك الله الف خير

أولا ألف مبروك على العربية
بالنسبة لحضرتك مش ها ينفع تعمل صيانة الأربعين لان السيارة من كلام حضرتك كانت مركونة من غير استعمال فترة طويلة يعنى لازم تغير التالى
الكاتينة البوجيهات الفلاتر والزيت والكشف علا السيارة بالجهاز لتحديد عطل الفتيس