تقسيط السيارة من بنك ناصر الاجتماعي

[M.TONSY]

المشاركة الأصلية كتبت بواسطة nawwara اتذكر بردو ان الشراء من بنك ناصر من اسباب الحرمانية انه فيه طرف تالت فى البيع , والمفروض ان البيع يكون بين طرفين بس

مين اللى قال لحضرتك ان فى طرف تالت فى البيع
انا شارى من البنك العربية بعقد بين طرفين انا والبنك فقط مثل اى بنك لان المعرض بيقبض فلوسه مجرد ما استلم العربية ليس له علاقة طرفية فى الموضوع
وبعدين كل البنوك واحد حتى بنك فيصل بل يعتبر اسؤهم على الاطلاق فى قصة الفوايد والربا
كما ان مفتى الجمهورية احل الشراء من خلال البنوك كسلعة انما الحرام وهو القرض المالى النقدى والله اعلى واعلم

[hossamdoaaaa]

المشاركة الأصلية كتبت بواسطة Dr_Mostafa الحاله الوحيده التى لا يوجد بها حظر بيع ، هى أن تضع وديعه فى البنك بالمبلغ المتبقى من ثمن السياره بعد سداد المقدم

ويبقى جابت ايه من عندها ما اشتريها كاش واخلص من وجع الدماغ ده

[Dr_Mostafa]

المشاركة الأصلية كتبت بواسطة hossamdoaaaa ويبقى جابت ايه من عندها ما اشتريها كاش واخلص من وجع الدماغ ده

الوديعه هتاخد عليها فايده حوالى 10%
في حين انهم بياخدوا منك فايده 6% فقط للقسط

[nawwara]

المشاركة الأصلية كتبت بواسطة M.TONSY مين اللى قال لحضرتك ان فى طرف تالت فى البيع انا شارى من البنك العربية بعقد بين طرفين انا والبنك فقط مثل اى بنك لان المعرض بيقبض فلوسه مجرد ما استلم العربية ليس له علاقة طرفية فى الموضوع وبعدين كل البنوك واحد حتى بنك فيصل بل يعتبر اسؤهم على الاطلاق فى قصة الفوايد والربا كما ان مفتى الجمهورية احل الشراء من خلال البنوك كسلعة انما الحرام وهو القرض المالى النقدى والله اعلى واعلم

العربية اللى حضرتك بتستلمها , بتستلمها من المعرض ولا من البنك؟
لو البنك بيدفع للمعرض وحضرتك تستلم من المعرض وتسدد القسط للبنك يبقى كده فى طرف تالت وهو المعرض ويبقى كده دخل الموضوع فى الحرمانية
البنك مش بيتملك العربية بالكامل
الصح ان العربية تبقى فى حوزة البنك بالكامل وبعد كده يبيعها لحضرتك يبقى ساعتها البيع بين طرفين بس وده اللى بيعمله بنك فيصل , والله اعلم

[Dr_Mostafa]

المشاركة الأصلية كتبت بواسطة nawwara العربية اللى حضرتك بتستلمها , بتستلمها من المعرض ولا من البنك؟ لو البنك بيدفع للمعرض وحضرتك تستلم من المعرض وتسدد القسط للبنك يبقى كده فى طرف تالت وهو المعرض ويبقى كده دخل الموضوع فى الحرمانية البنك مش بيتملك العربية بالكامل الصح ان العربية تبقى فى حوزة البنك بالكامل وبعد كده يبيعها لحضرتك يبقى ساعتها البيع بين طرفين بس وده اللى بيعمله بنك فيصل , والله اعلم

يعنى لو استلمتها من البنك تبقى حلال ولو استلمتها من المعرض تبقى حرام ؟؟؟؟
دى إجراءات شكليه لا تحدد الحلال من الحرام
البنك لا يملك معرض لبيع السيارات ، وبالتالى بيشترى لك السياره اللى انت عاوزها
وعلشان يتأكد ان دى هى السياره اللى انت عاوزها ، البنك بيخليك تشترك فى عملية الاختيار والاستلام
لأن مش معقول بعد ما البنك يشترى لك السياره ، انت تقول لا ... مش دى اللى انا عاوزها

تحياتى