ما غيرتش الزيت بعد 1000 كيلو و نفسي اتطمن ان كل حاجة تمام!!!!!

[mr.lanos]

مساء الانوار علي المنتدي الرائع
انا معايا لانوس 2012 FO و عملت التليين بتاع الماتور لحد الما كويس يعني مقرصت اول 1000 كيلو خالص علي الغيارات و كنت هادي جدا في المطبات لغاية لما كل حاجة تتطبع و تاخد علي بعض
المهم المعرض ما قليش علي غيار الزيت بعد 1000 و قالي روح علطول علي صيانة ال5000 في التوكيل
و انا علي 3300 كده قولت اروح للمعرض اساله علي الضمان لاني لسه ما استلمتوش فقالي انت غيرت الزيت لانه لازم يتغير بعد الالف الاولي
فبلمت قدامه و قولت
المهم سبت المعرض و روحت سحبت الزيت القديم و حطيت موبيل 3000 وقولت كفاية 3000 لاني هاروح انشاء الله صيانة ال5000 و هانزل الزيت فيكون اشتغل 1500 تقريبا

المهم انا دلوقتي خايف يكون عدم تغيري للزيت يكون أثر علي الماتور مع العلم ان الراجل اللي غيري الزيت قالي الزيت عامل رغاوي كويسة و كده يبقي حالته كويسة و ماتحرقش

ملحوظه قبل ما اغير الزيت كان صوت المكنة نوعا ما بدأ يهدي لكن بعد التغيير رجع يعلي تاني ؟؟؟؟؟ مش عارف ده ليه ؟؟؟؟؟ مش المفروض الزيت يهدي الماكنة و يخلي صوتها احلي !!!!!!!!!!!!!!!!!!!

ارجوا الافادة لاني قلقان جدا

و بالمناسبة العربية مافيهاش انزار و لا ريموت
ياتري بيتركبوا في التوكيل بكااااااااااااااااااام ؟؟؟؟؟

لكم جزيل الشكر

[goudai]

ما تقلقش ان شاء الله مفيش حاجة حصلت

[memodina1]

ولا فية اى حاجة حصلت متقلقش انت تعرف انى الزين بتاع العربية كل الحكاية بيتغير عشان الماتور الجديد بينزل رابش حديد من الاحتكاك وغيرة والفلتر كمان بتاع الزيت بيتغير خد بالك لكن متقلقش ولا حاجة هتحصل ان شاء الله وسيبك من لااصوات الوقتى خالص لانى العربية تشوفها بعد ما تكمل 5000
وممكن انت تكون موهوم بالصوت مش اكتر

[mhamdy75]

طالما العربيه جديدة

يبقى التزم بمواعيد الصيانة

ولو حتى فى اى مركز خدمة

[asom_6]

المشاركة الأصلية كتبت بواسطة mr.lanos و انا علي 3300 كده قولت اروح للمعرض اساله علي الضمان لاني لسه ما استلمتوش فقالي انت غيرت الزيت لانه لازم يتغير بعد الالف الاولي

غريبة جداً حكاية المعرض بتاعك ده ... اللانوس بتنزل بزيت يمشيها 5000 كيلو وهتلاقى ده متوضح فى كتيب الضمان وكمان لو أنت كلمت الرقم المختصر 16424 وسألت على ميعاد اول صيانة وتغيير زيت هيقولك نفس الكلام ... أول غيار زيت على 5000 كيلو.

وعلى فكرة صوت العربية فى الأول هتحس أنه عالى جداً وهينعم تدريجياً مع الأستعمال بس نصحيتى ليك لما تغير زيت حط زيت تخليقى وبلاش زيت معدنى لأنه هيفرق معاك جداً بالنسبة لموتور العربية الزيرو وهيحافظ عليه والصوت هينعم خالص مقارنة بإستخدام الزيت المعدنى
((المعدنى زى موبيل xhp وده بيمشيك 3000 كم أما التخليقى زى موبيل وان وده بيمشيك 10000 كم))

الريموت والأنذار بعض التوكيلات بترفض تركبه والبعض الأخر بيوافق وعموما تكلفة الأنذار بالسنتر سعر شراء لنوع عالى الكفاءة بس بمميزات عادية زى وولف وسيمفونى = 180 جنية او اقل
وحدات رفع زجاج الوحدة بترفع زجاج بابين يعنى العربية محتاجة وحدتين لرفع الاربعة ابواب = 50 جنية لوحدة الرفع الواحدة لنوع تايوانى او كورى وبلااااااش صينى

بالنسبة للمصنعيات فى التوكيل ((فى حالة وافقوا يركبوهملك )) = 150 جنية تركيب انذار بالريموت وربطه بسنتر العربية + 50 جنية لوحدتين الرفع
بره طبعاً الأسعار اقل بكتير