الكهرباء مش ظابطة والعربية ماتت سريرياً

[eaglenest]

السلام عليكم ورحمة الله وبركاته .. ازيكم يا اخوان انا منشغل تماماً في الدراسة ارجو انكم تدعولي اتخرج بقا قولوا اميين

انا جيت اشغل العربية لانوس 2008 كاملة وهوبا لا لمبة بتشتغل ولا كلاكس ولا اي حاجة فقولت اكيد البطارية فصلت نزلت لقيتها مملحة كده فنظفتها وظبطتها بس لما شغل العربية لقيت الكهربا واطية فرحت للكهربائي قالي هكشفلك عليها بالكمبيوتر ..قولتله ماشي يا سيدي
لقيته بيقولي حساس التي بي اس (TBS ) ضعيف وهوه اللي مأثر على السحب والكهربا ولازم يتغير
بصراحة انا اول مرة اسمع عن الحساس ده يا ترى ممكن يكون هوه وله فيه حاجة تانية

[M.TONSY]

انا مش فاهم ايه علاقة الحساس بوطو الكهرباء !!!
المشكلة عندك يا فى البطارية يا قواطيش البطارية مملحة ومحتاجة تتغير
انما الى هو بيقوله ده اشتغالة

[mezat2020]

يوجد بالمنتدى موضوع شامل عن حساسات اللانوس مفيد جدا عليك عمل بحث عليك اختبار البطاريه ومرا جعه منظومه شحن البطاريه عند واحد شاطر وخلى بالك فيه واحد منهم كلفنى دينمو والسبب البطاريه كانت تالفه

[محمدصلاح القاضى]

انا مؤيد لرأى مستر تونسى
ولقطع الشك باليقين
هات بطاريه واحد جارك او صاحبك وجرب بيها بس قبل دا كله اغسل القواطيش بمايه سخنه وياريت لو تصنفرهم بليف سلك وجرب وان شاء الله تنظبط

[eaglenest]

أ،أ فعلا نظفت القواطيش كويس وسنفرتها تمام خلتها بتلمع يعني ,, والبطارية شغالة فل بس عداد الار بي ام عندي كان على السلانسيه بيبقى 1 دلوقتي اقل من ال1 بشوية كده .. والعربية الاول كانت لما بطلع بيها بسرعة كانت بتجري النهاردة جبت السرعة 90 بالعافية ومحستهاش قوية كده السحب فيه مشكلة

أ،ا أصلا مش مقتنع بحكاية الحساس دي .. هوه فيه مركز خدمة اسمه ابو شادي تقريبا هروحله اكشف عنده بالكمبيوتر تاني ونشوف اخرتها ايه