مؤشر عداد السرعات

[mody112]

السلام عليكم يا شباب
انا غيرت امبارح الفيشة بتاعت عداد السرعات لان العداد كان ابتدى يهيس ويعلق كمان وروحت للكهربائى وغيرنا الفيشة بتاعته وهى مكانها فى الموتور تحت الموبينه بشويه كده المهم لما غيرتها العداد اشتغل كويس ولكن لاحظت حاجه غريبه عاوز اخد رايكو فيها وهى ان قبل ما اغير الفيشة ولما كانت الفيشه القديمه شغاله كان عداد السرعه بيكون على 80 كم / س لما بكون على الغيار الثالث وRBM بيكون على 4 وبيكون على 50 لما بكون على الغيار التانى وRBM بيكون على 4 .
انما دلوقتى لما بكون على الغيار التانى وRBMعلى 4 عداد السرعه بيكون على 70-80 كم / س ولما بكون على الغيار الثالث بيكون عداد السرعه على 90-100 وRBM على 4
فهل ده كده فى خلل ولا الفيشه القديمه كانت بتدى قرايه خاطئه ولا الجديده هى اللى غلط .
وياريت لو تقولولى على عربياتكو على الغيار التانى بتجيب كام لما وRBMبيكون على 4 وعلى الغيار الثالث وهكذا وشكرا

[eng/walaaeldeen]

السلام عليكم

انشاء الله الحل بسيط شوف حد معرفة ليك وأتفق معاه انة يمشوى علي سرعه معينه علي غيار معين وعند وصوله علي السرعة المتفق عليها وانت وراه طبعا يعطيك اشاره ( ياريت يكون في طريق مفتوح ) وقارن السرعة و ال rpm مع سيارتك وكرر هذا في كذا غيار ومع أكثر من سرعة سوف تعرف هل العداد سليم ام لا
او أنك تروح لحد متخصص في العدادات
والله المستعان

[goudai]

انا مش بحاول اتك جامد على العربية فى الغيار التانى لكن فى التالت بتوصل 80 او قبلها درجة او درجتين 79,78

[mody112]

فعلا يا شباب انا مشيت جنب واحد صاحبى بعربيته وفعلا طلع العداد بيدى قرايه غلط وبعدين روحت لواحد بتاع عدادات وطلع العيب من الفيشه الجديده اللى لسه راكبه والله يخرب بيت قطع الغيار الصينى اللى بتدوخنا وراها وطبعا بدلتها بواحده اصليه وكله تمام الحمد لله.