حاجه غريبه حيرت الميكانيكيه

[كنتوش]

السلام عليكم ورحمة الله وبركاته
انا عربيتى بولونيز وفيها مشكله غريبه ظهرت مؤخرا وهى ان العربيه بتعتل مع الدواره الصبح وهى بارده وعملت كل حاجه غيرت طقم الكهربا بوجيهات وابلاتين وكوندنسر وصلحت المارش لكن لما اقلل الكهربا بتحريك الاسبراتير فى اتجاه عقارب الساعه يدور زى الفل من غير تعتيل لكن السحب ضعيف ولما ازود الكهربا عكس اتجاه الساعه العربيه سحبها يبقى تمام ولكن تعتيله فى الدواره واحترت انا واكتر من ميكانيكى ومش عارف ده من ايه هل ممكن من الموبينه مثلا يا ريت حد يفيدنى
وجزاكم الله خيرا

[tarek elbadry]

حضرتك انا كان عندى نفس المشكلة
غيرت البطارية والموبينة وطقم كهرباء كامل ابلتين وكندنسر وبوجيهات والاسلاك كمان ومرش جديد وعنلت صيانة للكربيراتير
وطلع العيب فى قواطيش البطارية كانو بيظين انا غيرتهم بنفسى ومن سا عيتها العربية مشاء الله بتدور من اول مرة حتى لو بقلها اسبوع واقفة فى الجراج انا عربيتى فيات ريتمو جرب ومش ها تخصر حاجة

[Egy News]

قيس قدره البطاريه و المارش
لان غالبا المشكله في واحد منهم

[ايمن عبدالحميد]

المشاركة الأصلية كتبت بواسطة tarek elbadry حضرتك انا كان عندى نفس المشكلة غيرت البطارية والموبينة وطقم كهرباء كامل ابلتين وكندنسر وبوجيهات والاسلاك كمان ومرش جديد وعنلت صيانة للكربيراتير وطلع العيب فى قواطيش البطارية كانو بيظين انا غيرتهم بنفسى ومن سا عيتها العربية مشاء الله بتدور من اول مرة حتى لو بقلها اسبوع واقفة فى الجراج انا عربيتى فيات ريتمو جرب ومش ها تخصر حاجة

تمام فعلا هى دى المشكلة عندة يبقى نبتدى بمقاس شحن الدينامو ثم مقاس البطارية اذا كانت غير جافة ثم تحويل الدينامو الى كتاوت داخلى يبقى كلة ان شاء الله تمام ، والله البولونيز وحشتنى كانت اول بختى فى العربيات الله يسامحة اللى اشترهالى ههههههههه

[كنتوش]

لا هو حضرتك فيه حاجه فى الكهربا والسبب ايه انى وهى بارده لما بلف الاسبراتير بتدور كويس والمارش بيلف سريع ما شاء الله لكن السحب بيبقى ضعييف وكمان حتى وهو بيعتل التعتيله مش تعتيلة كهربا من بطاريه لان الكهربا لما بتكون طالعه للمارش كويس بيعتل تعتيل شديد لكن الموتور ما بيلقطش وبرضه هجرب كده لكن اكيد فيه حاجه تانيه