مشكلة جننتنى وخلت الميكانيكية تشتغلنى صح

[aymanlaw]

المشاركة الأصلية كتبت بواسطة علاء الدين مطاوع حسب معلوماتى البسيطة العربية الدايو جر امامى يعنى مفيهاش كرونة وتقبل تحياتى

كلام حضرتك تمام ,مفيش عربية دايو بعها كرونه لأنهم جميعاً جر امامى يعنى على كبالن

[M.TONSY]

المشاركة الأصلية كتبت بواسطة moustafa.peace بس يا باشا هى ممكن تكون جابت كرونة .... ودية تقدر تكتشفها انك تطلع على طريق سريع وتعدى ال 100 وتود وتهدى لو سمعت الصوت ده اكتر من مرة يبقى الكرونة اتحرقت وعاوز تتغير وبرضوا خد بنصايح الاعضاء

طبعا مفيش كرونة بصفة عامة فى الجر الامامى
وبالنسبة للونة دى من الفتيس علشان حضرتك ممكن تكون مشيت عليه بعد مالزيت نزل فحصلت الونة دى وتقريبا بالنسبة لكلام حضرتك انك بتسمعها على سرعة 80 فكدة المشكلة عندك فى ترس الغيار التالت وممكن تمشى حالك شوية بالفتيس وتبقى تغيره بعدين لانه غالى شوية بيعمل 2500ج وهيدوخك حبتين عقبال متلاقيه لانه مش موجود منه كتير وبعدين معظم فتيسات اللانوس الاوتوماتيك بيبقى فيه عيوب فنية وما انصحكش بتصليحه لانه مستحيل ومكلف ولو اتفتح هيرجع بعيوب اكتر من الاول ... وربنا معاك

[smousalim]

سؤال لحضرتك هو انت جبت الكرتيرة منين و بكام علشان الكارتيرة عندى اتخبطت وعاوز اغيرها

[mohamed ibiza]

المشاركة الأصلية كتبت بواسطة elshafey واحد قالى لو بلى عجل هيظهر معاك على طوووووول وفى اى سرعه وانت ماشى !!! انما الصوت ده بيظهر بمزاجه وعند سرعات محددة زى ما ذكرت وبعدين بيختفى فوق سرعه 100 ولو هديت بيرجع تانى وفى واحد ميكانيكى مره قالى ان الزيت عندك ناقص بتاع الفتيس وزودته وبردك الصوت موجود هشوف رد باقى الاعضاء وان شاء الله اعمل بنصحتك واروح للميكانيكى اللى حضرتك ذكرته لعلى وعسى يعرف الحل وشكرا لحضرتك

والله يا باشا مش شرط بلي العجل عندي كان بيعمل صوت متقطع يظهر في سرعات و سرعات لا و كنت بغير البلي و الصوت بيروح تماما عموما ان شاء الله تطلع حاجة بسيطة و لا شكر علي واجب يا باشا

[elshafey]

المشاركة الأصلية كتبت بواسطة smousalim سؤال لحضرتك هو انت جبت الكرتيرة منين و بكام علشان الكارتيرة عندى اتخبطت وعاوز اغيرها

جبتها من الحرفيين لفيت عليها هناك لحد لما واحد دلنى على محل متخصص فى بيع حاجة الفتيس الانوس الاتوماتيك
هدورلك على عنوانه ورقم تليفونه واجبهملك
جبتها هى والجوان والفلتر المغنطيس ب200ج