مشكلة جننتنى وخلت الميكانيكية تشتغلنى صح

[elshafey]

السلام عليكم
انا معايا لانوس 99 اوتو
المهم كانت العربية اتخبطت من تحت وصفت زيت الفتيس بالكامل والكرتيرة اتخرمت
غيرت الكرتيرة وحطيت زيت فتيس موبيل ومشيت وتمام
وبعد فترة طويلة ظهر صوت ونة جامده قوووووووووى
احترت فى تشخصها وكل الميكانيكة تقريبا اشتغلونى فيها
واحد يقولى بلى عجل
واحد يقولى بلى كاتينة
واحد يقولى ده الفتيس
وعملت اللى ما اتعملش والصوت مرة يروح ويرجع بمزاجه !
المهم اخر حاجه واحد قالى ده من الفتيس
مع العلم
الصوت مش بيظهر الا مابين سرعة 70 الى 90 وبعدين بيختفى لوحده ومش بيظهر باستمرار شغال بمزاجه مرة اه وعشرة لا وكمان لو ظهر مش بيظهر الا مع بداية المشى وبعد كده بيختفى
بالله عليكم حد يقدر يشخصلى المشكلة لانى مش عارف بجد وكل الميكانيكة الله يخرب بيتهم اشتغلونى جامد مش عارف اعمل ايه والصوت مضيقنى قوووى
ولو كان المشكلة فى الفتيس اروح لمين وسعر الفتيس الاستراد بكام؟

[احمد على 1999]

طيب اللى قالك بلى عجل و اللى قالك بلية كاتينة ..... هل غيرت حاجة من دول ؟
و لو افترضنا انه فتيس هل حضرتك مستعد تغيره دلوقتى بالرغم انه طبيعى عدا موضوع الونة ؟

هل جربت لما الونة تظهر تجيب الفتيس على N ؟

[walidelmorsi]

اعتقد انك لازم تكشف على جميع القواعد قاعدة الماتور والفتيس وكاوتش البار الامامى والمقصات
والله اعلم وارجو ان تصل الى الحل

[Hisham.Elgazzar]

حضرتك إكشف على الفتيس عند واحد متخصص وهو يقول تغيرة ولا لأ
وممكن ترفع العجل اللى قدام وترفع فرامل اليد وتدى العربية الغيار الرابع وتخلى العجل يلف فى الهوا هيبان معاك الدوشة بتيجى منين
تقبلوا مرورى

[moustafa.peace]

بس يا باشا هى ممكن تكون جابت كرونة .... ودية تقدر تكتشفها انك تطلع على طريق سريع وتعدى ال 100 وتود وتهدى لو سمعت الصوت ده اكتر من مرة يبقى الكرونة اتحرقت وعاوز تتغير وبرضوا خد بنصايح الاعضاء