جبت لانوس 2011 بقالى يومين وعندى اسأله كتير

[cyber007]

سؤال كمان اكتشتفه
المرايا الشمال عاديه مش محدبه او مقعره اللى هيا بتبعد الصورة زى اليمين دا عادى ؟؟ ولو عادى هل ممكن تتغير لانها ممله جدا !!
بعد ما شلت اللزق اللى كان على العربية لقيت حته صغيره كده فى طرف الكبوت لونها مغمق شويه وتحت الورنيش زى هيا مسيله كده اللى بيغسل قالى تتشال ببوليش دى ايه ظرفها بتحصل والا دى وحمه والا عين والا اييييه كده الواحد قرب يتعقد

[MOTOR HEAD]

ربنا يكون فى عونك ياباشا

[cyber007]

شده وتزول بأذن الله
محدش معاه لانوس يا جماعه يفيدنا ، انا اساسا اتجاهى دايما للمشاكل ياعنى مستنى للعربية على الواحده فى 44 مشكله فى دماغى بس هكتبهم شويه بشويه كده

[morsika]

انا معايا العربية من حوالى شهر عملت 700 كم و اللى انا مقتنع به ان الكمال لله وحده فأى حاجة من صنع الانسان لازم حيطلع فيها مشاكل بس الفكرة بتكون فى حجم المشكلة .. يعنى فى حاجات ما ينفعش يتسكت عليها .. لكن الواحد لو حط فى دماغة ان هو يداور على المشاكل مش حيرتاح ابدا و الموضوع حيبقى وسواس و فى الاخر انت اللى حتكره العربية و مش حتحب تركبها تانى . ربنا يباركلك فيها و تجيب اللى احسن منها ان شاء الله

[dr_maged]

المشاركة الأصلية كتبت بواسطة morsika انا معايا العربية من حوالى شهر عملت 700 كم و اللى انا مقتنع به ان الكمال لله وحده فأى حاجة من صنع الانسان لازم حيطلع فيها مشاكل بس الفكرة بتكون فى حجم المشكلة .. يعنى فى حاجات ما ينفعش يتسكت عليها .. لكن الواحد لو حط فى دماغة ان هو يداور على المشاكل مش حيرتاح ابدا و الموضوع حيبقى وسواس و فى الاخر انت اللى حتكره العربية و مش حتحب تركبها تانى . ربنا يباركلك فيها و تجيب اللى احسن منها ان شاء الله

صح الكلام انا اول ما جبتها كنت عمال اركز مع العيوب ةاية بيطلع صوت وصوت الماتور وكنت ساعات والله ميكروباص يعدى جنبى فى صوت تصفير ولا حاجة اقول دا عندى انا واهدى بالعربية علشان اركز واسمع الصوت تانى

وبعد كدة بدأت اكبر دماغى دى عربية جديدة يعنى هيكون فيها اية ولو فيها حاجة المفروض انه فى ضمان وحماية مستهلك لو حصل حاجة هفضل وراهم لحد ما اغيره العربية لو حصلت وبدأت ما اسمعش حاجة ودا اللى عاوزك تعملة ولو عاوز تطمن اعمل زى ما انا ناوى خد العربية لبنزينة ولا حد محترم يكشف عليها ويرفعها وفهمة انها جديدة وانت شاكك فى اية وان شاء الله مش هتلاقى حاجة ولو لاقيت اطلع على التوكيل قلهم يغيروه الحتة الفلانية

وربنا يكفينا شرها

بالنسبة للتظبيط انا مش من هواياتى العب فى الشكل الخارجى لكن ممكن من جوه تحط فرش جلد وارضية وممكن ستارة لل زجاج الخلفى حاجات من دى يعنى