اى سؤال بخصوص اوبل

[NAVY1180]

شوف بقى يا ريس انا هتقل عليك شوية انا بصراحة زهقت من الكوري وعاوز فيكترا موديل بعد 97
1- انت بتقول ان احسن موديلات في الاوبل 95- 97 يعني نهاية الشكل القديم وبداية الشكل الجديد طيب تمام اية عيوب باقي الموديلات لغاية 2003 او الميزه في 97 عن الباقين
2- انا عاوز عربية 1600 علشان الاستهلاك دي بتعمل كام في الصفيحة
3- بيمشي معاها البنزين الــ 80 ولا لازم 90
4- اسمع عن مشاكل خرارة في العربية من الناس ازاي اتجنب الموضوع دة عند الشراء وازاي اتعامل معاها لو ظهرت
5- اسمع ان التكييف ضعيف دي اشاعة ولا اية الموضوع
6- هل اسعار 97 او 98 زي ما ترشح لي الموديل في حدود كام وهل هناك منها عربيات سليمة 100قي المية وياريت تدلني على مكان اشتري منة
7- لو عندك اي اضافات اشكرك كثيرا عليها وعلى كرمك وسعة صدرك

[tefa_king1]

المشاركة الأصلية كتبت بواسطة NAVY1180 شوف بقى يا ريس انا هتقل عليك شوية انا بصراحة زهقت من الكوري وعاوز فيكترا موديل بعد 97

المشاركة الأصلية كتبت بواسطة NAVY1180 1- انت بتقول ان احسن موديلات في الاوبل 95- 97 يعني نهاية الشكل القديم وبداية الشكل الجديد طيب تمام اية عيوب باقي الموديلات لغاية 2003 او الميزه في 97 عن الباقين 2- انا عاوز عربية 1600 علشان الاستهلاك دي بتعمل كام في الصفيحة 3- بيمشي معاها البنزين الــ 80 ولا لازم 90 4- اسمع عن مشاكل خرارة في العربية من الناس ازاي اتجنب الموضوع دة عند الشراء وازاي اتعامل معاها لو ظهرت 5- اسمع ان التكييف ضعيف دي اشاعة ولا اية الموضوع 6- هل اسعار 97 او 98 زي ما ترشح لي الموديل في حدود كام وهل هناك منها عربيات سليمة 100قي المية وياريت تدلني على مكان اشتري منة 7- لو عندك اي اضافات اشكرك كثيرا عليها وعلى كرمك وسعة صدرك

اهلا بحضرتك معانا
1- عشان التكنولوجيا بتزيد في العربية وبيكون في مشكل فالحاساست ومشكل عادية مش قضية يعني
2- يعني في حدود 180-200 كيلو
3- في ناس بيتقل أنه ينفع بس ده مش صح غلط على العربية يا باشا خليك في المضمون يعني
4-المشاكل ده عند الناس اللي مش مهتمة بدورة التبريد في العربية وغالبا الردريتر بيكون عايز يغير ومجرد مايتغر المشكلة بتخلص خالص
5-لو عندك العربية فيها مشاكل في الحرارة طبيعي التكيف مايكونش كويس بس هو قوي ما شاء الله يعني ده نقول أنه كلام غلط ان التكيف وحش
6- ياباشا الاسعار في السوق ومجرد متلقي واحدة حالتها كويسة ماتتردديش وكمان لو لقت موتور eco tec هاتها عشان بيكون أقوى وموفر في البنزين وأكل تلوث للبيئة
7- الفيكترة عربية جميلة وقطع غيرها غليا شوية بس بتعيش وبيترياحك أوي في السفر وعربية حمالت اسياه ومتسمعش كلام حد يقولك قطع غيرها نار حاجتها مترمية في الحرفين وموجودة ومش غليا زي ماال ناس بيتقول وكفاية انها المعني 8- لو في أي حاجة أنا تحت امر حضرتك وياريت تفضل معانا في المنتدى واهلا بيك مرة تانية

[NAVY1180]

انا اشكرك كثيرا لآنك طمنتي وارجو ان تقبلني صديق لك دائم وربنا يخليك لنا ونعرف نرد جمايلك دي

[omardivel2005]

يا جماعة امبارع مشيت مشوار 35 كيلو على سرعة 100/140 وبعد كدة دخات بنزينة احط بنزين لقيت الراجل بيندهلى بقولى ان فى دخان طالع من التانك ودة شئ غريب حد عندو فكرة عن الموضوع دة وهل هوة طبيعى ولا لأ مع العلم ان العربية اوبل كورسا hatchback

[tananybasha]

لأ انا عندى لما افتح التانك بيطلع ضغط هوا مش عارف من ايه