عاوز اعرف رايكم في فولكس بوينتر

[kassar]

عاوز اعرف رايكم في فولكس بوينتر كل حاجه وخصوصا قطع الغيار اسعارها ايه تقريبا يعني اكتر من الدايو بكام مثلا

[ahmed_fawzy0]

العربية ده الأراء فيها اختلفت كتير بس اللي أقدر أقوله انا العربية ده معايا بقالها سنة تقريبا بصراحة بسم الله ما شاء الله العربية مريحاني موتور محترم ما يتقارنش غير مع العربيات الألماني - عربيتي موديل 2005 1600CC وبركب عربية تانية لانوس 2012 الفرق بين الاتنين مش قادر أوصفه فى سرعة التجميع والسحب (البوينتر تكسب بسهولة) قطع غيارها متوافرة فى التوفيقية عند البطل و عبد المسيح سلامه وأولاد فتح الباب - بس عايز قطعة الغيار الصح من التوكيل أغلى وممكن يوصل الفرق للضعف بس تركبها وتنساها بس ما تركبهاش فى التوكيل حينفخوك

بالنسبة لأسعار قطع الغيار على ما أعتقد ما تختلفش كتير عن أسعار العربيات الجديده الكوري

[alphronkjk]

المشاركة الأصلية كتبت بواسطة ahmed_fawzy0 العربية ده الأراء فيها اختلفت كتير بس اللي أقدر أقوله انا العربية ده معايا بقالها سنة تقريبا بصراحة بسم الله ما شاء الله العربية مريحاني موتور محترم ما يتقارنش غير مع العربيات الألماني - عربيتي موديل 2005 1600CC وبركب عربية تانية لانوس 2012 الفرق بين الاتنين مش قادر أوصفه فى سرعة التجميع والسحب (البوينتر تكسب بسهولة) قطع غيارها متوافرة فى التوفيقية عند البطل و عبد المسيح سلامه وأولاد فتح الباب - بس عايز قطعة الغيار الصح من التوكيل أغلى وممكن يوصل الفرق للضعف بس تركبها وتنساها بس ما تركبهاش فى التوكيل حينفخوك بالنسبة لأسعار قطع الغيار على ما أعتقد ما تختلفش كتير عن أسعار العربيات الجديده الكوري

طب حضرتك الصراحه انا احترت ناس بتاكد ليا ان العربيه ده ملهاش قطع غيار خالص و نادره و ليقت مواضيع كتير و انا ما بقتش عارف و مشكلتي انا معنديش خبره في العربيات و بقيت خايف فايه راي حضرتك و معلش فيه عربيه النوع ده برضه 2005 و ب 47000 الف فايه و اسف للاطاله جدا شكرا

[medo2013]

كنت أبحث عن معلومات عن السيارة سمارت الألمانيه وسعرها فى مصروماهو الوكيل هنا...ووجدت سؤال عن بوينتر..ومع أنى منذ فترة لم أسجل فى منتدى لكن أردت أن أشارك بخبرتى عن هذه السيارة..
بوينتر هى الإسم الجديد للموديل العريق جول وهى سيارة من عائله فولكس فاجن وتنتج أصلا فى مصانع فولكس فى البرازيل وتنزل فيها وفى الأرجنتين أساسا..وهو موديل أنتج من تقريبا 1978 تحت إسم جول.. إذن هى خامات ألمانيه وتجمع فى البرازيل.. السيارة صممت لتكون ذات خامات إقتصاديه ولذلك تجدها ذات سعر معقول جدااا فى البرازيل والأرجنتين ..فهى تعتبر بحق سيارة الشعب وتجدها مناسبه للإمكانيات الماديه للكثيرين هناك...إذن هى ليست سيارة فخمة الإمكانيات أوالخامات..لكنها جيدة المستوى...
دخلت مصر أعتقد سنه 2003 تحت إسم جول..فئه 1000 سى سى..ثم نزلت من سنه 2004 تحت الأسم التجارى الجديد بوينتر نفس الفئه... وفى سنه 2005 وهو موديلى نزلت نفس الفئه لكن مع تعديل بسيط بالشكل... وفى نفس السنه نزلت فئه 1600 سى سى .. ونزلت سياره فان نفس الشكل لكن تحت إسم بارتى...
سعر بوينتر أول مانزلت كانت فى أوائل 60 ألف لفئه 1000 سى سى ...ثم وصلت حاليا للسبعينات ...
السياره جيده المستوى فأنت فى أخر الأمر تركب سيارة ألمانيه من شركه عريقه..وفى مصر لايعرفها الكثير ويعتقد أنها جولف أو بولو ... مرتفعه عن الأرض ومعقوله الأمكانيات ..باور وتكييف جيد وزجاج كهربائى للأربع أبواب ومثبت سرعه وفرامل مانعه للإنزلاق..
عيوبها: الصاج ضعيف.. فحتى الصينى أقوى منها فى الصاج... فبسهوله أقل خبطه تظهر فيها..فكما قلنا هى سيارة إقتصاديه .... السيارة تسخن بسرعه لكن هذا لايؤثر على أى شيىء سوى أنك تسمع صوت المروحه عاليا فى حاله وقوف السياره...إستهلاكها كبير للبنزين وهذه سمه الألمانى عامه..إذن هى ليست موفرة للبنزين ..
قطع الغيار فى المحافظات نادرة لكنها فى محلات معينه فى القاهرة موجوده لكن ليست بوفرة...
بإختصار::
السيارة جيدة المستوى وعمليه وذات مظهر فخم خصوصا اللون الرصاصى ( الفيرانى)والفضى..وتصلح للمشاوير العاديه ولو كانت هذه السيارة الأولى فى حياتك فهو أختيار جيد...
لكن لو كنت من أصحاب إستعمال السيارة كثيرا وفى كل وقت ولكل أنواع الأستخدامات والمشاوير المرهقه والطويله ..فهى سيارة ليست مصممه لهذا الأداء...
سعر المستعمل حسب حالتها وتبدأ من 40 ألف ...
هذا كل شيىء عن السيارة ..ودعواتكم بظهر الغيب,,

[cmatcho]

خليك في العربيات المضمونه اللي ماتتعبش في صيانتها