الى رجال المنتدى سؤال عن كمبرسور التكييف

[Eng/salwa]

المشاركة الأصلية كتبت بواسطة eslamsamer ممكن يا جدعان حد ابن حلال يقوللى العنوان و الاسم التفصيلى لحد بتاع قواعد تكييف عشان الكومبرسور عندى متغير بكمبرسور غير الاصلى و محتاج حد بتاع قواعد يضبطه عشان يوازى طنابير الدينامو و الباور!!! اهم حاجة يا جدعان بتاع قواعد مش مجرد حد بتاع تكييفات و خلاص.

قال رسول الله صلى الله عليه و سلم
(لا يكب الناس على وجوهم فى النار الا حصائد ألسنتهم )

(والتمس لأخيك سبعين عذر) ده لو سألت ولم يرد احد

وبصراحة انا ارى ان المنتدى لا يبخل احد على اخيه بنصيحة او استشارة
وهل كتبت قبل هذا موضوع وسألت فيه عن شئ و لم يرد عليك احد

ياريت كلنا نطبق
(وكونوا عباد الله اخوانا )
ونطلب المساعده من بعضنا البعض بصبر والاسلوب العفيف الجميل
وان كنت برضة ممكن تكون معذور ولك ظروفك بس نحاول

اللهم يسر لك أمرك ويوفقك لما تطلب و يبارك لك



وأقترح عليك أحد العناوين
(أفيدونى أفادكم الله ) ( الى أسود مصر موتورز ) لو عاوز عنوان يشد للقراءة مثلا

وارجو ان تتقبل كلام اخت او ربما أم لك و لا تتضايق

[طارق ابوذيد]

المشاركة الأصلية كتبت بواسطة Eng/salwa قال رسول الله صلى الله عليه و سلم (لا يكب الناس على وجوهم فى النار الا حصائد ألسنتهم ) (والتمس لأخيك سبعين عذر) ده لو سألت ولم يرد احد وبصراحة انا ارى ان المنتدى لا يبخل احد على اخيه بنصيحة او استشارة وهل كتبت قبل هذا موضوع وسألت فيه عن شئ و لم يرد عليك احد ياريت كلنا نطبق (وكونوا عباد الله اخوانا ) ونطلب المساعده من بعضنا البعض بصبر والاسلوب العفيف الجميل وان كنت برضة ممكن تكون معذور ولك ظروفك بس نحاول اللهم يسر لك أمرك ويوفقك لما تطلب و يبارك لك

الله يفتح عليك صدقت فيما قلت .
وللعلم كل عضو كان يريد المشاركه بعد قرائه للعنوان الصادم يخرج من الموضوع بدون اى مشاركه .

[.EhAb]

يا عمنا انت عايز اى حد يرد عليك و خلاص و لا عايز الناس الفاهمة هى اللى ترد عليك. او الناس المجربة موضوع زى اللى بتسال فيه. علشان انت تستفيد و غيرك يستفيد

[soltanfriend]

عنوان غريب بصراحة !!!!!

[miam0502788391]

أخى الكريم
لو حضرتك زعلان من المنتدى ان محدش رد عليك من موضوع سابق ربما كنت حضرتك عامله, لكن دى مش طريقة انك تخاطب الاعضاء بهذا الاسلوب , على رأى المثل حسنة وانا سيدك
على العموم انا برضه لا اعرف اى حد بتاع قواعد وربنا يوفقك وتتحل مشكلتك