#1
|
|||
|
|||
الماذا فضلت اللانوس على الفيرنا
اولا احب اعرفكم بنفسي انا موظف حكومى على قد حالي بدات حياتى مع العربيات بلا 128 زاستافا ووريتنى الويل بعد اما اتفتح الشاسية بيا وانا ماشي على الدائري وكنت هنزل تحت مقطورة
ثم بعتها باول سعر جالها بعديها اشتريت 132 بحالة جيدة جدا ولكن اللى بحالة جيدة بالنسبة لواحد ممكن يكون وحش بالنسبة للتاني فقعدت اشد فيها واغير كل حاجة مستعملة لغاية ما نحلت وبري زي ما بيقولو واخر المتمة بعتها وبرضة خسرت فيها وحرمت اشترى مستعمل تاني ويغور ندخل بقى في الموضوع فكرت في عربيتين ملهمش تالت الفيرنا واللانوس وهاريحكو وادخل معاهم كل اللى تحبوه اولا لا للوجان لسبب بسيط قطع الغيار سواء انتشرت ام لا ستكون اسعارها غالية وكعاده الرينو بيخسر كتير في البيع في نصيحة من زميل في المنتدى بيقول اشتري ليك وللسوق دي اللوجان اما الساجا فعربية مافيهاش غلطة ولكن فيها توكيل مصيبة بيبعلك العربية ويبيعك معها اما المقارنة الحقيقة فكلكو عارفين مميزات وعيوب الفيرنا واللانوس اية بقي اللى رجح كفىة اللانوس عندي اولا رحت للتوكيل اشوفها فرقت عن الفيرنا ككامليات فوانيس شبورة ومراية كهربا لكن فية حاجة تانية الناس مش واخدة بالها منها اية وده على سبيل المثال الشيفرولية لما حبت تحط كاسيت في العربية حطت كين وود الفيرنا رود ستار الكاوتش بتاع اللانوس كومهو /بيريلي في الفيرنا نسر وهاتغيره يعنى هاتغيرة المقصود ممكن يكون الاثنين بيسترخصوا في المواد وده بيبان في الخامات لكن على الاقل الانوس متدنيش العربية وبتقولى وهية زيرو روح غير وشيل وحط في بعض المميزات الاخرى كان فية بعض الزملاء بيقولو ان التارة بتاعت اللانوس فيها لوحة شمال انا عاينت العربية في التوكيل ملقتش العيب ده لكن في المعرض اه بالنسبة للركوب الصالون فعلا واسع غير الفيرنا لكن الشنطة تنفع اسرة بس برضة الفيرنا اوسع في الشنطة وارجو من كل اللى بيقول الفيرنا ضيقة ورا ياريت يقعد قدام وورا ويقولى هية من قدام واسعة يمكن انا ما بشوفش الثبات اللانوس ركبتها لوحدى وجبت بيها 120 ثابته الفيرنا ركبتها وكان معايا اثلاثة وجبت بيها 120 وكانت ثابته (على فكرة انا ده اخرى ) الاساس في الاختيار موتور اللانوس بيعمر على 300 اما الفيرنا من 250 الى 300 وممكن اقل من ال200 الخلاصة انا لقيت ان ممكن اتنازل عن شكل العدادات الرخمة في اللانوس والشكل القديم مقابل عربية تعيش فترة اطول ولما ابيعا مخسرش كتير اسف للاطالة |
#2
|
|||
|
|||
رد: الماذا فضلت اللانوس على الفيرنا
والله هوا ده كلام العقل وربنا يبارك لك فى عربيتك
__________________
الأحراريبكوا شهدائهم ...والعبيد يبكوا جلاديهم |
#3
|
|||
|
|||
رد: الماذا فضلت اللانوس على الفيرنا
موضوع مميز شكرا ليك
|
#4
|
|||
|
|||
رد: الماذا فضلت اللانوس على الفيرنا
الف مبروووووووووووك
|
#5
|
|||
|
|||
رد: الماذا فضلت اللانوس على الفيرنا
الف مبروك يا باشا وربنا يباركلك فيها ويكفيك شر الطريق واهم حاجة المحافظة على العربية لانى بعتبر العربية دى كانك بتربى حاجة عندى دة على سبيل المثال كل ما تراعيها وتحافظ عليها اول بأول والكشف على كل ما فيها العربية بعون الله حتعمر بس معلش هو فى تصحيح فى الجملة دى تقصد التلين عند 300 الف كيلو هو دة المقصود ولا اية
|
|
|