رد: حرقان فى اعلى الركبه الشمال
الموضوع مش محتاج دكتور عظام
دي مشكلة فقرات زي مقال دكتور مرسيدس
وانا بعاني منها بقالي فترة
وروحت لدكتور مخ واعصاب وكتبلي على 3 ادوية فيتامين ب وواحد تاني لأعادة بناء الغضاريف ومسكن ، وطبعا معاهم زنتاك او رانتيدين علشان المعده بس توقفت عن العلاج لان المعدة تعبتني كتير ودواء بتاع الغضاريف مكتوب فيه تحذيرات للمعدة
بعد كده روحتله قالي هعملك عمليه وانا من المناظر اللي شوفتها بقيت محتار اروح اعمل عملية وانا في البدايات وممكن نجاحها يكون افضل والا استني لما يبقى الوضع ميؤوس منه واعملها في النهايات واتحمل الخطورة
والا امارس رياضه خفيفة وتدريب علاج طبيعي
على فكرة انا لسه معملتش الرنين احتمال بعد العيد اروح اعمل علشان الدكتور يقرر خصوصا ان عندي مشكلتين
الاولى في الفقرات العنقية وبتنمل معايا اليد الشمال وبيصب التنميل والالم في الصوابع الخنصر والبنصر ( الصغير واللي جنبه )
والتانية في الرجل مع الم اسفل الظهر والم الرجل الشمال من قدام ألم بحرقان شديد وفيه وقت بكون هصوت منه
وكنت سمعت من فترة عن دكتور اسمه الياس سليم بيعمل مادة شبيها من الغضروف وبيحقنها في اماكن الضرر لكن معرفش مدي جودتها ومدي صحة الكلام ده يا ريت تفيدنا يا دكتور
__________________
إن العين لتدمع وإن القلب ليحزن وإنا على فراقك يا خالد لمحزونون ولا نقول إلا ما يرضي ربنا إنا لله و إنا إليه راجعون
|
11-09-2010, 01:44 AM
