ياريت حد يساعد الجولف دي

[ashwa]

64 مشاهده ومفيش اى حد فادنى
ايه يأهل الخبرة فينكواااااااااااا

[mohamed ibiza]

ممكن تجيب طرمبه الباور و علبة دركسيون باور بالبارات بتاعت الجولف 2 يعني الباور كامل بس هيكلفك في حدود 1500 احسن تسقط مكنة كاملة بالباور

اكصدامات ممكن تركب بتوع الجولف 2 gti لو شاسيه الاكصدام بتاعك نفس بتاعها هيركب عادي يا اما هتجيب الاكصدام بالشاسيه بتاعه

توطيه العربية ممكن تجيب سوست سبور بتوع جولف 2gti بيوطوها 4سم من ورا و 10 من ادام بس هتبقي علي الارض جامد يا اما تقص حلقات من السوست بتاعتك عند عفشجي كويس

زينون بسيطه يا اما طقم زينون عالي او طقم زينون واطي بيعمل في حدود 350-400 جنيه و الواطي و العالي مع بعض بيعمل 600 و الماركاتbosch-hid و كله صيني حتي لو مكتوب عليه الماني

الرينجات بتروح لاي محل من محلات الاكسسوارات و تشوف ممكن يركب في فانوسك كام رينج اعتقد عندك هيركب رينج واحد كبير بيبقي في حدود 70-80 جنيه و الفانوس بيتفك من بعضه و يركب الرينج و يقفل الفانوس تاني

رش ميتاليك دي يفتيك فيها بوهيجي بس لو عملتها هتضطر تغير اللون في الرخصه

[ashwa]

انا متشكر جدا لتعاون حضرتك
كده تمام اوى ان شاء الله هبتدى واحده واحده فيها
بس انا حاسس ان 3000 خيسعو معايا بس ربنا يكرم
والف شكر مرة تانيه

[AbOnOrA]

المشاركة الأصلية كتبت بواسطة ashwa لا مش تعديلات ميكانيكيه انا طالب تعديلات visual وكانت طلباتى باينه فى اول الموضوع عايز اعرف كل حاجه انا طلبتها ممكن تتعمل فين وازاى وتقريبا هتتكلف كام؟؟؟؟؟؟؟؟؟ وخصوصا حته الباور بيركب على اى عربيه ؟ ياريت تفيدنى صح الله يكرمك محتاج تفاصيل الخمس طلبات ptmnlo123per1106 1- اكصدامات 2- توطيه العربيه (ولو فى فرق بين توطيه العربيه وتسقيطها قولى لانى معرفش بصراحه ) 3- رش ميتالك ( تداخل الوان ) 4- زينون ورينجات مع تغير الفوانيس الخلفيه 5- باور ستيرنج وشكرا جزيلااااااااا

طبعاً محمد قال كل حاجة ومتابع معاك من الاول فمحدش ينفع يرد قبليه ولا بعديه لانه اكترنا خبرة فى العائلة الفولكسية كلها

بس حبيت اوضح شوية نقط مع حضرتك

اولاً بما انك عايز فيجوال ابجريد يبقى الافضل تعمل بدى كيت كاملة فممكن تروح الحرفيين وتخلى بتاع الفيبر يصبلك الاكصدامين بالشكل اللى تختاره ويعملك جوز عتب وممكن هوايات كمان بس الكلام ده ممكن يخش فى 800 جنية








ثانياً بالنسبة لتهبيط العربية لا ينصح بيه الا لو حالة العفشة جيدة وقص السوست يفضل انه يكون على سوست جديدة والقص يبقى على البارد مش بالتسخين
لكن عامة ده هيظبط شكل العربية خاصة مع الجنوط والكاوتش المناسبين لكن كاداء يفضل عفشة سبور كاملة

ثالثاً بالنسبة للدهان الميتاليك عادى مفيهوش مشاكل ورخيص دلوقتى كمان بس لو تقصد تداخل الوان يعنى كرونا لوك او تعمل العربية لونين ده هيتكلف اكتر وممكن تخش فى 2000 جنية دهان بس فخد بالك ان بند الدهان مكلف وانت لازم ترش بعد شغل البادى كيت

بالنسبة للاكسسوارات خليها فى الاخر خالص لما تخلص شغل فى بدى العربية والعفشة والدهانات وبالنسبة للفوانيس التفصيل هتلاقى كتير وفيه ناس كتير بتعدل الفوانيس فمحلولة ان شاء الله

بالنسبة للباور زى ما قال محمد الافضل انك لو هتمد ايدك تحت الكابوت تغير الموتور خالص وتبداء مشروع متكامل performance upgrade

[ashwa]

الف شكر يابو نورا على المعلومات والنصايح دى ptmnlo123per171
ربنا يجازيكو كل خير .............. فعلا منتدى الخبرة
بس انا سمعت ان صبات الفايبر دى بتحتاج ترخيص من المرور الكلام ده صح ؟؟؟؟
كمان هو تهبيط العربيه بيأثر شكليا بس ولا بيأثر كمان على ثبات العربيه لان انا عايز اهبط عشان العربيه مش ثابته فى السرعات العاليه ؟؟؟؟؟؟؟؟
بالنسبه للدهان انا اصلا الرخصه لونين احمر واسود بس انا عايز اخلي لونها اسود وادخل الاحمر معاه بشكل حلو بس كده

اما بالنسبه بقى لموتور العربيه هو 1600 وما شاء الله كويس جدا وكمان انا لسه شادد العفشه من 4 شهور والدركسيون مش تقيل اوى بس بصراحه انا عايز اركب الباور رفاهيه مش اكتر ptmnlo123per193
عموما انا متشكر على اهتمامكو جداااااا