كذبه ضروره تغيير الزيت

[lol64]

خلاص انا هاجمد قلبى ومش ناوى اغير الزيت بعد ال 10000 كيلو بس فعلا هاقيسه كل شويه وربنا يستر انا مقتنع بكلام دكتور تامر

[مورو]

لا يا حاج لول اصبر انت شويه خلينا احنا نجرب الاول فى عربياتنا القديمه ونبقى نعرفك النتيجه ايه واستنى شويه احسن دى الالنترا لسه موديل 2010 والتعويره بتعتها جامده

[esammobarak]

والله يا اخوانى الاعزاء انا معاى سيارة 127 نصر موديل 83 اشترتها من 2001 وكانت حالتها ممتازة جدا و ما زالت والحمد لله وانا بقالى اكثر من ثلاث سنين روح بيها من القاهرة للعاشر والعكس 165 كم يوميا متوسط وسافرت بيها اسكندرية كذا مرة وغيرها زيت اسو رصاصى على الاقل كل 5000 كم مع ان الميكانيكى وبتاع الزيت ماكدين لى ان لازم اغير الزيت كل 1000 كم علشان العربية قديمة ولازم احافظ على الموتور ومع ذلك وانا دائما باتابع معاهم حالة العربية والموتور ( طبعا من غير ما يعرفوا موضوع 5000 كم ومفهم انى اغير كل 1000 كم ) علشان بس انا ماكنتش مصدق موضوع ضرورة تغيير الزيت على فترات قريبة والله والله العظيم العربية زى الفل وتجيب 120 كم/الساعة والموتور زى الفل ومفيش اى مشاكل وكنت بشاور عقلى اجرب اطول كمان شوية عن كده اشوف ايه اللى هيحصل هى ال127 كلها اصلا كام ديه تجربة شخصية انا فقط المسؤل عنها حبيبت انقلها لاعضاء النتدى الجميل المحترمين

[عظيمه]

والله وارد جدا ان الكلام دة يكون مظبوط أوى لان الاجانب دول أواريب أوى
بيعرفوا يستغلوا كل حاجة فى مكانها صح وما يصرفوش قرش مالوش لازمة
لكن احنا اجدع شعب ينضحك عليه وطوب الارض بيشتغله وياخد فلوسة-
عندك مثلا موضوع تشميع السيارة دة بيتعمل بصفة دورية برة زيه زى الغسيل لكن عندنا هنا لو حبيت تسأل عن الشمع بيتباع فين كأنك بتقول اختراع مجهوووووووووووووووول
جزاك الله خيرا على المعلومة ويا رب تكون صح

[gtr]

أن أغير الزيت كل 5 آلاف كيلو بدون أي قلق. و حتى لو زودت شوية ما فيه مشكلة.
و الكلام الي نسمعه كله دعايات لترويج الزويت.