ملاحظاتى على تجربه النيو سيراتو بعد 1000 ك

[night_man_vip]

<SPAN style="FONT-FAMILY: 'Arial','sans-serif'; mso-ascii-theme-font: minor-bidi; mso-hansi-theme-font: minor-bidi; mso-bidi-font-family: Arial; mso-bidi-theme-font: minor-bidi; mso-bidi-language: AR-EG" dir=rtl lang=AR-EG><FONT color=#000000>ملاحظاتى على تجربه النيو سيراتو بعد 1000 ك <?xml:namespace prefix = o ns = "urn:schemas-microsoft-comبدايه حبيت اشارك الزملاء الاعزاء راي فى فى النيو سيراتو بعد 1000 ك , لعل حد حد يستفيد من تجربتى المتواضعه , و تكون اول مشاركه لى فى المنتدى مفيده للناس

الفئه : جميع الكماليات SX (abs + 2 air bag + automatic

السعر : المفروض السعر فى الوكيل 116 الف و لكن طبعا استلام بعد 5-6 شهور بس انا علشان كنت عايز استلم فوري و مش عايز اجيب الخليجى قعدت الف على كل المعارض لغايه ما لقيت الفئه اللى انا عايزها ( لان الفئه ديه بالذات مش موجوده خالص) و بضمان الوكيل دفعت 8 الاف ذياده يعنى بقت ب 124 الف ( كنت مضطر ادفع علشان كنت بعت عربيتى و مزنوق )

المميزات ( الحجات اللى عجبتنى فيها ) :

الشكل و الحجم عجبانى جدا

عجابنى برضه مخرج ال usb , ipod

الاوبشن عامه عاجبنى اوى

ارتفعاها عن سطح الارض كويس ( يمكن برضه علشان الجنوط 17 ) مش بتخبط فى المطبات حتى لو المطب جبل زى معظم الموجود فى الشوارع

التكيف كفائته كويسه اوى

العربيه قويه و ده بيبان اوى لما تتطلع من الثبات لسرعه كبيره ( معدل التسارع ) برضه 124 هورس بور مش اى كلام

العفشه بتعاتها كويسه بس ده اكيد هيبان قدام مع الاستخدام ( صعب ان الواحد يحكم عليها و هى لسه فى الاول كده )

بالنسبه لعداد الحراره موجود عداد ديجيتال فى شاشه العدادت الكمبوتر الموجوده فى التابلوه انما فى الفئات الاقل موجود بس لمبه بتنور لما الحراره بتعدى 120

عيوبها ( من وجهه نظرى طبعا ) :

اماكن التخزين فيها مش كتير

المريات كانت المفروض كانت تقفل او على الاقل تفتح اوتوماتك

مفيش اى علامه تبين ان الراكب اللى جنب السواق رابط الحزام و لا لا ( عكس ما كان فى الكرولا 2006 )

عنصر الامان فى ناقل الحركه الاوتوماتك اقل من اللى كان فى التيوتا 2006 ( يعنى مثلا لو انت بطلت العربيه و انت على ال D كان المفتاح مش بيطلع من الكونتاكت فى التيوتا و لكن و السيراتو بيطلع عادى , بس برضه فى السيراتو لو جيت دورت و انت على ال D مش بتدور لازم تنقله )

العلامه اللى بتظهر لما تعدر ال 120 عباره عن لمبه فى التابلوه بتنور بس من غير اي صوت ( و ده مش عملى لانك لما بتعدى ال 120 اكيد يا اما بتكون مركز فى الطريق اوى او سرحت و فى كلا الحلتين انت مش هتاخد بالك من العلامه اللى فى التابلوه )

ديه كانت اهم ملاحظاتى على النيو سيراتو .... و لو حد ليه اي استفسار او سؤال يبعتلى و انا هحاول ارد عليه فى اقرب وقت

[Dr. Bolbolan]

ربنا يبارك لك و يطمنك ! الحاجات اللى مش عاجباك دى ماتفرقش كتير مع الناس الطيبين !

المهم أنا أكبر عيبين سمعت عنهم بالنسبة للنيوسيراتو هم :

1- سخونه صادره من الكونسول ! و دى تغلبوا عليها بعمل تصفيح بيركب فى الشركه

من دون دفع مقابل ! فهل أحسست بالسخونه أم التصفيح موجود عندك على اعتبار

انها خليجى ؟ ( تصفيح الشكمان ) .

2- نشوفيه جامده للمساعدين لدرجة انك تحس بأى حاجه فى الطريق ولو ظلطه صغيره !

و علاجها ( بس مش قوى ) تنزل ضغط العجلات من 40 الى 30 ! أو تركب جنوط

أصغر !

فما رأيك عن النقطتين دول بالذات !!!

Dr. Bolbolan ptmnlo123per1127

[m_o_sakr]

الف مبروك على العربيه
موضوع ان العربيه مبتحكش ملوش دعوه بمقلس الجنط, العربيه اصلاً مرتفعه عن الارض 16 سم
بس بخصوص انك ممكن تطلع المفتاح و العربيه مش على P ف دى ميزه مش عيب علشان زى منت عارف الركنه فى مصر عامله ازاى و ممكن تطر تقف صف تانى و كده ممكن تسيب العربيه على N و الناس متدعيش عليك

[m_o_sakr]

المشاركة الأصلية كتبت بواسطة Dr. Bolbolan سخونه صادره من الكونسول ! و دى تغلبوا عليها بعمل تصفيح بيركب فى الشركه من دون دفع مقابل ! فهل أحسست بالسخونه أم التصفيح موجود عندك على اعتبار انها خليجى ؟ ( تصفيح الشكمان ) . Dr. Bolbolan ptmnlo123per1127

يا سيدى الفاضل الراجل عربيته وكيل و شاريها اوفر برايس

[Dr. Bolbolan]

المشاركة الأصلية كتبت بواسطة m_o_sakr يا سيدى الفاضل الراجل عربيته وكيل و شاريها اوفر برايس

يا سيدى الفاضل ما غلطناش فى البخارى ! المهم الاجابه والافاده !

Dr. Bolbolan