مقارنة هاااااااااااااااااامة هتفيد ناس كتيييييييييييييير

[mizotion]

السلام عليكم ورحمة الله وبركاته

انا زى ناس كتيرة اوى محتااااااارة جدا تجيب ايه فى رينج سعر من 75000 ل 80000 واخيرا توصلت لأفضل عربيات تناسب الفئة السعرية دى وياريت كل اللى يدخل يقول من وجهة نظره ايهم الافضل

يا أما زيرو وفى الحالة دى الاختيارات بالاولوية من وجهة نظرى :

1- بريليانس FRV Cross

2- Speranza M12 او M11

3- BYD F3

4- Hyundai Verna

5- Logan

وكل ده مانيوال طبعا


ياما مستعل والاختيارات برده بترتيب تنازلى من الافضل للاقل برده من وجهة نظرى :

1- Optra Automatic موديل 2009 او 2010 وتكون حالتها كويسة ومش ماشية كنير

2- Nissan Sunny موديل 2009 او 2010 وبرده حالتها كويسة ومش ماشية كتير

3- Mitsubishi Lancer Half Sport ودى فى رينج السعر ده حالتها متبقاش جامدة اوى يعنى بتكون رشة مش فابريكة وعدادها مش اقل من 80000 عشان كدة جبتها فى الترتيب التالت رغم انها فى المجمل يابانى وافضل من الاتنين اللى فى الاول ولكن فقط لو حالتها زى الزيرو

4- Mazda 3 وفى الرينج بتاع ال 80000 برده للاسف حالتها مش بتبقى كويسة اوى بتبقى ماشية كتير وراشة وغير كدة اسمع ان قطع غيارها ناااااااااار ياحبيبى ناااااااااار


5- renault megan : موجيلات 2006 وانت طالع وبرده يعيبها تكلة صيانتها وقطع غياررها العالية جدا بالاضافة الى ان برده الرينج ده يجيب حاجة حالتها مش حلوة اوى برده


ارجو منكم اخوانى انه يقول رايه النهائى ياترى فى رينج من 75000 ل 8000 :

1- زيرو افضل ولا مستعمل فى ظل الاختيارات المطروحة ؟

2- لو الاجاية زيرو يبقى ايه الافضل ؟

3- لو الاجاية مستعمل يبقى انهى الافضل ؟


وفى النهاية اتمنى تعم الفائدة على الناس كلها لانى متاكد ان كتيييييييييييييير فى حيرتى دى

[goudai]

وفقا للاختيارات اللى حضرتك طرحتيها
بالنسبة للجديد افضل رينو لوجان
اما الاستعمال شيفرولية اوبتر

[sherifabden]

الزيرو والمستعمل كل واحد فيهم ليه ميزة وعيب
الزيرو ميزته انك لو حافظت على العربية هتعقد معاك 3 سنين من غير ما تفتح بقها وعيوبه انك لازم تعمل الصيانة في التوكيل علشان تحافظ على الضمان وطبعا في توكيلات كتيرة غالية دا غير انك هتخبط مشوار لو بيتك بعيد عن التوكيل
اما المستعمل ميزته الوحيدة انك (لو فاهم في الميكانيكا) تقدر تشتغل في العربية وتلعب فيها زي ما انتا عايز والعيب ان لو العربية حالتها نص نص هتتعب معاها
من وجهة نظري ان حضرتك متجيبش مستعمل الا لو ملقيتش عربية زيرو كويسة
يعني الزيرو في حدود ال70 الف لو مفيش عربية عجبتك هات المستعمل
من وجهة نظري افضل حاجة زيرو الرينو لوجان وبعدها على طول BYD F3
اما المستعمل افضل حاجة اللانسر بعدها الاوبترا
ومبروك مقدما

[YahiaAshraf]

والله بص انا هقولك على حاجه
لو كونت سالت نفس السؤال من شهر

كونت هقولك على جيلى ايمجراند ب 76 الف جنيه مصرى

ولكن مع الاسف وصل سعرها ل 85 الف جنيه مصرى

وانا فى راى خليك حاليا فى المستعمل
وقاطع زيرو

( معا ضد جشع التجار و غلاء الاسعار )

وبرده فى النهاية القرار قرارك
تحياتى

[Marlborooo]

خليك في الزيو ورايي خليك في اللوجن الزيرو زيروووووووووو برده

وعلي فكرة العنوان بتاعك مبيوضحش محتوي الموضوع وكده محدش هيستفاد من المقارنة
تحياتي