#1
|
||||
|
||||
خاص باسعار قطع الغيار
بسم الله الرحمن الرحيم
ماستر الفرامل بتاع عربيتى باظ من فترة وروحت لمتخصص فرامل وقولتله نغيره قالى لا ده سليم و 100 100 المهم ركبنا طقم اصلاح واتظبطت يومين وبعدين خربت تانى روحتله تانى قالى التيل مبلط وغيرناه وروحتله بعد اسبوعين عشان يكون التيل طبع وللاسف الفرامل مش موجودة وقالى ده كوتش فى العجل اللى ورا ( بصراحة مش عارف اسمه ايه ) ولكن غيرناه وحطينا زيت باكم جديد وبجرب لقيتها ايه 100 100 بس لمدة نص ساعة وبعد كدة رجعت ريمة لعادتها القديمة زهقت طبعا المهم فى يوم ركنت العربية خالص طول اليوم ولما طلعت فى اليوم التانى وانا طالع من الجراج والحمد لله كنت لسه هطلع وبدوس فرامل ملقيتش فرامل خالص وكانى دايس دبرياج لحقت نفسى بالهاند وبعدين بجرب ادوس لقيتها داست كويس قولت الحمد لله وبعدين بدوس تانى لقيتها مفيش خالص المهم فضلت كدة مرة تصيب ومرة تخيب قمت واخد بعضى وطالع على بتاع الفرامل وقالى كده يبقى الماستر اخييييييييييييرا اعترف انه الماستر واللى عاوز اقوله هنا انى لما سالت على الماستر لقيته فى حدود 400 جنيه طبعا الاصلى وده كان فى التوفيقية( البنا ) وفى انواع تانى ارخص بكتير لكن الفرامل مش محتاجة الرخيص خالص المهم روحت عند ابو الحسن اللى فى بين السرايات ( طبعا معروف جدا ) وقولت اجربه وكنت سمعت انه محترم جدا واسعاره 100 100 المهم لما وصلتله وبعد عناء لانى كنت ماشى بالعربية بالهاند بس وسالته على الماستر قالى رقم غريب جدا قالى ب 540 جنيه طبعا انا ذهلت واكدت عليه تانى انت متاكد قالى طبعا وقولتله ده سعره 400 جنيه فى التوفيقية قالى هنا حاجة وهناك حاجة تانى خالص قولتله بس هو الاصلى اصلى والمضروب مضروب قالى هو ده سعرنا قولتله طيب عاوز اشوفه جاب لى العلبة بتاعته وقريت اللى مكتوب عليها وشوفت الماستر وعرفت اللى مكتوب عليه وبعدين قولتله شكرا ( طبعا ماشتريتهوش ) واخدت بعضى ومشيت ولقيت فى نفس الشارع اللى هو فيه واحد تانى بتاع قطع غيارتانى قولت اسال ومش هخسر حاجة وفعلا سالت ولقيته بيقولى الاصلى ب 390 جنيه قولت اشوفه ولما شوفته قريت اللى على العلبة هو هو نفس الكلام والماستر كمان هو هو كانها مراية المهم اشنريته طبعا. فهل فعلا ممكن يكون كل الفرق ده مابين تاجر والتانى ولا ايه مع ان ابو الحسن ده مشهور جدا لكن الشهرة مش هتكلف كل ده علشان كدة كل واحد بيشترى حاجة يتاكد انها الاصلية ويسال عند كذا واحد من الموثوق فيهم والله المستعان |
#2
|
||||
|
||||
رد: خاص باسعار قطع الغيار
بص
السوق المصري اللعب فيه كتير مفيش حد حيقدر يفيدك مثال: التيل الاصلي في ناس في الارياف حوالين القاهرة و بني سويف بيصنعوه في ورش تحت بير السلم نسخة طبق الاصلي من التيل الاصلي و الكرتونة نسخة طبق الاصل (مع فرق جودة و خامة التيل طبعا ) و يقوموا يبيعوه للمحلات بربع التمن في محلات محترمة لما بتبيع بيوضح للزبون الفرق و بيبيع بسعر رخيص و في محلات بيبيع على انه اصلي او اصلي فرز تاني زي ما بيقولوا بنفس سعر الاصلي او اقل ملاليم حتى الصنايعية انا مبقيتش اثق في خبرتها في التفريق بين قطع الغيار انا بعتمد على حدسي و خبرتي الشخصية التغليف او اللي مكتوب على الكارتونة اخر حاجة ببص ليها تيل ال 128 مثلا تلاقي الصيني ب 25 جنيه و الايطالي( مكتوب ايطالي في كل حته ) ب 35 و التركي ب 65 جنيه و لك التعليق |
#3
|
||||
|
||||
رد: خاص باسعار قطع الغيار
عليه العوض ومنه العوض فى زمان غاب فيه الضمير الا عن من رحم ربى
|
#4
|
||||
|
||||
رد: خاص باسعار قطع الغيار
السلام عليكم 00ياباشا جميع التجار نصبين اما انا بريح نفسى وبسأل عن قطع الغيار الصينى زى تيل الفرامل بقوله اعطنى نيل صينى ب35جنيه وبريح نفسى عشان العلب بيكتبو عليه كل شىء اما الصح كتابه الصنع على الخامه نفسه
|
#5
|
||||
|
||||
رد: خاص باسعار قطع الغيار
ايوة ياباشا بس ده كده انت بتجيب اسوأ حاجة فى السوق اللى هى الصينى وكانك بترمى فلوسك على الارض
|
|
|