قواعد قيادة السيارات في مصر

[خالد الجوكر]

المشاركة الأصلية كتبت بواسطة esafegypt تمام عموما كلها سنتين وتستخرج شهاده خبره فى القياده المصرية والف الف مبروك مقدما على شهاده الخبرة وعلى فكره البيجو اللى فى التوقيع دى عاملة ايه شكلها جامد

البيجو دى حبيبه قلبى اللى مستنيها على نار وان شاء الله جايه على شهر 4 بس مش زى اللى فى التوقيع اوى يعنى بس هاظبطها انا احسن من اللى فى التوقيع ان شاء الله

[ahmed_zamalek7]

هى ديه القواعد السليمه مفروض بعد كده يعملوها فى الامتحان النظرى بتاع الرخص

[محمد]

انا سمعت انهم بيطبعوها فى كتيب والمرور هايوزعها مع النمر الجديده:w6w20050411225727 6b
وطبعا ها تبقى برسووووووووووووووووم يامعلم

[ayman_kamal]

المشاركة الأصلية كتبت بواسطة esafegypt قواعد قيادة السيارات في مصر هتفيــدك والله :D القاعدة 1 : - لو عربيتك كبيرة أو قديمة، أستخدم المبدأ القانوني: اللي خايف على عربيته يوسع!! ... ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه القاعدة 2 : - قاعدة البوز بيز: اللي يدخل ببوز عربيته الاول للتقاطع هو صاحب أولوية المرور! احرص على أن تكون صاحب أول بوز. القاعدة 3 : - الإشارات تكشف نواياك للأعداء، أياك أن تستخدمها! القاعدة 4 : - لا تترك مسافة للأمان بينك و بين السيارة التي أمامك فهذا له عدة مخاطر: 1. عربية ثانية حتملا الفراغ في ثواني و برضوه ما يبقاش فيه مسافة بينك و بين الي قدامك، كل الي كسبته انك اتأخرت لورا شوية. 2. حتدي فرصة للعيال يعملوا غرز قدامك. 3. كل المشاة حيغمضوا عينيهم و يعدوا من الحته دي. 4. الي وراك حيقعد يزمر - لو كان مؤدب أو تسمع شوية أسامي حيوانات لو كان سواق تاكس - مؤدب - ، أو حيخبطك من ورا لو كان سواق ميكروباص - و دول مفيش حد منهم مؤدب -. الإشارات مش معمولة علشان تنظم المرور ، معمولة علشان شكل القاهرة يبقى متحضر بس! اعتمد على العساكر ( مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري ) أو يفضل أن تستعمل البوز بيز ( راجع القاعدة الثانية ). القاعدة 5 : - اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح، لأن الناس الي قدام بيبقوا واقفين في الاشارة من زمان و جايز جداً يكونوا ناموا القاعدة 6 : - معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط! القاعدة 7 : - من حقوقك الدستورية أن تركن أمام باب المحل الذي تريد أن تشتري منه، اذا سبقك واحد ابن ستين في سبعين و ركن قدام الباب، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟ D: القاعدة 8 : - من حقك أيضاً أن تخرج من مكان انتظارك في أي لحظة تشاء، اكسر الدركسيون شمال و اطلع، أي حد ماشي في الشارع لازم يقف لك فوراً، راجع البند السابق. القاعدة 9 : - إحترس من ثلاث أنواع من السائقيين بيسوقوا و كأنهم مش ممكن يموتوا: 1.العيال الروشين الي بيلعبوا فاكريين إن ممكن يكسبوا زيادة لو ساقوا أسرع 2. موتوسيكلات توصيل الطلبات Home Delivery 3. سواقين الميكروباص. القاعدة 10 : - لما تشوف حادثة لازم تهدي و تتفرج - مش مهم تساعد - الحجات دي دمها أخف من الأخبار المملة بتاعة التلفيزيون، و بعدين لما الطريق وراك يقف تحمي المجتمع من حادثة تانية. * * * بالنسبة للمشاه : 1- من حقك أن تعبر الشارع في أي وقت و من أي مكان . 2- اذا كان هناك سيارة قادمة اعمل نفسك مش واخد بالك و عدي براحتك خالص، ما تخافش، هوا حيقف، هو اهبل يدوسك و يودي نفسه في داهية؟ D: 3- اياك أن تنظر نحو السيارات القادمة، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف انت حتى لو شفته أوعى تخاف - خصوصاً لو معاك بنت - تبقى راجل ملو هدومك و تخاف من حته عربية؟ D: 4-الرصيف ليس للمشاه، بل لركن السيارات و فرشات الباعة الجائليين و المحلات... الخ، لذلك يحق للمشاة السير في وسط الشارع، لمزيد من الأمان، راجع القاعدة السابقة

اسمحلي اضيف كمان قاعدتين

القاعدة 11 :
- لا تقود في حارتك المرورية ابدا انت مجنون حاتتخبط حاتتخبط (عن تجربة)
الخطوط مش معمولة علشان تنظم المرور ، معمولة علشان شكل الاسفلت يكون شكله جميل بس!

القاعدة 12 :

- افتكر انك في الاصل فرعوني واد ايه الفراعنة بيحبه تعبان الكوبرا .... في الزحمة الشديدة اتلوى بعربيتك زي الكوبرا و ماتنساش تستعمل البوز بيز ( راجع القاعدة الثانية ).

[crime]

هوا ده كلام الناس العاقلين

تقبل تحياتى