مشكلة في شاهين الإنجكشن

[bekeat]

برجاء من الأخوة الأفاضل مشرفي وأعضاء المنتدى التكرم بمساعدتي .
فأنا عندي سيارة شاهين إنجكشن موديل 2008 . والسيارة أنا محافظ عليها منذ أن إشتريتها جديدة على الزيرو . ولم تقطع سوى 36000 كم (ستة وثلاثون ألف كيلومتر فقط )
وأنا محافظ عليها , فإنني أستخدم ماء أزرق من موبيل , وزيت موبيل , وفلاتر زيت وبنزين وهواء أصلية .....ألخ
أول أمس الأثنين 16 نوفمبر دخلت بالسيارة في مطب مفاجئ !!؟ وأخذت المطب بكل بطء بعد أن جعلته في منتصف السيارة , لكنني شعرت به يسمع في جسم السيارة من أسفل ......
ومنذ تلك اللحظة تبرجلت السيارة .
صار فيها رعشة ورجة عنيفة ...... مع ضرب مدافع ...... وصارت تبطل دوران فورا بمجرد تخفيف الضغط على دواسة البنزين ..... والموتور لا يدور إلا إذا ضغطت على دواسة البنزين على الأخر وإستمريت بالضغط عليها بقوة بعد إدارته .
ملحوظة : السيارة لم تكن ساخنة , كما أنها لم تسخن من قبل .
قام الميكانيكي بتغيير البوجيهات .
وقام بتغيير البوبينة .
وتأكد من ضبط سير الكاتينة .
وأخيرا قال إنه يجب فك وش السلندر وغيار جوان وش السلندر . فإن كان الجوان سليما فسيكون هناك صباب معوج يلزم غياره بعد شراء طقم صبابات وخراطتها عند الخراط !!؟
قلت له إن السيارة جديدة وحاجتها أصلية ومضبوطة ومحكمة , وحرام غيارها .
قال لي إن هذا هو السبب البافي الوحيد لهذا العطل . فقلت له إن السيارة بها العديد من الحساسات التي يتم الحرق الألكتروني بناء على إشاراتها وطلبت منه الكشف عليها وعلى أسلاكها . فقال إنها لا يمكن أن تسبب مثل هذا العيب !!؟
إن هذا الميكانيكي أمين وشاطر ولكني أعتقد أنه ليس ملما بنظام الإنجكشن .
فما رأيكم ؟ ماذا ترون سبب العطل ؟ وبما تنصحوني أن أكشف عليه من حساسات الإنجكشن ؟
وبرجاء اسم وعنوان ميكانيكي يكون ملما بنظام الإنجكشن ويكون قوي فيه .
وختاما تقبلوا مني خالص الشكر .

[mr_astra]

كنني شعرت به يسمع في جسم السيارة من أسفل ...... ومنذ تلك اللحظة تبرجلت السيارة .

بقالى كتير بفكر اية اللى ممكن يحصل نتيجة المطب يخلى العربية تبرجل
بصراحة ملقتش حاجة غير فى دورة البنزين
انا معرفش فلتر البنزين عندك فى شاسية العربية من اسفل ولا فى الحوض
لكن بالتاكيد ان خراطيم البنزين هى اللى ماشية فى شاسية العربية من اسفل
عشان كدة دماغى رايحة ان يكون حاجة فى الخراطيم اما المواسير النحاس اطبقت او الخراطيم الكاوتش اتشققت او اتقطت قطع جزئى
دة اللى متوقعة بصراحة
انما صباب ووش مستبعدة خالص

[Hisham.Elgazzar]

هتلاقى حساس الشكمان كان السلك بتاعه مدلدل من تحت واتقطع او خراطيم البنزين حصل فيها سدد زى ما مستر استرا قال وياريت محدش يمد ايده ف العربية غير لما تبص على الحاجتين دول

[mr_astra]

الله ينور عليك يا استاذ هشام
فعلا ممكن يكون سلك حساس الكرنك اتقطع او مش راكب كويس او ان طنبورة الكرنك اللى بيقرا منها الحساس اتكسر منها سنة او اتنين او اكتر
بجد الله ينور

[bekeat]

انا معرفش فلتر البنزين عندك فى شاسية العربية من اسفل ولا فى الحوض
لكن بالتاكيد ان خراطيم البنزين هى اللى ماشية فى شاسية العربية من اسفل
عشان كدة دماغى رايحة ان يكون حاجة فى الخراطيم اما المواسير النحاس اطبقت او الخراطيم الكاوتش اتشققت او اتقطت قطع جزئى
أستاذ أسترا . أنا متشكر على الرد وإهتمامك بمشكلتي
نقص البنزبن قد يسبب فعليا تبطيل السيارة عند عدم الضغط على دواسه البنزين للآخر أثناء القيادة أوتموير العربية . ولكنه لا يسبب مدافع مستمرة وكون السيارة متلتة . لأن المدافع المستمرة تنتج من خطأ في توقيت الحقن حسب علمي . ولا أستبعد أن تكون الخبطة التي أخذتها أسفل السيارة من تحت قد أثرت على عدة أشياء .
برجاء لو تعرف ميكانيكي كويس يفهم في سيارات الإنجكشن أن تدلني عليه .
وتقبل خالص شكري .