( كيا ريو ) أم ( دايو جولييت ) ؟؟

[POP EL GAMED]

حتى لو اللانوس 2000 والريو 2002 اللانوس افضل لكل الاسباب اللى شرحتها قبل كده وخد باالك اللى بيحكم حاله العربيه مش الموديل انما هو الاسعمال و توفر وسعر قطع الغيار
السيفيا ال95 حلوه بس لو عايز سيفيا يبقى خليك فى 97 لغايه 99 دى الشكل الجديد (الكورى)
ال2000 لغايه 2003 دى تجميع مصرى وكان ففيه برضه شويه عربيات 99 تجميع مصرى(اول التجميع)
وبرضه قطع غيارها اغلى من اللانوس وبيعها اتقل من اللانوس
انا برشحلك اللانوس لانها تعتبر افضل عربيه فى الفئه دى

[أبو عبد الرحمن]

أنا حاسس إني خلاص هجيب الجولييت إن شاء الله خاصة ان الشنطة بتاعتها مش هتبقى ضيقة أوي بالنسبة ليا لأني مش بشيل شنط كتير ولا حاجة الحكاية كلها شنطة هدوم أو اتنين، ولقيت واحدة موديل 2001 فابريكة جوة جميع الكماليات مانيوال وبـ 40 ألف ، فإيه رأيك يا بوب ؟
ولو كويسة وحبيت أكشف عليها أوديها فين ؟

[POP EL GAMED]

توديها فين ده بيعتمد انت منين يا باشا
لو من الجيزه عموما انا ممكن انزل معاك ونوريها لكذا واحد اعرفهم
ولو من شبرا برضه نفس النظام شوف مين اقرب فيهم ليك واكون معاك
لو انت مش قريب من الاتنين دول يبقى توديها مركز خدمه ميكونش يعرف العربيه وتدخلهم على انك صاحبها وعايز تعمل تقييم لحالتها عشان تشوف انت محتاج تغير ايه(هتلاقيهم بيكشفوا عليها كويس ما هما فاكرين انك عايز تصلح عندهم هيطلعلك فيها اى حاجه بتفكر تبوظ )
وربنا يكرمك ان شاء الله

[أبو عبد الرحمن]

ربنا يكرمك يا بوب
أنا من جسر السويس عند حديقة بدر ، وأعرف مركزين قريبين واحد ورا قسم عين شمس اسمه (المهندس) ، والتاني اسمه (الصفا) أمام عمارات الفاروقية - سوق القنال ، والاتنين عندهم جهاز الدايو ، بس هل ده يغني اني اوديها توكيل دايو نفسه يكشف عليها ؟

[POP EL GAMED]

التوكيل هيعمل ايه غير الكشف على العربيه
مركز الخدمه هيبقى احسن فى الكشف لان توكيل الدايو هو ابو الفتوح وختلاقى اى مركز ليه زحمه ما بين الدايو والاسبيرانزا
فأعتقد لو وديتها مركز خدمه هيبقى اروق وممكن تقدر تحكم افضل وحاجه ضرورى جدا بعد ما تطمن عليها فى المركز عدى بيها على (كذا سمكرى مش واحد بس) وربنا يكرمك للى فيه الخير ان شاء الله
ولو احتجت اى خدمه انا موجود ان شاء الله
اخوك بوب