رد: التحايل "الاخوانى"!!
نوراه نجم
=======
الاخوة اللي بيدعوا للنزول يوم ذكرى محمد محمود، مع ان كل الناس، بما فيهم العيال الصغيرة، عارفة ان ده كمين، وان الداخلية نفسها ننزل عشان هي عايزة اليوم ده تقتل اكبر عدد وتعتقل اكبر عدد عشان دي فرصتها الاخيرة لبسط سيطرتها في لحظة استثنائية واخدة فيها ظهير شعبي مش حيتكرر تاني وفرصة انها تاخد اي حد بجريرة انه اخوان، والاخوان عايزينا ننزل عشان يموت اكبر عدد منا عشان تقول ان اللي ضد ال...انقلاب مش اخوان، وحضرتك بتنزل الناس وانت عارف ان مافيش هدف ولا طائل من المعركة دي وانها مش معركتهم اصلا ومش بتخدم غير على الداخلية والاخوان مع بعض، واكيد في وسيلة تانية لذكرى محمد محمود غير انك تنزل الناس تموت وتعتقل ولو انت عارف حيموتوا ويعتقلوا ليه او بهدف ايه كنت قلت عليك ماشي بمبدأ مرسي: نضحي بجزء من الشعب عشان البلد تمشي، لكن ده انت اسخم من مرسي وبتضحي بجزء من الشعب عشان مافيش حاجة تمشي، الداخلية بس تفرد عضلاتها والاخوان يتاجروا بالميتين، وانت متأكد مليون المية من ده... طب انت مستعد تواجه نفسك وتواجه امهات اللي حيموتوا وهم بيعيطوا على عيالهم؟ انت مستعد تقولهم: انا اللي دعيت عيالكوا للنزول عشان كذا؟ وايه كذا اللي انت نزلت عشانه عيل واتسببت في موته؟ يا ريت تشرح لي... اليوم ده حيبقى ماتش مصر وغانا، وده شعب مسكين حيقعد يتفرج عشان عنده امل نكسب 5-0، يعني الداخلية حتستفرد بالعيال ومافيش صريخ ابن يومين حينجدهم... ايه الداعي انك تهدر ارواح؟
طيب انا بقى قدام ربنا باخلص ضميري وباقول اني مش نازلة يوم 19 نوفمبر ومش بس كده، وبادعي الناس لعدم النزول... وانا عارفة ان ماحدش بيسمع كلامي يعني لو ليا التأثير ده ما كانش بقى ده حالي، لكن دي اول مرة في حياتي ادعي الناس لعدم النزول مش عشان عارفة انهم حيسمعوا كلامي، بس عشان اخلي مسئوليتي قدام ربنا، انا بريئة يا رب من الدم اللي حيتهدر خدمة للداخلية والاخوان في معركة عبثية
__________________
من مواضيع kj1 التاريخ الأسود لجماعة الأرهاب الأسود ليه لا وليس نعم مصر الجميلة الغائبة الأن
|
22-10-2013, 09:45 PM
