أرجو المساعدة "نوع البوجيهات" "مشكلة تبطيل العربية"

[danoora]

المشاركة الأصلية كتبت بواسطة Hisham.Elgazzar إختبار كمان ممكن تعمله علشان تتأكد ان الحساس مهيس ولا لأ ونتا ماشى بالعربية هتدوس بنزين نفس الدوسه وتثبت رجلك لو مهيس هتلاقى العربية بتسرح معاك كأنك بتزود الدوسة وطبعا لما تزود الدوسة برجلك فعلا هتلاقى سحب العربية ماأختلفش كتير وبعدين تبتدى تسحب بغباء ، لو سهيت هتلاقى الأر بى ام وصل للآخر والعربية هتفصل منك ع الغيار

ايوة انا لوجي بتعمل معايا كده المشكلة بتبقى مع المهندس زي الفل و معايا انا بتعمل كل الحاجت دي تنصحوني بأيه

[dr_eslam_66]

معلش يا أ.هشام يبقى كان قصدي على سير الكومبريسور لأني دي أول عربية ألماني أركبها وماكنتش أعرف إني فيه سيرين في بعض العربيات والله غير من دي أنا الي كنت اعرفه هوا سير واحد بيلم كل حاجة وخلاص.

المشاركة الأصلية كتبت بواسطة Hisham.Elgazzar حساس الهواء صعب جدا انه يبوظ إلا فى حالة تغيير فلتر الهواء بنوع رديى او قلة الصيانة لكن رأيى انه ألمانى وصعب انه يكون عاوز يتغير ماهو علشان كدة يا أستاذ هشام أنا أصريت غني أوضح اني العربية مستعملة وإنها معايا من فترة قريبة قوي وماعنديش تاريخها القديم فا ماتستبعدشي أي إحتمال. ممكن يكون محتاج تنظيف وصيانة مجموعة دخول الهواء للموتور وتنظيف الرشاشات يعنى صيانة زى اللى بتتعمل فى التوكيل

معلش وضحلي إيه هيا الصيانة المطلوبة بالخطوات وإيه هيا مجموعة دخول الهوا دي (معلش هتقل عليك بس فعلا أنا مش عارف والله)
بالنسبة لتنظيف الرشاشات هل منظف الرشاشات السائل دا الي بيستخدم مع البنزين يكفي ولا فيه حاجة تانية وأنا إستخدمته في التفويلة الي فاتت وفعلا حسيت بفرق بسيط بس لسة مستني التفويلة الي بعديها علشان أعرف هل الفرق لحظي ولا مستمر.
وهل يوجد ضرر من إستعمال منظف الرشاشات دا كتير ولا المفروض أستعمله كل قد إيه ولا ما أستعملوش خالص؟

المشاركة الأصلية كتبت بواسطة Hisham.Elgazzar إختبار كمان ممكن تعمله علشان تتأكد ان الحساس مهيس ولا لأ ونتا ماشى بالعربية هتدوس بنزين نفس الدوسه وتثبت رجلك لو مهيس هتلاقى العربية بتسرح معاك كأنك بتزود الدوسة وطبعا لما تزود الدوسة برجلك فعلا هتلاقى سحب العربية ماأختلفش كتير وبعدين تبتدى تسحب بغباء ، لو سهيت هتلاقى الأر بى ام وصل للآخر والعربية هتفصل منك ع الغيار

أولا يا أ.هشام أنا بس عايز أوضح لحضرتك إني أصلا مش عارف هل هوا بايظ ولا لأ وعلشان كدة أنا سألت هل يوجد اعراض أخرى غيره لمشكلتي مع التبطيل والسحب ولا لأ.
خلينا نتفق مبدئيا إنه هوا السبب فا دا سبب إلكتروني مش ميكانيكي وعلشان كدة هوا مش منتظم الظهور ياعني مش على طول بايظ ولا على طول شغال.
يبقى مثلا الي حضرتك بتوصفهولي دا كفاية إنه يحصل معايا مرة واحدة علشان اتأكد من العطل ولا لازم يحصل أكتر من مرة؟
أنا محتاج زيادة توضيح شوية للإختبار ده ولاحظ إنه إختبار بيعتمد على الإحساس وخفية رجلك على البنزين وأكيد هيختلف من شخص لشخص ياعني وضحلي اكتر أكون ماشي على سرعة كام مثلا ولما أزود بنزين هل سنة صغيرة ولا كتير والمفروض إني تأخر إستجابة العربية لي يبقى ثواني ولا دقايق ولا أكتر من كدة والعربية ماتحسش أصلا إني زودت الضغط على دواسة البنزين, وهل لما أزودت تاني بنزين لو العربية إتأخرت في الإستجابة هكون كل دا مادخلتش في رينج الكيك داون؟
عايز أقول لحضرتك على حاجة أنا ملاحظ تأخر إستجابة العربية لدواسة البنزين وخاصتا على السرعات البطيئة يعني من 40 لحد 80 مثلا لو أنا ماشي على سرعة في الرينج دا وحبيت ازود سرعة العربية بتنفضلي ولازم أزود لحد الكيك داون علشان تفوق من النومة الي جتلها.
بالنسبة للكيك داون بيسحب حلو جدا "الحمد لله" وماعنديش عليه أي ملاحظات "من 0 إلى 100 كم/س في اقل من 10 ثواني"
العربية الحمد لله فيها مثبت سرعة ومرة واحدة بس وما إتكررتشي تاني جيت أستخدمه على سرعة مابين 110 إلى 120 لقيت بمجرد الضغط عليه الآر بي إم ما وقفشي ولا ثبت ولا حاجة لا دا فضل يزيد ويحرق مع نفسه وطبعا طفيته في ساعتها وشغلته تاني بعديها بثواني وإشتغل عادي جدا بدون اي مشاكل.

المشاركة الأصلية كتبت بواسطة yahiaashraf بوشات السياره باختصار هي ممتص الصدمات للهيئه الأماميه فهو مفيد وشي اساسي فى السياره وبعد مرور كم سنه او حسب الاستعمال يبدأ ينهري ويتشقق وتصبح السياره غير متزنه من الامام بشي بسيط وتسمع اصوات خفيفه على المطبات وهذا ناتج التشقق وتصلب البوشات : Wkiss5: شكرا جدا جدا على ردك وفعلا هوا (الميكانيكي) كان بيشاورلي على نفس المنطقة بالظبط.

المشاركة الأصلية كتبت بواسطة Hisham.Elgazzar البوشات يباشا موجودة فى كل العربيات حتى السيات موديل 70 البوشات اللى هى الجلب جلب وقواعد الفتيس جلب المقصات ، والذى منه هيا بس المشكلة في إختلاف اللغة أو المصطلحات إلى جانب جزء مش بسيط من قلة خبرتي بالموضوعات دي فا بيؤدي إلى جزء كبير من سوؤ الفهم بيني وبين الميكانيكي.

المشاركة الأصلية كتبت بواسطة GPS TRACKER حساس الهواء الموجود عند الفلتر ملوش علاقة نهائي هو فقط بيعطي أشارة لو الفلتر أتوسخ و أتسد لكن لو تقصد حساس العادم و ده بيقيس نسبه البنزين الغير محترق بالعادم و ده غالبا بيبوظ لو متور العربية أتغسل و هو ساخن و هو ده الحساس المسؤل عن تنظيم عمل الرشاشات و ده لو بايظ بخلي الأر بي أم بتاع العربيه ميكنش مظبوط في السرعة الخاملة و العربيه تطفي و كمان بيتسبب في تقطيع أثناء القيادة و زياده ملحوظة في أستهلاك الوقود و جميع الحساسات ممكن أختبارها بسهولة دور العربيه و شيا فيشه الحساس لو محصلش تغير في حالة المتور يكون العيب من الحساس لكن لو بعد ما شيلت الفيشه المتور لخبط أو توقف بيكون الحساس سليم لكن أيضا يجب التأكد أن الفيش و التوصيلات الخاصة بالحساسات تكوم محكمة و لا تهتز لأن ده غالبا ممكن يكون المشكله عندك لأن العيب بيظهر و يختفي

بس أنا متأكد إنه قصده على حساس الهوا لأنه شاورلي على مكانه وكان في زور علبة فلتر الهوا.
بص أنا مش هقول إني مختلف معاك في أي حاجة من وظائف حساس العادم أو أسباب بواظانه أو نتائج بوظانه لاكن حساس الهوا دا لو مش هوا الي بينظم دخول الهوا للماتور (بعد مايسخن ياعني خلاص حساس الآيديل وظيفته إنتهت) مين الي بيقوم بالوظيفة دي؟ أكيد كمية الهوا الي داخلة لخليط الإحتراق لازم تكون متغيرة حسب ظروف التشغيل ودا مش ممكن آخده أبدا إلى عن طريق الداخل في نواتج الإحتراق مش الخارج منها (عادم)

بالنسبة لموضوع الفيش دا أنا هأكد عليهم بكرة وأرد عليك ولاوني بخاف قوي من الموضوع دا لايعملي أي برجلة إنتا عارف العربيات دي اليومين دول بقت بتتلكك والله.

طبعا أنا بشكر كل واحد رد عليا وحاول يساعدني ومعلش هتعبكم معايا شوية بس لحد ما نوصل لحل ربنا يهديها ياراب وبركة دعاكوا معانا بقى.
عموما العربية عند الميكانيكي من النهاردة الصبح وهبص عليه بكرة الصبح والمفروض إنه يكون وصل لحل أو قرار هل هوا فعلا حساس الهوا الي مسبب البرجلة دي؟

أرجو إنكم ماتبخلوش عليا بمجهودكم,

[dr_eslam_66]

هوا بالنسبة للبوجيهات ماحدش أفادني في مضوع الخلوص دا غير ال أ.هشام كتر ألف خيره بس كنت عايز أتأكد من حضرتك على حاجة, هوا حضرتك قولتلي لو الفتحة مظبوطة بالفيلر على 0.4 مم هيبقى أحسن هل دا رقم عاام ولا رقم مخصوص لماتور العربية دي لأني الي بيتباع بيبقى مظبوط على 0.9مم ودا الي أنا ركبته وبالنسبة بقى لموضوع الأربعة شمعة دا فا دا ربنا يسامحه الي شار عليا المشورة الحلوة دي أهو على الأقل كان في نيته الخير ودا يكفي.
كمان حضرتك قولتلي لو ماتور عربيتك مظبوط هات حتى ستة شمعة لو بيتباع عندكوا في الإمارات؟
أنا أصلا ما اعرفشي ماتور عربيتي مظبوط ولا لأ وكل الي اعرفه عنه إنه مابيطلعشي دخان لا إسود ولا أبيض في العادم ولما غيرت البوجيهات ماكنتشي عليها زيت ولا حاجة غير بوجيه واحد بس أفتكر الرابع وكان خفيف قوي حتى الميكانيكي قالي لا ماتشغلشي بالك.

[Hisham.Elgazzar]

الأعراض اللى حضرتك ذكرتها يا دكتور 80% حساس الهوا و20% حساس العادم
ولازم فى كل الحالات يتكشف عليها على جهاز محترم
تنظيف حساس الهوا بالهوا فقط لأن اى مادة تترش علية مش مضمونة

يعنى WD40 ناس جربته وبتقول انه تمام وأختلف معاهم

ناس تانية قالت إسبراى تنر وانا برضو بختلف معاهم

والأسلم تغييره لأن واضح انه متهالك ( بدليل ان التسارع من40 - 80 ميت ) ومش بتجرى غير مع الكيك داون
وطبعا ساعتها بتكون العربية خدت كمية هوا تكفى لموتور طيارة ممكن لو دخلت ع الموتور مرة واحدة مع بوجيهات قوية تضر المحرك على المدى الطويل

ولاحظ إنه إختبار بيعتمد على الإحساس وخفية رجلك على البنزين وأكيد هيختلف من شخص لشخص ياعني وضحلي اكتر أكون ماشي على سرعة كام مثلا ولما أزود بنزين هل سنة صغيرة ولا كتير

بمجرد انك تدوس دوسة خفيفة هتبدأ العربية تسحب
وفى حالة التسارع من 40-80 مثلا هتاخدها بالتدريج وتلاقيها بعد كده بتسحب كأنك بتزود بنزين
وانت اساسا مثبت رجلك

ده عيب حساس الهوا


- البوجيهات انا ماجبتش الرقم من الكاتالوج
بس بعتمد على انى اجرب بنفسى
بالنسبة للعربيات الإنجيكشن بظبط البوجيه على 0.4 مللى بالفلر
والعربيات الكربراتير على 0.5
والنتيجة كانت ممتازة لأن لما يكون الخلوص قليل الشرارة بتزيد وبالتالى بيحسن من الأداء
وبيقلل فى الإستهلاك

مثبت سرعة ومرة واحدة بس وما إتكررتشي تاني جيت أستخدمه على سرعة مابين 110 إلى 120 لقيت بمجرد الضغط عليه الآر بي إم ما وقفشي ولا ثبت ولا حاجة لا دا فضل يزيد ويحرق مع نفسه وطبعا طفيته في ساعتها وشغلته تاني بعديها بثواني وإشتغل عادي جدا بدون اي مشاكل.

ياريت ماتستخدمش مثبت السرعة لأنه فى حالة ان الحساسات بايظة ممكن يكون مضاعف السرعة
وإستخدامه خطير فى الحالة دى

[Hisham.Elgazzar]

المشاركة الأصلية كتبت بواسطة danoora ايوة انا لوجي بتعمل معايا كده المشكلة بتبقى مع المهندس زي الفل و معايا انا بتعمل كل الحاجت دي تنصحوني بأيه

لوجى الجديدة موديل السنة بتعمل كده ؟؟

ممكن تنظف حساس الهوا وتحط العربية على الإسكانر

كمان لازم تغير فلتر الهوا ولا تكتفى بنفخه فقط علشان هو السبب ان الحساس يقرا غلط