|
ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
أدوات الموضوع |
#11
|
|||
|
|||
رد: أرجو المساعدة "نوع البوجيهات" "مشكلة تبطيل العربية"
ايوة انا لوجي بتعمل معايا كده المشكلة بتبقى مع المهندس زي الفل و معايا انا بتعمل كل الحاجت دي تنصحوني بأيه |
#12
|
|||||
|
|||||
رد: أرجو المساعدة "نوع البوجيهات" "مشكلة تبطيل العربية"
معلش يا أ.هشام يبقى كان قصدي على سير الكومبريسور لأني دي أول عربية ألماني أركبها وماكنتش أعرف إني فيه سيرين في بعض العربيات والله غير من دي أنا الي كنت اعرفه هوا سير واحد بيلم كل حاجة وخلاص.
بالنسبة لتنظيف الرشاشات هل منظف الرشاشات السائل دا الي بيستخدم مع البنزين يكفي ولا فيه حاجة تانية وأنا إستخدمته في التفويلة الي فاتت وفعلا حسيت بفرق بسيط بس لسة مستني التفويلة الي بعديها علشان أعرف هل الفرق لحظي ولا مستمر. وهل يوجد ضرر من إستعمال منظف الرشاشات دا كتير ولا المفروض أستعمله كل قد إيه ولا ما أستعملوش خالص؟
خلينا نتفق مبدئيا إنه هوا السبب فا دا سبب إلكتروني مش ميكانيكي وعلشان كدة هوا مش منتظم الظهور ياعني مش على طول بايظ ولا على طول شغال. يبقى مثلا الي حضرتك بتوصفهولي دا كفاية إنه يحصل معايا مرة واحدة علشان اتأكد من العطل ولا لازم يحصل أكتر من مرة؟ أنا محتاج زيادة توضيح شوية للإختبار ده ولاحظ إنه إختبار بيعتمد على الإحساس وخفية رجلك على البنزين وأكيد هيختلف من شخص لشخص ياعني وضحلي اكتر أكون ماشي على سرعة كام مثلا ولما أزود بنزين هل سنة صغيرة ولا كتير والمفروض إني تأخر إستجابة العربية لي يبقى ثواني ولا دقايق ولا أكتر من كدة والعربية ماتحسش أصلا إني زودت الضغط على دواسة البنزين, وهل لما أزودت تاني بنزين لو العربية إتأخرت في الإستجابة هكون كل دا مادخلتش في رينج الكيك داون؟ عايز أقول لحضرتك على حاجة أنا ملاحظ تأخر إستجابة العربية لدواسة البنزين وخاصتا على السرعات البطيئة يعني من 40 لحد 80 مثلا لو أنا ماشي على سرعة في الرينج دا وحبيت ازود سرعة العربية بتنفضلي ولازم أزود لحد الكيك داون علشان تفوق من النومة الي جتلها. بالنسبة للكيك داون بيسحب حلو جدا "الحمد لله" وماعنديش عليه أي ملاحظات "من 0 إلى 100 كم/س في اقل من 10 ثواني" العربية الحمد لله فيها مثبت سرعة ومرة واحدة بس وما إتكررتشي تاني جيت أستخدمه على سرعة مابين 110 إلى 120 لقيت بمجرد الضغط عليه الآر بي إم ما وقفشي ولا ثبت ولا حاجة لا دا فضل يزيد ويحرق مع نفسه وطبعا طفيته في ساعتها وشغلته تاني بعديها بثواني وإشتغل عادي جدا بدون اي مشاكل.
بص أنا مش هقول إني مختلف معاك في أي حاجة من وظائف حساس العادم أو أسباب بواظانه أو نتائج بوظانه لاكن حساس الهوا دا لو مش هوا الي بينظم دخول الهوا للماتور (بعد مايسخن ياعني خلاص حساس الآيديل وظيفته إنتهت) مين الي بيقوم بالوظيفة دي؟ أكيد كمية الهوا الي داخلة لخليط الإحتراق لازم تكون متغيرة حسب ظروف التشغيل ودا مش ممكن آخده أبدا إلى عن طريق الداخل في نواتج الإحتراق مش الخارج منها (عادم) بالنسبة لموضوع الفيش دا أنا هأكد عليهم بكرة وأرد عليك ولاوني بخاف قوي من الموضوع دا لايعملي أي برجلة إنتا عارف العربيات دي اليومين دول بقت بتتلكك والله. طبعا أنا بشكر كل واحد رد عليا وحاول يساعدني ومعلش هتعبكم معايا شوية بس لحد ما نوصل لحل ربنا يهديها ياراب وبركة دعاكوا معانا بقى. عموما العربية عند الميكانيكي من النهاردة الصبح وهبص عليه بكرة الصبح والمفروض إنه يكون وصل لحل أو قرار هل هوا فعلا حساس الهوا الي مسبب البرجلة دي؟ أرجو إنكم ماتبخلوش عليا بمجهودكم,
__________________
|
#13
|
||||
|
||||
رد: أرجو المساعدة "نوع البوجيهات" "مشكلة تبطيل العربية"
هوا بالنسبة للبوجيهات ماحدش أفادني في مضوع الخلوص دا غير ال أ.هشام كتر ألف خيره بس كنت عايز أتأكد من حضرتك على حاجة, هوا حضرتك قولتلي لو الفتحة مظبوطة بالفيلر على 0.4 مم هيبقى أحسن هل دا رقم عاام ولا رقم مخصوص لماتور العربية دي لأني الي بيتباع بيبقى مظبوط على 0.9مم ودا الي أنا ركبته وبالنسبة بقى لموضوع الأربعة شمعة دا فا دا ربنا يسامحه الي شار عليا المشورة الحلوة دي أهو على الأقل كان في نيته الخير ودا يكفي.
كمان حضرتك قولتلي لو ماتور عربيتك مظبوط هات حتى ستة شمعة لو بيتباع عندكوا في الإمارات؟ أنا أصلا ما اعرفشي ماتور عربيتي مظبوط ولا لأ وكل الي اعرفه عنه إنه مابيطلعشي دخان لا إسود ولا أبيض في العادم ولما غيرت البوجيهات ماكنتشي عليها زيت ولا حاجة غير بوجيه واحد بس أفتكر الرابع وكان خفيف قوي حتى الميكانيكي قالي لا ماتشغلشي بالك.
__________________
التعديل الأخير تم بواسطة dr_eslam_66 ; 12-08-2012 الساعة 05:23 AM |
#14
|
||||
|
||||
رد: أرجو المساعدة "نوع البوجيهات" "مشكلة تبطيل العربية"
الأعراض اللى حضرتك ذكرتها يا دكتور 80% حساس الهوا و20% حساس العادم
ولازم فى كل الحالات يتكشف عليها على جهاز محترم تنظيف حساس الهوا بالهوا فقط لأن اى مادة تترش علية مش مضمونة يعنى WD40 ناس جربته وبتقول انه تمام وأختلف معاهم ناس تانية قالت إسبراى تنر وانا برضو بختلف معاهم والأسلم تغييره لأن واضح انه متهالك ( بدليل ان التسارع من40 - 80 ميت ) ومش بتجرى غير مع الكيك داون وطبعا ساعتها بتكون العربية خدت كمية هوا تكفى لموتور طيارة ممكن لو دخلت ع الموتور مرة واحدة مع بوجيهات قوية تضر المحرك على المدى الطويل
بمجرد انك تدوس دوسة خفيفة هتبدأ العربية تسحب وفى حالة التسارع من 40-80 مثلا هتاخدها بالتدريج وتلاقيها بعد كده بتسحب كأنك بتزود بنزين وانت اساسا مثبت رجلك ده عيب حساس الهوا - البوجيهات انا ماجبتش الرقم من الكاتالوج بس بعتمد على انى اجرب بنفسى بالنسبة للعربيات الإنجيكشن بظبط البوجيه على 0.4 مللى بالفلر والعربيات الكربراتير على 0.5 والنتيجة كانت ممتازة لأن لما يكون الخلوص قليل الشرارة بتزيد وبالتالى بيحسن من الأداء وبيقلل فى الإستهلاك
وإستخدامه خطير فى الحالة دى |
#15
|
||||
|
||||
رد: أرجو المساعدة "نوع البوجيهات" "مشكلة تبطيل العربية"
لوجى الجديدة موديل السنة بتعمل كده ؟؟ ممكن تنظف حساس الهوا وتحط العربية على الإسكانر كمان لازم تغير فلتر الهوا ولا تكتفى بنفخه فقط علشان هو السبب ان الحساس يقرا غلط |
|
|