المشاركة الأصلية كتبت بواسطة elmahdy29
مفيش تطويل ولا حاجه يا عم اتش
باختصار... الاوبشن هو خليط من الاوبشن الكامل والهاف... ازاي... هاقولك
يعني السي دي بلاير ودراع التحكم اللي في الدريكسيون موجود... وده بتاع اعلى فئة
بس هي 2 زجاج كهرباء امامي ومفهاش مرايات كهرباء.. مرايات عاديه يعني... وده بتاع الهاف
بس هي فيها فوج لايت.. وده بتاه الفول اوبشن... ومفهاش كسوة قماش في الباب من جوه... البطانه كلها فبر... وده بتاع الهاف
بس هي فيها فرامل ايه بي اس + اي بي دي... وبصراحه دول مخليين فراملها ممتازه ماشاء الله عليها في الاداء في الفرامل المفاجئه
هي فيها جنوط... وطبعا الباقي انت عارفه من الاكصدامات والعتب وحامل السقف ( وهو بالمناسبه حامل نيكل كروم مش فيبر وده غالي جدا.. انا مش عارف مركبينه ليه في عربية بالسعر ده) ومفهاش كمبيوتر الرحلات ( اللي بيقولك ستهلاك البنزين والذي منه ) بس الفرش بتاعها اسود بالكامل وكمان قماش مطبوع بطريقة الحفر في القماش والضهر والحواف جلد .... وده خاص بيها هي بس زي الفوانيس الامامية بتاعتها المظلله من الداخل بالسواد ( كان حد مفيم الفوانيس )
واي حاجه طبعا تحب تركبها ده بيحصل مفيش مشاكل... هي حتى بتيجي ب 2 سماعه في الباب قدام... ومجهزين التوصيله لاتنين كمان في الباب اللي ورا عشان توصلها بايديك بمنتى السهولة وبدون تدخل اي فني... وهي كمان بتيجي بمفتاح ريموت وده بتاع الفول اوبشن
يعني هي باختصار باكدج قائم بذاته
بالنسبة لسمير ريان...بعت اتنين زمايلي هناك والسعر اللي خدوه من غيره هو هو السعر اللي خدوه منه... يعني مش فارقه... انت بس هات اخرك مع اللي بيكون معاك هناك... وهما كلهم شباب كويس... وهو عموما اسمه عصام... اي حاجه تاني انا في الخدمه
|
انا مش عارف اشكرك ازاى على ردك المليان الكافى ده .... ربنا يبارك ليك فى العربية ويحفظ طريقك
معلش سؤال كمان بالنسبة للمرايات الجانبية هل يمكن تركيبهم كهرباء ولا لأ
وهل ممكن تقييم حضرتك ليها مقارنة باللوجان سيدان بلاك لين يعنى باختصار درجة التميز لأى منهم بصرف النظر عن حجم الشنطة
29-02-2012, 04:10 PM
رد: باركولي انا جبت رينو ساندير ستيب واي
ده انا حبيت العربية من ردودك 
