رابطة ملاك ومحبى السفينه فيات 132

[أيمن الروبي]

المشاركة الأصلية كتبت بواسطة hyundai 2005 الله عليك يازميل بس المحاسبه اليومين دول مضروبه شويه انا بالعافيه معايا 5 شركات ماسك لهم حسابات وكام ملف صغير كده من ابو 50 جندي فالسنه الحمد لله عشان كده بنلعب في العربيات وقطع الغيار لو محتاج اي مساعده انا تحت امرك موسم الاقرارات قرب اهه وحنعملوهم يا زميل

الشغلانه دي انضربت خلاص وخصوصا بعد قانون الضرايب الجديد 2005 وكمان دلوقتي العميل ميعرفش قميتنا غير لما يجيله فحص
علشان كده الواحد مش مهتم اوي وخصوصا المهه دي ليها محتكرينها حازم حسن مصطفي شوقي مجدي حشيش والخ
ربنا يكرمنا جميعا

[محمدصلاح القاضى]

http://masrmotors.com/vb/showthread.php?p=827469#p ost827469

الموضوع دا مهم
ارجوا من الجميع المشاهده وشكرا
:26 0309~352:

[أيمن الروبي]

دلوقتي يا جماعه بعد البحث في موضوع تركيب الديفيل عرفت شوية معلومات هي متلغبطه عندي بس هحاول اظبطهملكوا
اولا الشكمان بيتكون من 3 علب اول واحده بعد المشترك دي اسمها علبة البيئه وبعد كده علبتين كتم الصوت بتكون واحده اسطوانيه دائريه والتانيه اسطوانيه مستطيله
ثانيا علبة البيئه وظيفتها تحويل العادم من غاازات سامه وضاره الي غازات اقل ضرر
ثالثا العلبتين التانيين وظيفتهم عمل باك بريشر وتقليل الصوت ده بقي المختصر المفيد
طب لما نعوز نركب ديفل نعمل ايه
اولا في كذا حاجه في نظام تركيب الديفيل
علبة البيئه - ماسورة الشكمان - علبه اسمها صد رد - الديفيل
علبة البيئه لازم نركبها علشان منضرش غيرنا بعادم السياره بالرغم من الغائها بيعلي من اداء العربيه وبيفرق في السحب جامد اوي طب لو عاوزين نزود الاداء وهي راكبه بنشتري علبة بيئه اسبور بس دي نادره في مصر وبتكون غاليه

ماسورة الشكمان لو العربيه لحد 1400 سي سي نجيبها 1.5 بوصه ومن 1400 لحد 2000 سي سي 2 بوصه ويفضل تكون استنلس استيل لعمر اطول

علبة الصد رد دي وظيفتها تقليل صوت الديفيل

الديفيل بقي لو مش عاوز صوت ضخم تحاول تجيب ديفيل كبير ولو صغير بيكون الصوت اقوي ومقاس الديفيل الداخلي يعني القطر الداخلي لحد 1400 سي سي 2 بوصه ومن 1400 لحد 2000 سي سي يكون القطر الداخلي 2.5 بوصه وبيكون مكتوب علي الديفيل


المشكله بقي ان لازم تجيب الحاجات دي ماركات محترمه ومعروفه بعيد عن المصري العموله والصيني السيء وطبعا هيكون نظام الشكمان الجديد مكلف لا يقل عن 800 جنيه دي اقل تعديل كمان

وهبقي احاول اعرفلكوا تفاصيل اكتر واعر فكوا بيها
سلامي

[hyundai 2005]

المشاركة الأصلية كتبت بواسطة أيمن الروبي الشغلانه دي انضربت خلاص وخصوصا بعد قانون الضرايب الجديد 2005 وكمان دلوقتي العميل ميعرفش قميتنا غير لما يجيله فحص علشان كده الواحد مش مهتم اوي وخصوصا المهه دي ليها محتكرينها حازم حسن مصطفي شوقي مجدي حشيش والخ ربنا يكرمنا جميعا

فعلا والله زمان كان الفحص شغال علطول كل يومين تلاقي موكل داخلك اشي بنوذج 18 علي 19
ومره تسويه ومره نموذج 3و4 ولا جواب عربيه العمليه كانت زي الفل وتقريبا لحد الثوره وبعد كده اقفل يا معلم اخرك دلوقتي تلاقي واحد واقع في العينه وعنده فحص 2005 ولا حاجه وبالسلامه ياقلبي
الواحد سايب المكتب بس عشان البرستيج هههههههههههههه

[Mohamed Rashedy]

احلى سلام على رجال الرابطة الكرام
كان عندى سؤال فنى
العربية امبارح ماشى بيها على سرعه 80 ولقيت فجاة تاكسى جاى عكسى فى وشى المهم مسكت فرمله على الاخر وكانت العربيه هتتقلب بيا ولاحظت الاتى ان العربيه مسكت فرامل امامى كويس جدا ام ورا قعدت تحدف بيا من ورا يمين وشمال كانى بعمل درفت
ده سببه ايه
ولكم جزيل الشكر